Spůłrzyndne: 50°13'55" N 18°46'50" E50.2319444 18.7805556 (Pańůwki)

Pańůwki
Wapyn wśi
Wojewůdztwo	ślůnske
Krys	gliwicki
Gmin	Gerautowice
Szołtys	Bogusław Mryka (2021)
Rozlygowańy	50° 13' 55'' N 18° 46' 50'' E
Liczba ludźi  • Wjelość ludźi	2855
Numeracyjno sztrefa (do 2005)	032
Brifkod	44-177
Rejestracyjne tabule	SGL
Zajta internetowo wśi

Pańůwki (pol. Paniówki, ńym. Klein Paniow, čes. Paniovki) – wjeś souecko we Polsce pouožůno we Ślůnsku, we kryśe gliwickim, we gmińe Gerautowice.

Mjyndzy 1975 a 1998 wjeś bůua we wojewůdztwje katowickim.

Pańůwki sůmśadujům ze Chudowym, Mikouowym, Přišowicůma, Zobřym, Borowům Wśům a s Pańowůma. Sům bezmaua we cyntrům Gůrnoślůnskigo Uokryngu Industryjnygo GOP. Bez drůga krajowo 44 uůnčům dwa nojwjynkše mjasta we uokolicy Katowice ze Gliwicůma a Knurowym.

Pańůwki podug ńykerych zdřůduůw sům starše ańiželi sůmśedńe Pańowy. Dokůmynta ze 1361 roku naškryflano bez Kaźimjeřa Wjelgigo wymjyńo Pańůwki Paniowki in terra Bythomiensis. Půźńi zouožůno gmina Pańůwki. Pańůwki nolozuy śe we grańicach państwa pruskigo a potym Ńymcůw. Atoli wjynkšość mjyszkańcůw bůua narodowośći polskij. Po wojńe Pańůwki bůuy zaś nazod we Polsce, kaj stouy śe tajlům wojewůdztwa katowickigo. Dźiśo juž ale noležům do Ślůnska, a do gminy Gerautowice.

Parafijo Pańůwki istńije uod 1936 roku. Podwjela powstoua, wjerńi chodźili do kośćoua we Pańowach kery bůu kośćouym filjalnym parafije we Bujakowje.

Uročyste pośwjyncyńy kośćoua bůuo 26 listopada 1936 roku, zaś 28 grudńa 1945 roku powouano kuracyjo Pańůwki, do keryj přyuůnčono tyž sůmśedńo parafijo Chudůw. 2 grudńa 1951 roku uoddano do užytku fara, a we 1990 roku kaplica pogřebowo.

We Pańůwkach dźauo powšechno Šula Podstawowo a Gimnozjum.

Předšula:

• Přydšule we Pańůwkach (budynek Uochotničyj Fojerwery)

Šule podstawowe:

• Šula Podstawowo im. Jana Pawła II we Pańůwkach

Gimnozyja:

• Gimnozyjům nr 2 we Pańůwkach (do gimnozyjům we Pańůwkach uažům tyž školoře ze somśedńigo Chudowa, wčeśńyj uaźouy tyž školoře ze Borowyj Wśi).

Inkše:

Krům šuli we Pańůwkach je tyž śwjetlica środowiskowo we kery sům zajynća lo bajtli i modych: nauka špilańo na instrumyntach muzyčnych (keyboardźe, gitaře klasyčnyj, gitaře basowyj), půmoc we nauce a inkše. Śwjetlica je we ńydowno wyremontowanym budynku staryj šuli we kerym je tyž filijo gminnyj bibljoteki publičnyj, ostřodek zdrowjo a amt soutysa.

We Pańůwkach som šlaki turystyčne:

• - Šlak Uokrynžny Wokůu Gliwic
• – Šlak Krawyndźowy GOP
• – Šlak Bohaterůw Wiežy Spadochronowyj
• – Šlak Leśny

• Romański Kośćou św. Urbana we Pańůwkach
• Stawjyńe šuli podstawowej im. Jana Pawła II a Gimnozjum nr 2 we Pańůwkach

Uośedle "Leśne" Pańůwki - Gliwice (w trakće stowjańo). Uośedle stowjo Předśymbjorstwo Baumajsterske "Feniks".

We Pańůwkach je Ludowy Klub Športowy Tempo Pańůwki, kery špilo terozki we klaśe uokryngowyj grupie IV katowickij. Je tyž muodźežůwka. Planuje śe tyž zouožyńe družyny śatkarskij chopůw.(do 2010 r.)

Klůb:

• Pouno nazwa: Ludowy Klub Športowy Tempo Pańůwki - LKS Tempo Pańůwki
• Liga: Klasa uokryngowo grupa IV katowicko (tzw. V liga)
• Rok zouožyńo: 1920
• Adres: ul. Dworska 10

Wuadze:

• Prezes: Józef Organiściok
• Trener: Ginter Hawlicki

Stadjůn: we fazie projektowańo, nojpewńyj bydźe postawjůno jydna trybuna ze 400 zicplacůma, bez zadašyńo, projekt bydźe nojpewńyj finansowany ze fundušy "projekt Euro 2012" abo ze unijnych dotacyji. Ńy som wyklučyńi prywatńi sponsořy.

Drugi manšaft:

• Pouno nazwa: Tempo Pańůwki 2 (drugi manšaft)
• Liga: Klasa A we grupie katowickiyj
• Rok zouožyńo: 2002
• Adres: ul. Dworska 10

Tranzyt

Bez wjeś přeuaźi droga krajowo 44. Fest ńydoleko uod wśe sům dwa zjazdy na autobana A4.

Kůmunikacyjo

Dobro kůmunikacyjo drogowo pozwalo wśi na leki dostymp do poru wjynkšych mjast we uokolicy, m.in. Gliwic, Katowic, Zobřa a Mikouowa.

Bez wjeś ježdžům autobusy KZK GOP (lińje 41, 120, 669, 936) , MZK Tychy (lińja 33) a PKS Rybnik.

• Mapy: Autopilot | Google Maps | Szukacz | Targeo | Zumi

• Zdjynća satelitarne: Google Maps | Wikimapia | Zumi