කුංකුම් භාග්‍යා
| කුංකුම් භාග්‍යා | |
|---|---|
 | |
| තැනුවේ | ඒක්තා කපූර් |
| ප්‍රවර්ධනය කලේ | ඒක්තා කපූර් |
| රචනය කලේ | කථාව අනිල් නාග්පාල් තිරරචනය අනිල් නාග්පාල් විකාස් තිවාරි දෙබස් ධීරාජ් සර්ණා |
| අධ්‍යක්ෂණය කලේ | සමීර් කුල්කර්ණි ෂාරද් පාණ්ඩේ |
| නිර්මාණාත්මක අධ්‍යක්ෂක(වරු) | නිර්මාණාත්මක නිෂ්පාදක තනුශ්‍රී දාස්ගුප්තා ශාලු නිතින් ධාල් අංශුමාන් ෂර්මා |
| රඟපෑම | ෂබ්බිර් අලුවාලියා ශ්‍රිති ජා වින් රානා ශිඛා සිං ලීනා ජුමානි |
| තේමා සංගීත නිර්මාණකරු | ලලිත් සේන් නවාබ් අර්සූ |
| ඇරඹුම් තේමාව | කුංකුම් භාග්‍යා |
| සම්භව රට | ඉන්දියාව |
| භාෂාව(න්) | හින්දි |
| කථාවාර සංඛ්‍යාව | 1 |
| කථාංග ගණන | 1772 |
| නිෂ්පාදනය | |
| නිෂ්පාදක(යෝ) | ඒක්තා කපූර් ශෝභා කපූර් |
| ස්ථානය(න්) | මුම්බායි |
| සිනෙමාරූපණය | සංජේ මෙමේන් අනිල් කාට්කේ |
| කැමරා සැලැස්ම | බහු-කැමරා |
| ධාවන කාලය | ආසන්න. මිනිත්තු 22 |
| නිෂ්පාදන සමාගම | බාලාජි ටෙලිෆිල්ම්ස් |
| ප්‍රචාරණය | |
| මුල් නාලිකාව | සී ටීවී ජියෝ කහානි |
| රූප ආකෘතිය | 480i(SDTV) 1080i(HDTV) |
| මුල් ධාවනය | 15 අප්‍රේල් 2014 – වර්තමානය |
| බාහිර සබැඳි | |
| වෙබ් අඩවිය | |
| නිෂ්පාදන වෙබ් අඩවිය | |
කුංකුම් භාග්‍යා (සිංහල: මගේ දෛවයේ කුංකුම) යනුවෙන් හැඳින්වෙන්නේ 2015 අප්‍රේල් 15 දින විකාශය ඇරඹි හින්දි-භාෂා ඉන්දියානු සෝප් ඔපෙරාවකි.[1][2] විකාශය වූයේ සතියේ දිනවල සී ටීවී නාළිකාව ඔස්සේ ය. මෙම කතාමාලාව සඳහා දළ වශයෙන් ජේන් ඔස්ටින්ගේ Sense and Sensibility නම් නවකථාව පාදක කොටගෙන තිබේ.[3] එහි ඉන්දියානු අර්ථනිරූපණය වන කුංකුම් භාග්‍යා කතාමාලාව තුළින් විවාහ මණ්ඩපයක් පවත්වාගෙන යන සරලා අරෝරා නැමැති හින්දු පන්ජාබි මාතෘ මූලිකාවියගේ කථාපුවත නිරූපණය වේ. සරලාගේ අපේක්ෂාව වන්නේ සිය දියණියන් දෙදෙනා වන ප්‍රාග්‍යා සහ බුල්බුල් ප්‍රීතිමත් විවාහ දිවියක් ගතකරනු දැකීමටයි. මෙම කතාවේ එන ප්‍රධාන චරිත ප්‍රබල, ක්‍රියාකාරී තැනැත්තියන් වන අතර, ඔවුන් ජීවත් වන්නේ මාතෘ මූලික පවුලක ය. මෙහි ප්‍රධාන චරිත නිරූපණය කරනු ලබන්නේ ශ්‍රිති ජා, ෂබ්බිර් අලුවාලියා, මෘනාල් ඨාකුර්, අර්ජිත් තනේජා සහ වින් රානා විසින් නිරූපණය කරනු ලබයි. මෙම කතාමාලාව නිෂ්පාදනය කරන ලද්දේ ඒක්තා කපූර් විසින් බාලාජි ටෙලිෆිල්ම්ස් යන සන්නාමය යටතේ ය. ඇගේ විශ්වාසය අනුව, ඒක්තා කපූර් විසින් මෙම කතාමාලාව සඳහා "ක" අක්ෂරයෙන් ඇරඹෙන නාමයක් යොදා ඇත්තේ එය වාසනාවන්ත යැයි සිතූ නිසායි.[4] මෙම නාට්‍යය අධ්‍යක්ෂණය කරන ලද්දේ සමීර් කුල්කර්ණි විසින් වන අතර, එය සංවර්ධනය කරන ලද්දේ ඒක්තා කපූර් විසිනි.
කථාපුවත
[සංස්කරණය]කුංකුම් භාග්‍යා යනු සරලා අරෝරා නැමැකි විවාහ ශාලාවක් පවත්වාගෙන යන තැනැත්තියගේ කථාවයි. ඇයට ඇගේ දියණියන් දෙදෙනා ප්‍රීතිමත් විවාහ දිවියක් ගතකරනු දැකීමට අවශ්‍ය වේ. වැඩිමහල් දියණිය වන ප්‍රාග්‍යා වඩාත් ප්‍රායෝගික අතර, වෙහෙස වී කටයුතු කරන ඇය පාසලක උගන්වයි. බාල දියණිය වන බුල්බුල් තරමක් උඩඟු තැනැත්තියකි. ඇයට රැකියාවක් තිබුණ ද, ඇය සිය ප්‍රධානියා වන පුරාබ්හට අකමැති ය. අනතුරුව කථාව මගින් සොයුරියන් දෙපළගේ බලාපොරොත්තු, සිහින සහ අ‍භිලාෂයන් නිරූපණය වේ. ආරම්භයේ දී ප්‍රාග්‍යා, බුල්බුල් සහ සුරේෂ් තුන් කොන් ප්‍රේමක පැටලෙයි. ප්‍රාග්‍යා සුරේෂ්ට පම් කළ ද, ඔහු බුල්බුල්ට ප්‍රිය කරයි. මේ නිසා ප්‍රාග්‍යා සුරේෂ් සමග ඇගේ විවාහ ගිවිස ගැනීමට අවලංගු කරයි. එම කාලයේම, අභිෂේක් (අභි) නැමැති රොක් ගායකයා සුපිරි නිරූපණ ශිල්පිණියක වූ තනුශ්‍රී (තනූ) සමග සම්බන්ධයක් ඇති කරගනියි. පුරාබ් අභිගේ හොඳම මිතුරා වන අතර, ඔහු අභිගේ සොයුරිය වන ආලියා සමග විවාහ ගිවිස ගනියි. මුලින් පුරාබ් සහ බුල්බුල් එකිනෙකාව පිළිකුල් කළ ද, පසුව ඔවුන් දෙදෙනා ප්‍රේමයෙන් වෙළෙති. බුල්බුල් සමග ඔහුගේ සම්බන්ධය වරදවා වටහාගන්නා ආලියා සිතන්නේ, පුරාබ් සෙනෙහස දක්වන්නේ ප්‍රාග්‍යාට බවයි. මෙහි ප්‍රතිඵලයක් ලෙස, ආලියා, තනූ සහ අභි එක්ව කුමන්ත්‍රණය කොට ඇගෙන් පළිගැනීමට සිතා ප්‍රාග්‍යාව අභිහට විවාහ කරදෙයි. විවාහයෙන් පසුව, ප්‍රාග්‍යා සැබෑ තත්ත්වය වටහා ගන්නා අතර, ඇගේ සොයුරියගේ ආරක්ෂාව පතා තමන් සහ පුරාබ් අතර සම්බන්ධයක් පැවති බවට අභිහට මුසා පවසයි. ඇය ක්‍රමයෙන් බුල්බුල්හට පුරාබ්ව අමතක කරන ලෙස පවසයි. බුල්බුල් එයට එකඟ වේ.
සත්‍යය වටහා ගන්නා පුරාබ් ආලියා සමග විවාහ වීමට එකඟ වේ. නමුත් ඔහුට බුල්බුල් අමතක කිරීමට නොහැකි ය. ආලියා සමග විවාහ වීමට තීන්දු කළ දිනයේ, ඔහු පැනයන්නේ බුල්බුල් සමග විවාහ වීමටයි. එහි දී බුල්බුල් පිළිබඳ සත්‍යය අභිහට දැනගන්නට ලැබෙයි. ආලියා සහ තනූ එක්ව ප්‍රාග්‍යාට විරුද්ධව කුමන්ත්‍රණ සිදුකළ ද, ඒවා අසාර්ථක වේ. එහි ප්‍රතිඵලය ලෙස ප්‍රාග්‍යා සහ අභි එකිනෙකාට තවත් සමීප වෙති. ඔවුහු එකිනෙකාට පෙම් කරන්නට පටන් ගනිති. ආලියා සහ තනූගේ සැබෑ අරමුණු පිළිබඳ අභි දැනගන්නා අතර, ඔහු ආලියාහට අතුල් පහරක් එල්ල කරයි. ඔහු ක්‍රමයෙන් පුරාබ් සහ බුල්බුල් අතර සිය ඥාති සම්බන්ධතා ශක්තිමත් කරගනියි. අනෙක් අතින් තනූ නිඛිල් සමග යහන්ගත වීම නිසා ගර්භනීභාවයට පත්ව සිටියි. ව්‍යාජ DNA වාර්තා ඉදිරිපත් කරන ඇය, සිය දරුවාගේ පියා අභි බව පවසන්නේ ඔහුව යලි හිමි කරගන්නටයි. මේ නිසා අභි සහ ප්‍රාග්‍යා වෙන්වෙති. නිඛිල් ද තණූ හට උපකාර කරන්නේ ඔහුට අභිගේ ධනය ලබා ගැනීමට අවශ්‍ය වන හෙයිනි. අභිගෙන් පළිගැනීමට අවශ්‍යව සිටින ආලියා සහ ඔහුගේ ඥාති සොයුරා වන රාජ් ද මෙයට උපකාර කරති. ආලියා සහ තනූගේ රහස් සාකච්ඡාව ප්‍රාග්‍යාහට දැනගන්නට ලැබෙන අතර, ඇය මේ බව අභි පවසන්නට තැත් කරයි. නමුත් එය පවසන්නට ප්‍රථම හදිසි අනතුරකට ලක්වන ඇය මියගිය බව අසන්නට ලැබෙයි.
මාසයකට පසු, ප්‍රාග්‍යා ධෛර්යයෙන් සහ අභිමානයෙන් යුතුව නැවත පැමිණෙයි. සිය සතුරන් අනාවරණය කොට අභි යළි දිනාගැනීම ඇගේ අරමුණ වේ. මේ වනවිට බුල්බුල් සහ පුරාබ් විවාහ වී සිටන නමුත්, බුල්බුල්, පුරාබ් සහ ආලියා අතර ඊර්ෂ්‍යාව පැතිරෙයි. සිය සොයුරිය ආලියාගෙන් රැක ගැනීමට බුල්බුල් ඇගේ දිවිය අනතුරේ හෙළන අතර, ඇය මරණයට පත්වේ. කෝපාවිෂ්ඨ ප්‍රාග්‍යා අවසානයේ ආලියා පිළිබඳ සත්‍යය හෙළි කරයි. අනතුරුව ඇයව පවුලෙන් නෙරපා හැරෙයි. ප්‍රාග්‍යා විසින් අභි පිළිබඳ රාජ් තුළ ඇති වැරදි වැටහීම නැති කරයි. රාජ්ගේ ගැටලුවලට හේතුව ඔහුගේ භාර්යාව වූ මිතාලි බව වටහා ගන්නා රාජ් ධනාත්මක අයුරින් දිවි ගෙවයි. අවසානයේ ප්‍රාග්‍යා තනූ සහ නිඛිල් පිළිබඳව ද දැන ගනියි. නමුත් තනූ පිළිබඳ සත්‍යය හෙළි කිරීමට ඇය අපොහොසත් වේ. අනෙක් අතිව් හදිසි අනුතරුකට ලක්වන තනූගේ දරු ගැබ ගබ්සා වේ. ඇය ප්‍රාග්‍යාට දෝෂාරෝපණය කරයි. අභිගේ කෝපයට හේතු වුවත්, කෙසේ හෝ තනූ පිළිබඳ සත්‍යය හෙළි කරන ප්‍රාග්‍යා අභිගේ විශ්වාසය යළි දිනා ගැනීමට සමත් වේ. ලෝනාව්ලාහි අභිගේ නිවසේ දී දෙදෙනා එකිනෙකාට විවාහ යෝජනා ගෙන එති. නමුත් ඉන්පසුව මෝටර් රථ අනුතුරක් හේතුවෙන් අභිගේ මතකය අහිමි වන අතර, ඔහු විස්මෘතියෙන් පෙළෙයි. ප්‍රාග්‍යා ඇතුළු සිය දිවියෙන් වසර දෙකක කාලය පිළිබඳ මතකය ඔහුට සිහිපත් නොවේ. අභිගේ ආරක්ෂාව පතා ප්‍රාග්‍යා ඔහුව හැර යන්නට තීරණය කරයි. නමුත් ඇය ඔහුගෙන් දික්කසාද නොවේ.
අනතුරුව කතාමාලාවේ දළ වශයෙන් මාස දෙකක කාලයක් ගතවනු දක්වයි. සිය මවට කුංකුම් භාග්‍යා විවාහ ශාලාව අහිමිව ඇති බව ප්‍රාග්‍යාට දැන ගන්නට ලැබෙයි. සිය පවුලට උපකාර කරන්නට සිතා, ඇය ලව් ලයිෆ් සංගීත සමාගමේ පිළිගැනීමේ නිලධාරිණියක ලෙස සේවයට බැ‍ඳෙයි. එහි දී ඇයට සිය නව ඇල්බමය පටිගත කිරීමට පැමිණන අභි මුණගැසෙයි. එහි දී ක්‍රමයෙන් ඔවුහු මිතුරන් බවට පත්වෙති. අනුතරුව අභි ඇයව සිය පෞද්ගලික සහායිකාව ලෙස සේවයට බඳවා ගනියි. අභිගේ විස්මෘති තත්ත්වයෙන් වාසි ලබාගන්නා ආලියා, ප්‍රාග්‍යාගෙන් අභිව වෙන්කරනු සඳහා තනූව ඔහුට විවාහ කරදෙන්නට අදහස් කරයි. නමුත් මේ වනවිට, අභි සහ භාග්‍යාගේ සේව්‍ය-සේවක සම්බන්ධය ඉක්මවා ගොස් හොඳම මිතුරන් බවට පත්වේ. එය හොඳම මිතුරු සම්බන්ධය ද ඉක්මවා ගොස් ඇති බව ඔවුහු වටහා ගනිති. කුමන්ත්‍රණ ගණනාවකින් පසු, ප්‍රාග්‍යා ආලියාට අභියෝග කරන්නේ තනූ සමග විවාහයට පෙර තමන් අභිගේ මතකය යළි ගෙන්වන බව පවසමිනි. සාසි මහ පුරාබ් ද මෙයට උපකාර කරයි. අභිට සිය සිහින තුළ අපැහැදිළි මතකයන් දිස්වෙයි...
නිෂ්පාදනය
[සංස්කරණය]සංවර්ධනය සහ විකාශය ඇරඹීම
[සංස්කරණය]2014 අප්‍රේල් 15වන අඟහරුවාදා දින විකාශය ඇරඹි මෙය සඳුදා සිට සිකුරාදා දක්වා දිනවල ප.ව. 09:00ට (ඉන්දියා සම්මත වේලාව - IST) විකාශය වේ.
ප්‍රධාන විකාශන කාලය තුළ නව කථා සංකල්පයක් පිළිබඳ විස්තර කරමින් සී ටීවී වැඩසටහන්කරණ ප්‍රධානී නමිත් ෂර්මා පැවසූයේ, "එහි දී එක් වීරකථාවකින් පසු අනෙක විස්ථාපනය වනු ඔබට සිතාගත හැක. සාමාන්‍ය නැන්දම්මා-ලේලි සෝප් ඔපෙරාවලින් මිදුණු මෙය, සරාගී ප්‍රේම කථාවක් වන අතර, හැඬීම් දර්ශනවලින් දුරස්ථ ය. අති දක්ෂ නළු නිළියන් කණ්ඩායමකින් මෙය සමන්විත ය."[5]
මෙහි දී බාලාජි ටෙලිෆිල්ම්ස්හි ඒක්තා කපූර් පැවසූයේ, "මගේ වැඩසටහන් දෙකක් (පවිත්‍ර රිෂ්තා සහ ජෝධා අක්බර්) තවමත් සී ටීවී නාළිකාවෙන් විකාශය වෙමින් පැවතියත්, තෙවන වැඩසටහන ද සමගින් සී සමග මාගේ සහයෝගීතාව දීර්ඝ කිරීම මා හට සතුටකි. පවිත්‍ර රිෂ්තා මේ වනවිටත් වසර පහක පමණ කාලයක් ධාවනය වී ඇති අතර, නිෂ්පාදිකාවක ලෙස මෙම ගමන මට ඉතාමත් සතුටුදායක එකකි. ප.ව. 6:30 පවිත්‍ර රිෂ්තා සමග බැඳී සිටින ප්‍රේක්ෂකයින් ප.ව. 9:00ට විකාශය ඇරඹෙන කුංකුම් භාග්‍යා සමග සිය දෙනෙත් උපරිම වශයෙන් විවර කරමින් එක්වනු ඇතැයි අපේක්ෂා කරමි. මෙය ඉතාම සමකාලීන කතාවක් වන හෙයින්, ප්‍රේක්ෂකයින්හට තමන්ගේම චරිත මෙම කතාමාලාව තුළින් ද දැකගත හැකි වනු ඇත. සෑමදෙනාගේම ආත්මයන් පහසුවෙන්ම සබඳින සරාගී ප්‍රේම කථාවක් මෙහි ඇතුළත් ය.."[5]
නළුවකු ලෙස සිය නැවත පැමිණීම පිළිබඳ විස්තර කරමින්, කථාවේ ප්‍රධාන නළුවා වන ෂබ්බිර් අලුවාලියා මෙසේ පවසයි, "නිෂ්පාදන වැඩසටහන් සමග, රංගන කටයුතු සඳහා වේලාව සොයාගැනීම අතිශයින් අපහසු එකක් විය. නමුත් දැන්, රංගනය පිළිබඳ මාගේ අවධානය යොමු කිරීමට මා තීරණය කොට ඇත. ඔබ දිගු කාලයක නිතරව සිටි දෙයින් ඔබට පහසුවෙන් වෙන්වී සිටිය නොහැකියි. මෙම චරිතය මාගේ සිත බෙහෙවින් පෙළඹවී ය. මා රූපවාහිනී තිරයේ රොක් තරුවකගේ චරිතය නිරූපණය කරන පළමු අවස්ථාව ද මෙයයි. මාගේ චරිතය නිරූපණය කිරීමේ දී, මාගේ වස්ත්‍ර පමණක් නොව තිරයේ රොක් තරුවක ලෙසින් පෙනී සිටීමට සුදුසු ගති පැවතුම් ද ඇති කරගන්නට මා උත්සාහ දරා ඇත."[5]
නළුවරණය
[සංස්කරණය]ඒක්තා කපූර් සහ ශෝභා කපූර් විසින් බාලාජි ටෙලිෆිල්ම්ස් යන සන්නාමය යටතේ නිෂ්පාදනය කළ මෙම කතාමාලාව ප්‍රේම වෘත්තාන්ත[6] කතාමාලාවක් වන අතර, එය සී ටීවී නාළිකාවෙන් විකාශය විය. ක අක්ෂරය වාසනාවන්ත යැයි සැලකූ ඒක්තා කපූර් විසින් ඇගේ බොහෝ නිර්මාණවලට ක අක්ෂරයෙන් ආරම්භ වන නම් යොදා ඇත.[4] ඒක්තාගේ කායමාත් රූපවාහිනී කතාමාලාවේ චරිත නිරූපණයෙන් දායක වූ ෂබ්බිර් අලුවාලියා[7] මෙහි ප්‍රධාන චරිතය වූ අභිෂේක් ප්‍රේම් මෙහ්රාගේ චරිතය සඳහා තෝරා ගැනිණි. අලුවාලියා සී 20 ක්‍රිකට් ලීගයෙන් පසුව සිය පැමිණීම සනිටුහන් කළේ ය. ෂබ්බිර් අලුවාලියා සමග ප්‍රධාන චරිත නිරූපණය සඳහා නිළි ශ්‍රිති ජා තෝරාගැනිණි.[7] මෙහි දෙවන ප්‍රධාන චරිතයක් වූ බුල්බුල්ගේ චරිතය සඳහා මෘනාල් ඨාකුර් තෝරාගැනිණි.[8] ඇය සමග අනෙක් චරිතය නිරූපණයට අර්ජිත් තනේජා තෝරාගැනිණි.[8][9] 2014 මැයි මස, කතාවේ ප්‍රධාන එදිරිවාදිනිය වන ආලියා මේහරා ලෙසින් ශිඛා සිං කතාමාලාවට පිවිසියා ය.[9][10][11] සෙසු ඍණාත්මක චරිතය වූ තණූගේ චරිතය නිරූපණය සඳහා මධුරිමා තුලි තෝරාගැනිණි. පසුව 2014 සැප්තැම්බර් මස එම චරිතයට මධුරිමා තුලි වෙනුවට ලීනා ජුමානි නැමැති නිළිය ආදේශ කෙරිණි.[12] සුරේෂ්ගේ (ප්‍රාග්‍යා සමග පෙර විවාහ ගිවිසගෙන සිටි තැනැත්තා) චරිතයට ෆයිසාල් රෂිඩ් නම් නළුවා තෝරාගැනුණු අතර, ඔහු 2014 අප්‍රේල්-මැයි අතර කාලයේ වැදගත් කාර්යභාරයක් ඉටුකළේ ය. නමුත් 2015 මැයි මස ඔහු කතාමාලාව අත්හැර ගියේ ය.[13] නිළි සුප්‍රියා ශුක්ලා විසින් සරලා අරෝරාගේ චරිතය ද, මධු රාජා විසින් දල්ජීත් අරෝරාගේ චරිතයත් නිරූපණය කරන ලදී. සෙසු සහාය රංගන ශිල්පීන් අතරට සමීක්ෂා භාට්නගර්, අංකිත් මෝහන්, චාරු මෙහ්රා සහ අමිත් ධවාන් ඇතුළත් වේ. මිතාලිගේ චරිතය නිරූපණය කළ භාට්නගර්ව පසුව මාසයක් ඇතුළත ස්වාති ආනන්ද් විසින් විස්ථාපනය කෙරුණු අතර, ඒක්තා කපූර්ගේ යේ හේ මොහබ්බතයින් සහ ඉත්නා කරෝ නා මුජේ ප්‍යාර් කතාමාලාවල රංගනයේ යෙදුණු අනුරාග් ෂර්මා විසින් අමිත්ගේ චරිතය විස්ථාපනය කරන ලදී. 2015දී, ඍණාත්මක චරිතයක් වූ නීල්ගේ චරිතය නිරූපණයට නීල් මොට්වානි (ඒක්තාගේ සෙසු වැඩසටහන්වලට රංගනයෙන් දායක වූ) තෝරාගැනුණු අතර, 2015 ජූනි මස ප්‍රධාන පුරුෂ එදිරිවාදී චරිතය වන නිඛිල් සූඩ්ගේ චරිතය නිරූපණයට නිඛිල් ආර්යා කතාමාලාවට පිවිසියේ ය.[14]
2015 දෙසැම්බරයේ දී, බුල්බුල් චරිතය රඟපෑ නිළි මෘනාල් ඨාකුර් කතාමාලාව අත්හැරි අතර, එම චරිතය නිරූපණයට කාජල් ශ්‍රීවාස්තව තෝරාගැනිණි. නමුත් එම චරිතය රංගනයට ඇයට අවස්ථාව ලැබුණේ නැත. මෘනා‍ල්ගේ ඉවත්ව යාමෙන් පසු බුල්බුල්ගේ චරිතය කතාමාලවෙන් ඉවත් කෙරිණි. 2016 අ‍ගෝස්තු මස, අංකිත් මෝහන් ද කතාමාලාව මැරගිය හෙයින් ඔහුගේ චරිතය ද ඉවත් කිරීමට සිදු විය. 2016 සැප්තැම්බර් මස, අර්ජිත් තනේජා ද වැඩසටහන හැර ගිය අතර, වින් රානා විසින් ඔහුගේ චරිතය නිරූපණය කරන ලදී. 2016 ඔක්තෝබර් මස, නිඛිල් ආර්යා ද ඉල්ලා අස්වූ හෙයින්, ඔහුගේ චරිතය නිරූපණයට රජත් දාහියා යොදාගැනිණි.[15]
චරිත නිරූපණය
[සංස්කරණය]- ප්‍රධාන චරිත
- ශ්‍රිති ජා, ප්‍රාග්‍යා අරෝරා/ප්‍රාග්‍යා අභිෂේක් මෙහ්රා ලෙස (ප්‍රධාන කාන්තා චරිතය) (2014-වර්තමානය)
- ෂබ්බිර් අලුවාලියා, අභිෂේක් (අභි) ප්‍රේම් මෙහ්රා ලෙස (ප්‍රධාන පිරිමි චරිතය) (2014–වර්තමානය)
- වින් රානා, පුරාබ් ඛන්නා ලෙස (සමාන්තර ප්‍රධාන පිරිමි චරිතය) (2016–වර්තමානය)
- ශිඛා සිං, ආලියා මෙහ්රා ලෙස (ප්‍රධාන කාන්තා එදිරිවාදී චරිතය) (2014–වර්තමානය)
- සෙසු චරිත
- ලීනා ජුමානි, තනුශ්‍රී (තනූ) ලෙස (සමාන්තර එදිරිවාදී චරිතය) (2014–වර්තමානය)
- දල්ජීත් සෞන්ධ්, දල්ජීත් මෙහ්රා "දාදි" ලෙස (2014–වර්තමානය)
- සුප්‍රියා ශුක්ලා, සරලා අරෝරා ලෙස (2014–වර්තමානය)
- මධු රාජා, දල්ජීත් අරෝරා ලෙස (2014–වර්තමානය)
- රජත් දාහියා, නිඛිල් සූඩ් ලෙස (එදිරිවාදී) (2017–වර්තමානය)
- සරීනා රෝෂන් ඛාන්, ඉන්දු සූරි හෙවත් දාසි ලෙස (2014–වර්තමානය)
- අජේ ට්‍රෙහාන්, අජේ මෙහ්රා හෙවත් තෞජි ලෙස (2014–වර්තමානය)
- ශිවානි සූපුරි, පම්මි අජේ මෙහ්රා හෙවත් තායිජි ලෙස (2014–වර්තමානය)
- අනුරාග් ෂර්මා, රාජ් අජේ මෙහ්රා ලෙස (2014–වර්තමානය)
- ස්වාති ආනන්ද්, මිතාලි රාජ් මෙහ්රා ලෙස (2014–වර්තමානය)
- බොබී ඛන්නා, මෙහ්තා මහතා ලෙස (සහාය එදිරිවාදී) (2015–වර්තමානය)
- රෝමා ලවානි, මෙහ්රා මහත්මිය ලෙස (සහාය එදිරිවාදී) (2015–වර්තමානය)
ප්‍රකට නිරූපණයන්
- සිද්ධාර්ත් මල්හෝත්‍රා
- ශ්‍රද්ධා කපූර්
- සල්මන් ඛාන්
- සෝනම් කපූර්
- ෂාරුක් ඛාන්
- කාජල්
- වරුන් ධවාන්
- කෘති සැනන්
(ඉහත සියලු දෙනාම රූපවාහිනී කතාමාලාවේ පෙනීසිටියේ සිය චිත්‍රපට ප්‍රවර්ධනය කරනු සඳහා ය)
- පැරණි චරිත නිරූපණය
- අර්ජිත් තනේජා, හිටපු පුරාබ් ඛන්නා ලෙස (වින් රානා විසින් විස්ථාපනය කරන ලදී) (2014–16)
- මෘනාල් ඨාකුර්, බුල්බුල් අරෝරා/බුල්බුල් පුරාබ් ඛන්නා ලෙස (මියගිය) (2014–16)
- චාරු මෙහ්රා, පූර්වි ලෙස (2014–15)
- අමිත් ධවාන්, හිටපු රාජ් අජේ මෙහ්රා ලෙස (අනුරාග් ෂර්මා විසින් විස්ථාපනය කරන ලදී) (2014)
- සමීක්ෂා භාට්නගර්, හිටපු මිතාලි රාජ් මෙහ්රා ලෙස (ස්වාති ආනන්ද් විසින් විස්ථාපනය කරන ලදී) (2014)
- අංකිත් මෝහන්, ආකාශ් අජේ මෙහ්රා ලෙස (2014–16)
- ආදිති රතෝර්, රාච්නා ආකාශ් මෙහ්රා ලෙස (2014–16)
- ෆයිසාල් රෂිඩ්, සුරේෂ් ශ්‍රීවාස්තව් ලෙස (2014–15)
- මධුරිමා තුලි, හිටපු තනුශ්‍රී (තනූ) දාස්ගුප්තා ලෙස (ලීනා ජුමානිවිසින් විස්ථාපනය කරන ලදී) (2014)
- නේහා බාම්, ඛන්නා මහත්මිය ලෙස (2014–15)
- ?, ඛන්නා මහතා ලෙස (2014–15)
- නීල් මොට්වානි, නීල් ඨාකුර් ලෙස (එදිරිවාදී) (2014–15)
- සක්ලාක් රාහි ඛාන් (2014)
- නිඛිල් ආර්යා, හිටපු නිඛිල් සූඩ් ලෙස (එදිරිවාදී) (රජත් දාහියා විසින් විස්ථාපනය කරන ලදී) (2015–16)
- ශුභම් ගාර්ග්, රාජ් ලෙස (2015)
- ගගන්, චම්පක් ත්‍රිවේදි ලෙස (2016)
විකාශය
[සංස්කරණය]මෙම කතාමාලාව විකාශය ආරම්භ කරන ලද්දේ 2014 අප්‍රේල් 15 දින සී ටීවී නාලිකාව ඔස්සේ ය. මෙම කතාමාලාව සී ටීවී HD සහ සී ටීවී ඒෂියා යන නාළිකා ඔස්සේ විකාශය වේ. මෙම කතාමාලාව අන්තර්ජාතිකව නාළිකාවේ අන්තර්ජාතික බෙදාහැරීම අනුව ද විකාශය වේ. එය ඇමරිකා එක්සත් ජනපදය, එක්සත් රාජධානිය, මැලේසියාව, කැනඩාව, මොරිෂස්, ශ්‍රී ලංකාව, අයර්ලන්තය, දකුණු අප්‍රිකාව, ඉන්දුනීසියාව, චිලී, පිලිපීනය, නයිජීරියාව සහ සිංගප්පූරුව යන රටවල විකාශය වේ. මීට අමතරව පාකිස්ථානය තුළ ජියෝ කහානි නාළිකාව හා සහයෝගයෙන් ZEEL ගිවිසුම අනුව, කතාමාලාව වෙළඳ දැන්වීම් සමග පැයක ධාවන කාලයෙන් යුතුව සඳදා සිට සිකුරාදා දක්වා දිනවල විකාශය කෙරේ.
දෙමළ බසින් හඬකවා ඉරු මලර්ගල් යනුවෙන් නම්කළ මෙම කතාමාලාව පොලිමර් ටීවී නාළිකාව ඔස්සේ විකාශය කෙරේ. හඬකැවූ කතාමාලා සඳහා ප්‍රචලිත එම නාළිකාව තුළ මෙම කතාමාලාවට ඉහළ ප්‍රතිචාර හිමි විය. ඉන් අනතුරුව, ZEE ජාලය විසින් පොලිමර් ටීවී නාළිකාවට ලබා දී තිබූ හඬකැවීම් අයිතිය අහෝසි කළ අතර, මේ වනවිට එම කතාමාලාව ඉණිය ඉරු මලර්ගල් යන තේමාව ඔස්සේ සී තමිල් නාළිකාවෙන් විකාශය කෙරේ. තෙලිඟු බසින් කුංකුම භාග්‍යම් ලෙස නම්කෙරුණු මෙම කතාමාලාව සී තෙලිඟු නාළිකාවෙන් විකාශය කරනු ලබයි.
ශ්‍රී ලංකාව තුළ මෙම රූපවාහිනී කතාමාලාව සිංහලෙන් හඬකවා හිරු ටීවී නාළිකාව ඔස්සේ සතියේ දිනවල ප.ව. 7.30 සිට 8.00 දක්වා ආදරෙයි මං ආදරෙයි යන තේමාව ඔස්සේ විකාශය වේ.මේ වනවිට( 2021) මේ නාට්‍ය කොටස් 1450ක් විකාශනය වී ඇති අතර ශ්‍රී ලංකාවේ සිංහල නාට්‍ය විකාශනය ජනප්‍රිය වීමත්,දීර්ඝ නාට්‍යක් වීමත් සමග කුම්කුම් භාග්‍ය කතා මාලාව ජනප්‍රියත්වය අඩු වෙමින් පවතී. මොරිෂස් දූපත්හි වර්තමානයේ සී ටීවී ඇෆ්‍රිකා සහ MBC ඩිජිටල් 4 යන නාළිකා ඔස්සේ මෙය විකාශය වේ. ඉන්දුනීසියාව තුළ 2016 සැප්තැම්බර් 5 දින සිට ANTV නාළිකාවෙන් විකාශය ඇරඹි මෙම කතාමාලාව බහාසා ඉන්දුනීසියා බසින් හඬකවා ලොන්සෙං චින්ටා යන නාමයෙන් විකාශය කරන ලදී.
අප්‍රිකාව තුළ, මෙම කතාමාලාව අප්‍රිකානු ප්‍රේක්ෂකයන් අතර බෙහෙවින් ජනප්‍රිය ය. ඉංග්‍රීසි බසින් හඬකැවුණු මෙම කතාමාලාව Twist Of Fate (දෛවයේ වෙළීම) යන නාමයෙන් සී වර්ල්ඩ් (සී ඇෆ්‍රිකා) නාළිකාව තුළ විකාශය කෙරේ.
ආශ්‍රේයයන්
[සංස්කරණය]- ^ Ekta Kapoor brings another love story on TV with 'Kumkum Bhagya' Retrieved on 15 September 2014.
- ^ Kumkum Bhagya to replace Pavitra Rishta සංරක්ෂණය කළ පිටපත 2014-10-22 at the Wayback Machine Retrieved on 15 September 2014.
- ^ "Kumkum Bhagya: Zee TV Show | Watch Kumkum Bhagya TV Serial latest Episodes and Videos Online at OZEE.COM (zee tv, kumkum, kumkumbhagya, kum kum bhagya, kumkum bhagy, कुमकुम भाग्य) - English". www.ozee.com. සම්ප්‍රවේශය 2017-01-14.
- ^ a b "Ekta Kapoor brings back 'K' factor with 'Kumkum Bhagya'". The Times of India.
- ^ a b c Rajj Bhaaan (22 March 2015). "ZEE TV confirms launch date of 'Kumkum Bhagya'". Media 24/7. සම්ප්‍රවේශය 12 December 2015.
- ^ "'Kumkum Bhagya' a passionate story of love: Ekta Kapoor". The Times of India.
- ^ a b "Pragya's Glamorous looks in Kumkum Bhagya". India Today. 20 August 2015.
- ^ a b "Bulbul and Purab finally get married". Indiatoday. 11 December 2015. සම්ප්‍රවේශය 11 December 2015.
- ^ a b Neha Maheshwari (2 September 2015). "Why Shikha Singh has to bend in Reel Life?". Times of India.
- ^ "Pragya's Glamorous looks in Kumkum Bhagya". Indiatoday. 20 August 2015.
- ^ "Shikha Singh shoots for 72 hours". Times of India. 21 June 2014.
- ^ "Kumkum Bhagya: Leena replaces Madhurima Tuli on the show". Neha Mahishwari. Times of India. 20 October 2014. සම්ප්‍රවේශය 14 December 2015.
- ^ "Alok Narula to replace Rashid in Kumkum Bhagya". Droughtlife.
- ^ "Nikkhil enters Kumkum Bhagya as Nikhil". Times of India. 6 June 2015.
- ^ "Rujut Dahiya to replace Nikhil Arya". Tribune India. 3 November 2016.
<references> හි "Biggest Launch" නමැති <ref> ටැගය පෙර පෙළෙහි භාවිතා වූයේ නැත.බාහිර සබැඳි
[සංස්කරණය]- කුංකුම් භාග්‍යා සංරක්ෂණය කළ පිටපත 2017-10-29 at the Wayback Machine
සී ටීවීහි විකාශය වෙමින් පවතින වැඩසටහන් | |
|---|---|
| සෝප් ඔපෙරා |
|
| රියැලිටි වැඩසටහන් |
|
| සතිඅන්ත වැඩසටහන් |
|
| |||||||||||||||||||||||||||||||||||||
| |||||||||||||||||||||||||||||||||||||
| |||||||||||||||||||||||||||||||||||||
| |||||||||||||||||||||||||||||||||||||
| |||||||||||||||||||||||||||||||||||||
සැකිල්ල:Zee Rishtey Awards
Text is available under the CC BY-SA 4.0 license; additional terms may apply.
Images, videos and audio are available under their respective licenses.
