Wilaya ya Kigamboni
| Wilaya ya Kigamboni | |
  Wilaya ya Kigamboni Mahali pa Kigamboni katika Tanzania |
|
| Majiranukta: 6°52′8″S 39°15′40″E / 6.86889°S 39.26111°E | |
| Nchi | Tanzania |
|---|---|
| Mkoa | Dar es Salaam |
| Wilaya | Kigamboni |
| Idadi ya wakazi | |
| - Wakazi kwa ujumla | 317,902 |
Kigamboni ni jina la Wilaya mpya kati ya 5 za Mkoa wa Dar es Salaam, Tanzania, yenye postikodi namba 17000, pia jina la kata ndani yake iliyo na postikodi 17107.
Hadi mwaka 2016 Kigamboni ilikuwa jina la kata pekee, na kwa mujibu wa sensa iliyofanyika mwaka wa 2012, kata ilikuwa na wakazi wapatao 30,496 waishio humo.[1] Katika sensa ya mwaka 2022 wakazi wa wilaya nzima walihesabiwa 317,902 na wale wa katac 24,810 [2].
Kigamboni ina umbo la rasi kati ya Bahari Hindi na maji ya bandari. Imetengwa na jiji la Dar es Salaam kwa maji ya Kurasini Creek.
Mawasiliano yapo kwa njia ya feri kati ya Kigamboni na Kivukoni upande wa jiji.
Tangu mwaka 2016 kuna Daraja la Julius Nyerere linalounganisha maeneo karibu na Vijibweni upande mmoja na barabara ya Nelson Mandela (zamani Port Access Road) upande wa jiji.
Kuna pia barabara inayozunguka bandari kupitia Kibada hadi kufika Kilwa Road lakini njia hiyo ni ndefu mno: ni kilomita zaidi ya hamsini hadi kitovu cha jiji kwa njia ya nchi kavu.
Pia Kigamboni katika kata ya Vijibweni ndiyo sehemu ambapo kuna yadi nyingi za mafuta: kampuni zinazohifadhi mafuta katika yadi hizo ni: CAMEL OIL, OIL COM, BIG BON na nyinginezo.
Kiasili sehemu hii ilikuwa kijiji cha wavuvi lakini katika miaka ya nyuma watu wa jijini wamejenga nyumba na hoteli za kitalii zimeenea kwenye ufuko wa Bahari Hindi.
Marejeo
[hariri | hariri chanzo]- ↑ http://www.meac.go.tz/sites/default/files/Statistics/Tanzania%20Population%20Census%202012.pdf Archived 2 Januari 2004 at the Wayback Machine. Wilaya ya Temeke - Mkoa wa Dar es Salaam
- ↑ https://www.nbs.go.tz
|
Kata za Wilaya ya Kigamboni - Tanzania |
|
|---|---|---|
|
Kibada (17109) | Kigamboni (17107) | Kimbiji (17101) | Kisarawe II (17104) | Mjimwema (17106) | Pembamnazi (17105) | Somangila (17102) | Tungi (17103) | Vijibweni (17108) | ||
 | Makala hii kuhusu maeneo ya Dar es Salaam bado ni mbegu. Je unajua kitu kuhusu Wilaya ya Kigamboni kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. Usitaje majina ya madiwani na viongozi au maafisa wengine wa sasa maana wanabadilika haraka mno. |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
