අමුණුගම විපස්සි හිමි
| රාජගුරු අමුණුගම විපස්සි මහානාහිමි | |
|---|---|
| ආගම | බෞද්ධ |
| Alma mater |
|
| පෞද්ගලික තොරතුරු | |
| ජාතිකත්වය | ශ්‍රී ලාංකික |
| උපත | ඇල්ෆ්‍රඩ් අමුණුගම 17 මැයි 1907 දෙහිගම වලව්ව, යටිනුවර |
| මරණය | 1969 |
| ආගමික වෘත්තිය | |
| ගුරුවරයා | පහමුනේ සුමංගල මහානාහිමි |
| Ordination | 1919 පෙබරවාරි |
| ප්‍රාරම්භය | සංඝරාජ පිරිවෙනේ අධිපති |
| තනතුරු | මහානාහිමි (1964-1969) |
1907 වසරේ මැයි 17 යටිනුවර දෙහිගම වළව්වේ උපත ලැබූ මුන්වහන්සේගේ ගිහිනම වූයේ ඇල්ෆ්‍රඩ් අමුණුගමය. අමුණුගම වළව්වේ රාජගුරු නායක බණ්ඩාරලාගේ කුඩාබණ්ඩාර නිළමේතුමා හා යටිනුවර දියකෙළිනවල වළව්වේ කිත්සිරිමෙවන් රාජගුරු බණ්ඩාරලාගේ ලොකු කුමාරිහාමි මුන්වහන්සේගේ මව්පියන් වූහ.
යටිනුවර මුරුතලාව සිංහල පාසලින් ගිහි අධ්‍යාපනය ලැබූ උන්වහන්සේ සිය ගිහිකල ඥාතී මුත්තනුවන් වූ අමුණුගම සිරිනිවාස මහානාහිමියන් යටතේ 1919 පෙබරවාරි මසදී පැවිදි විය. ගංගොඩවිල සුභද්‍රාරාමය හා මාළිගාකන්ද විද්‍යොදය පිරිවෙන් වලින් අධ්‍යාපනය ලැබූ උන්වහන්සේ 1933 දී ශ්‍යාමරාජ ත්‍යාගය දිනාගත්තේය. පහමුනේ සුමංගල මහානාහිමි යටතේ උපසම්පදාව ලැබූ උන්වහන්සේ මහනුවර ධර්මරාජ විද්‍යාලයේ ආචාර්යවරයෙක් ලෙස සේවය කළ අතර, 1936 දී කර්මාචාර්‍ය ධුරයටත්, 1940 දී කාරක සභාවටත්, 1943 දී සංඝරාජ පිරිවෙනේ අධිපති ධුරයටත් පත්වූහ . 1946 දී දළඳා තේවාමුරයටද පත්වූ උන්වහන්සේ ඉන්පසු ලේකම් හා අනුනායක ධුරයන්ට පත්වූ අතර , ත්‍රිපිටක ධර්ම සභාවටත් , 1956 සම්බුද්ධ ජයන්ති උත්සවයට හා බුරුමයේ සංගායනාවටත් එක්වූහ.
පූරිජ්ජල ශ්‍රී සරණංකර මහානාහිමියන්ගේ අපවත්වීමෙන් පසු 1964 දී මහානාහිමි වූ අමුණුගම විපස්සී හිමියන් 1969 පෙබරවාරි 4 දා අපවත්වූහ.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
