Urdhri "Gjergj Kastrioti Skënderbeu" është një dekoratë nderi e Republikës së Shqipërisë që u jepet qytetarëve shqiptarë dhe të huaj për ndihmesë të qenësishme ose akte të veçanta heroike në mbrojtjen, forcimin e përparimin e Republikës së Shqipërisë. Dekorata jepet me dekret nga Presidenti i Shqipërisë. Ky urdhër është i artë.

Deri më tani më ky titull e kanë marrë:

• Dom Nikollë Kaçorri, organizator i revoltave anti-osmane në Kurbin, Mirditë, Dibër, zv/kryeministër i qeverisë së parë shqiptare, sekretar i ipeshkvit të Durrësit.
• Mit'hat Frashëri, ishtë nëpunës i Perandorisë Osmane, publicist, shkrimtar, përkthyes, albanolog, diplomat, veprimtar i çështjes kombëtare, kryetar i Ballit Kombëtar dhe Komitetit "Shqipëria e Lirë".
• Pandeli Evangjeli, patriot, kryeministër shqiptar.
• Lef Nosi, firmëtar i Shpalljes së Pavarësisë, folklorist, etnograf, numizmat, arkeolog e politikan shqiptar.
• Ali Këlcyra, udhëheqës çetash kundër andarteve greke, prijës gjatë Luftës së Vlorës, deputet dhe gazetar shqiptar.
• Fatos Thanas Nano (lindur më 1952 në Tiranë), statusi i tij ishte kryeministër dhe me profesion politikan, ekonomist. Dekorimi i tij është bërë më 17 shtator 2002 me propozimin e Presidentit të Republikës, Zoti Alfred Moisiu.
• Colin L. Powell, statusi i tij ishte Sekretar Shteti i ShBA dhe me profesion politikan. Dekorimi i tij është bërë më 1 Maj 2003 me propozimin e Presidentit të Republikës, Zoti Alfred Moisiu.
• Azem Hajdari, u dekorua post-mortum nga Presidenti i Shqipërisë Bamir Topi më 10 shtator 2008 me motivacion "Për kontribut të shquar në lëvizjen demokratike për rrëzimin e diktaturës komuniste, lindjen e pluralizmit politik në Shqipëri dhe futjen e saj në rrugën e zhvillimit demokratik, si një nga drejtuesit kryesor të Lëvizjes Studentore"
• Fatmir Sejdiu, President i Republikës së Kosovës, u dekorua nga Presidenti Bamir Topi më 3 nëntor 2008 me motivacion: “Për kontribut të shquar në udhëheqjen e rezistencës popullore kosovare dhe të gjithë veprimit politik për fitoren e Pavarësisë së Kosovës e ndërtimin e një shteti të ri demokratik, për rolin e tij të rëndësishëm si politikan i respektuar nga populli i tij dhe faktori ndërkombëtar, në krijimin e ekuilibrave politikë dhe institucionalë”.
• Sabri Hamiti, akademik, shkrimtar e studiues i letërsisë, u dekorua nga Presidenti Bamir Topi më 10 maj 2010 me motivacion: “Për kontributin e pazëvendësueshëm në mendimin modern shqiptar në studimet albanologjike si dhe për rolin e luajtur në përballimin e sfidave historike me të cilat u ndesh populli shqiptar në fund të shekullit XX”
• Anastas Janullatos, Kryepeshkop i Kishës Ortodokse Autoqefale të Shqipërisë, akademik, studiues etj., u dekorua në 2010 nga Presidenti i Republikës z.Bamir Topi me motivacion: “Për kontributin dhe veprimtarinë në ringjalljen e besimit dhe forcimin e harmonisë fetare”.
• Rrok Mirdita, Arqipeshkëv i Kishës Katolike të Shqipërisë, u dekorua në 2010 nga Presidenti i Republikës z.Bamir Topi me motivacion: “Për kontributin dhe veprimtarinë në ringjalljen e besimit dhe forcimin e harmonisë fetare”.
• Selim Muça, Kryetar i Komunitetit Mysliman të Shqipërisë, u dekorua në 2010 nga Presidenti i Republikës z.Bamir Topi me motivacion: “Për kontributin dhe veprimtarinë në ringjalljen e besimit dhe forcimin e harmonisë fetare”.
• Reshat Bardhi, Kryetar i Komunitetit Bektashi të Shqipërisë dhe Kryegjysh Botëror, u dekorua në 2010 nga Presidenti i Republikës z.Bamir Topi me motivacion: “Për kontributin dhe veprimtarinë në ringjalljen e besimit dhe forcimin e harmonisë fetare”.
• Hamad bin Khalifa Al Thani, Emiri i Katarit me motivacionin: “Për merita të shquara në forcimin e marrëdhënieve ndërmjet Republikës së Shqipërisë dhe Shtetit të Katarit, si dhe për kontributin e vyer në shërbim të paqes e stabilitetit në arenën ndërkombëtare”.^[1]

• Dekoratat në Republikën e Shqipërisë
• Urdhëri i Skënderbeut

• Ligji Nr.8113, datë 28.3.1996 PER DEKORATAT NE REPUBLIKEN E SHQIPERISE
• Dokumenti Urdhri i Skenderbeut gjetur në gusht 2006 në faqen e Presidentit të Shqipërisë