ஆமைத் தீவுகள் தேசியப் பூங்கா Turtle Islands Park
ஐயுசிஎன் வகை II (தேசிய வனம்)
Lua error in Module:Location_map at line 525: Unable to find the specified location map definition: "Module:Location map/data/Borneo Locator Topography.png" does not exist.
அமைவிடம்	சபா, மலேசியா
அருகாமை நகரம்	சண்டக்கான்
ஆள்கூறுகள்	6°08′58″N 118°3′15″E / 6.14944°N 118.05417°E / 6.14944; 118.05417
பரப்பளவு	17 km2 (6.6 sq mi)
நிறுவப்பட்டது	1977
நிருவாக அமைப்பு	சபா வனப்பூங்காக்கள் அமைப்பு

ஆமைத் தீவுகள் தேசியப் பூங்கா (மலாய்: Taman Pulau Penyu; ஆங்கிலம்: Turtle Islands National Park) என்பது மலேசியா, சபா மாநிலம், சண்டக்கான் பிரிவு, சண்டக்கான் மாவட்டத்தின் எல்லைப் பகுதியில் அமைந்து உள்ள ஒரு தேசியப் பூங்கா ஆகும்.

சண்டக்கான் நகருக்கு வடக்கே, சுமார் 3 கி.மீ. (1.9 மைல்) தொலைவில், சுலு கடலில் இருக்கும் ஆமைத் தீவுகளில் இந்தத் தேசியப் பூங்கா அமைந்து உள்ளது. ஆமைத் தீவுகள் தேசியப் பூங்கா, சபா வனப்பூங்காக்கள் அமைப்பினால் (Sabah Parks) நிர்வகிக்கப் படுகிறது.

ஆமைத் தீவுகளில் 3 தீவுகள் உள்ளன: செலிங்கான் தீவு (Selingaan); லிட்டில் பாக்குங்கான் தீவு (Little Bakkungan); குலிசான் தீவு (Gulisaan). இந்தத் தீவுகளின் கடற்கரைகளில் பச்சை ஆமைகள் (Green sea turtle) மற்றும் அழுங்காமைகள் (Hawksbill turtle) முட்டையிடுவது வழக்கம். அதனால் இந்தப் பூங்கா பிரபலமானது.

ஆமைத் தீவுகள் தேசியப் பூங்கா 17.4 கிமீ² பரப்பளவைக் கொண்டது. இருப்பினும், ஆமைத் தீவுகளின் தீவுக் கூட்டத்தில் மொத்தம் 10 தீவுகள் உள்ளன. அவற்றில் 3 தீவுகள் மலேசியாவின் ஆமைத் தீவுகள் பூங்காவின் ஒரு பகுதியாகும். மேலும் 7 தீவுகள் பிலிப்பைன்ஸ் நாட்டின் தாவி - தாவி மாநிலத்தின் ஆமைத் தீவுகள் வனவிலங்கு சரணாலயத்தைச் (Turtle Islands Wildlife Sanctuary, Tawi-Tawi, Philippines) சேர்ந்த பகுதியாகும்.

1966 ஆகஸ்டு 1-ஆம் தேதி மலேசியாவின் முதல் ஆமைக் குஞ்சு பொரிப்பகம் செலிங்கான் தீவில் நிறுவப்பட்டது. அதற்கு சபா மாநில அரசாங்கம் முழுமையாக நிதியுதவி செய்தது. சிறிது காலத்திற்குப் பிறகு, மீதம் உள்ள இரண்டு தீவுகளில் ஆமை குஞ்சு பொரிப்பகங்கள் நிறுவப்பட்டன.

1972-ஆம் ஆண்டில், செலிங்கான், பாக்குங்கான் கெச்சில் மற்றும் குலிசான் ஆகிய தீவுகளில் பறவைகளுக்கான சரணாலயங்கள் நிறுவப்பட்டன. 1977-ஆம் ஆண்டில், அந்த இடங்கள் கடல் பூங்காக்களாக மேம்படுத்தப்பட்டன.^[1]

ஆமைகளைக் கண்காணித்துக் கொள்ளுதல்; குஞ்சு பொரிப்பகங்களைப் பாதுகாத்துக் கொள்ளுதல்; ஆராய்ச்சி நோக்கங்களுக்காக ஆமைகளுக்கு அடையாள இடுகை செய்தல்; போன்றவற்றுக்கு நிரந்தரப் பூங்கா ஊழியர்கள் நியமிக்கப் பட்டார்கள்.

ஆமைத் தீவுகள் தேசியப் பூங்கா எல்லைக்குள், மற்றொரு தீவான லிபரான் தீவு (Libaran Island), இருந்தாலும், அந்தத் தீவு பெரிய அளவில் ஆமைக் குஞ்சுகள் பொரிக்கும் இடமாக அமையவில்லை.

விக்கிமீடியா பொதுவகத்தில்,
ஆமைத் தீவுகள் தேசியப் பூங்கா
என்பதில் ஊடகங்கள் உள்ளன.

• Sabah Parks: Turtle Islands National Park

6°08′58″N 118°3′15″E / 6.14944°N 118.05417°E / 6.14944; 118.05417((#coordinates:)): cannot have more than one primary tag per page

பா உ தொ மலேசியாவின் தேசியப் பூங்காக்கள்
மேற்கு மலேசியா	எண்டாவ்-ரொம்பின் தேசியப் பூங்கா லேடாங் மலை தேசியப் பூங்கா பினாங்கு தேசியப் பூங்கா தாமான் நெகாரா அரச பெலும் தேசியப் பூங்கா (தெமங்கோர்)
கிழக்கு மலேசியா	சபா குரோக்கர் தேசியப் பூங்கா கினபாலு தேசியப் பூங்கா தாவாவ் தேசியப் பூங்கா தீகா தீவு தேசியப் பூங்கா துன் முஸ்தபா கடல் பூங்கா துன் சக்காரான் கடல் பூங்கா சரவாக் பாக்கோ தேசியப் பூங்கா பத்தாங் ஆய் தேசியப் பூங்கா புக்கிட் தீபான் தேசியப் பூங்கா புடா மலை தேசியப் பூங்கா குனோங் காடிங் தேசிய பூங்கா முலு மலை தேசியப் பூங்கா குபா தேசியப் பூங்கா கூச்சிங் நீர்சார் தேசியப் பூங்கா லாம்பிர் இல்ஸ் தேசியப் பூங்கா லோகான் பூனுட் தேசியப் பூங்கா மாலுடாம் தேசியப் பூங்கா மிரி சிபுத்தி பவளப் பாறைகள் தேசியப் பூங்கா நியா தேசிய பூங்கா பூலோங் தாவ் தேசியப் பூங்கா ராஜாங் சதுப்புநில தேசியப் பூங்கா சாந்துபோங் தேசியப் பூங்கா சிமிலாஜாவ் தேசியப் பூங்கா தாலாங் சாத்தாங் தேசியப் பூங்கா தஞ்சோங் டத்து தேசியப் பூங்கா துங்கு அப்துல் ரகுமான் தேசியப் பூங்கா ஆமைத் தீவுகள் தேசியப் பூங்கா