Mwanateolojia ni mtu anayeshughulikia teolojia au ujuzi juu ya habari za Mungu kitaalamu. Ni tofauti na mtaalamu wa dini anayeweza kuchungulia dini yoyote, kwa sababu mwanateolojia ana msimamo katika mapokeo ya dini moja hasa.

Si lazima awe mwalimu wa dini yake anayetambuliwa na waumini, kwa sababu kitambulisho ni kiwango chake cha elimu si imani. Hata hivyo kuna pia wanateolojia ambao mara nyingi ni viongozi wa kiroho.

Katika mapokeo ya Ukristo wa magharibi mwanateolojia amepita ngazi za chuo kikuu na masomo yake katika idara ya teolojia. Nje ya Ukristo wa magharibi kwa mfano katika Uislamu, Uyahudi na Ukristo wa mashariki kuna pia njia mbalimbali za kukubaliwa kufika kwenye kiwango cha utaalamu wa habari za Mungu.

Katika muundo wa teolojia ya magharibi mwanateolojia ataweka mkazo wake katika masomo ya teolojia kama vile:

• Agano la Kale
• Agano Jipya
• Historia ya Kanisa
• Mafundisho ya Imani ya Kikristo
• Mafundisho ya Maadilidini ya Kikristo
• Mafundisho ya habari ya uchungaji kama vile:
  • kuhubiri imani
  • kufundisha imani
  • kuchunga waumini
  • kushauri waumini

na mengineyo.