Fadil Hoxha
Fadil Hoxha (Gjakovë, 15 maj 1916 - Prishtinë, 23 prill 2001) ishte arsimtar, oficer në Luftën e Dytë Botërore, gjeneral major në Lëvizjen Nacional-Çlirimtare.
Jeta
[Redakto | Redakto nëpërmjet kodit]Më 1932 shkoi në Shqipëri për t´u shkolluar, së pari katër klasët e gjimnazit në Shkodër dhe më pas në Normalen e Elbasanit - të cilën e përfundoi më 1940. Në Shkodër bashkëpunoi me Emin Durakun, Qemal Stafën, Vasil Shanton e Tuk Jakovën.[1]
Gjatë Luftës së Dytë Botërore shërbeu si oficer këmishëzi[2]. Në vitin 1941 kthehet në Kosovë si mësues, për t'u bërë më vonë një nga nismëtarët e Lëvizjes Nacional Çlirimtare. Pas kthimit në Kosovë i bashkohet rezistencës partizane kundër okupimit fashist italian dhe më 1943 emërohet komandant i aradhes partizane "Emin Duraku", që atë kohë operonte në territorin e Kosovës.
Pas luftës kishte disa funksione politike në nivel krahinor dhe federativ. Funksionet më të larta në nivelin federativ ishin anëtar i Kryesisë Republikës Socialiste Federative Jugosllavisë dhe anëtar i Kryesisë së Lidhjes Komunisteve Jugosllavisë. Më 11 qershor 1945, me formimin e Kuvendit të Kosovës emërohet kryetar i tij. Këtë funksion e mbanë deri më 20 shkurt 1953. Po në këtë funksion emërohet edhe një herë më 11 korrik 1967, dhe e mbanë përgjatë demostratave të njohura të vitit 1968-të, ndërsa një vit më vonë 1969, i liron funksionin Ilaz Kurteshit.[3]
Pas Demonstratave ´81, atakohet nga ana e komunistëve dhe funksionarëve shtetëror të Republikës Socialiste të Serbisë të cilët më vonë nxisin luftën ballkanike të viteve ´90. Nga mesi i viteve ´80 tërhiqet nga jeta politike dhe publike.
Perpos jetës së tij politike, ai u muar edhe me shkrime mënjeherë pas luftës së II-të Botërore. Botoi ditarin e tijë të njohur, të titulluar "Kur Pranvera vonohet" që ishte një kryevepër në vitet 70, e disa vite më vonë edhe u pershtat për filmin artistik, po më ketë emër, nga regjisori kosovarë Ekrem Kryeziu.
Fadil Hoxha vdiq më 23 prill 2001 në Prishtinë, në moshën 85 vjeçare.
Shiko dhe
[Redakto | Redakto nëpërmjet kodit]
Burime
[Redakto | Redakto nëpërmjet kodit]- ^ Dervishi K., Lëvizja komuniste në vitet 1924-1944 dhe formimi i PKSH-së, Tiranë: 55, 2016. fq. 185. ISBN 978-9828-106-38-4
- ^ Merlika-Kruja M., Kuvend Letrash me Miqtë: Ndue Gjonmarkaj, Zef V. Nekaj, Tiranë: sh.b. "Omsca-1", fq. 317.
- ^ b:Vitviteja/Presidenca e Rep. Kosovës
| Republika e Kosovës (nën sundim serb) (1990–1999) |
|
|---|---|
| Kosova e administruar nga OKB (1999–2008) | |
| Republika e Kosovës (Njohur nga 116 shtete anëtare të OKB) (2008–sot) | |
| Heronj të popullit në KSA e Kosovës | |
|---|---|
| Mustafa Bakija | Meto Bajraktari | Muharrem Bekteshi | Boro Vukmiroviq | Trajko Gërgoviq | Dara Dragishiq | Emin Duraku | Dragutin Gjorgjeviq | Milan Zeqar | Katarina Patrnogiq | Miladin Popoviq | Jovanka Radivojeviq | Ramiz Sadiku | Slobodan Surçeviq | Тоmazini Silvira | Xhevdet Doda | Fadil Hoxha | qyteti Prishtina | |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
