மனோ தங்கராஜ்
பால்வளத்துறை அமைச்சர்
பதவியில் உள்ளார்
பதவியில் 7 மே 2021
தொகுதி	பத்மனாபபுரம்
தனிப்பட்ட விவரங்கள்
பிறப்பு	கருங்கல், கன்னியாகுமரி மாவட்டம்
தேசியம்	இந்தியர்
அரசியல் கட்சி	திராவிட முன்னேற்றக் கழகம்

டி மனோ தங்கராஜ் (T. Mano Thangaraj) என்பார் இந்திய அரசியல்வாதியும், தமிழக அமைச்சரும் ஆவார்.

மனோ தங்கராஜ் கன்னியாகுமரி மாவட்டத்தைச் சேர்ந்த கருங்கல் நகரைச் சேர்ந்தவர். இவர் 1996 முதல் 2006 வரை மாவட்ட பஞ்சாயத்துத் தலைவராக இருந்துள்ளார். இவர் தனது கல்லூரி நாட்களிலிருந்தே அரசியலில் மிகவும் ஈடுபாடு கொண்டிருந்தார். மார்த்தாண்டம் கிறித்தவ கல்லூரியின் மாணவர் சங்கத் தலைவராக இருந்துள்ளார். இவருக்கு திருமணமாகி ஒரு மகன் மற்றும் ஒரு மகள் உள்ளனர், தற்பொழுது மனைவியை விட்டு பிரிந்து வாழ்ந்து வருகிறார்.இவர் 1988ஆம் ஆண்டில் கூடங்குளம் அணுமின் நிலையத்திற்கு பேச்சிப்பாறை நீர்த்தேக்கத்திலிருந்து தண்ணீர் எடுப்பதை எதிர்த்து போராட்டங்களை நடத்தியுள்ளார்.

இவர் பெண்கள், குழந்தைகள் மற்றும் சுகாதாரம் தொடர்பான பிரச்சினைகளில் செயல்பட்டு வரும் குட் விஷன் நற்பணி மன்றத்தை நிர்வகித்து வருகிறார். ^[1]

இவர் 2016 இல் பத்மனாபபுரம் சட்டமன்ற தொகுதியிலிருந்து] சட்டமன்ற உறுப்பினராக தேர்ந்தெடுக்கபட்டார்.^[2] 2021 தமிழ்நாடு சட்டமன்றத் தேர்தலில் அதே தொகுதியில் இருந்து திராவிட முன்னேற்றக் கழக சட்டமன்ற உறுப்பினராகத் தேர்ந்தெடுக்கப்பட்டார்.^[3][4] சட்டமன்ற உறுப்பினராக மீண்டும் தேர்ந்தெடுக்கபட்டார்.2021 மே 7 அன்று தமிழக தகவல் தொழில்நுட்பத் துறை அமைச்சசராக பதவியேற்றார்.இதையடுத்து 2023 மே 11 அன்று இலாகா மாற்றம் செய்யப்பட்டு பால்வளத்துறை அமைச்சராக பதவியேற்றார்.ref>தமிழ்நாட்டின் புதிய அமைச்சர்கள் யார், யார்? முழு விவரம், பிபிசி 2021 மே 6</ref>

• அதிகாரப்பூர்வ வலைத்தளம்^{[தொடர்பிழந்த இணைப்பு]}