San Sergiu di Palermu (Palermu, ? – Roma, 8 di sittèmmiru 701) fu Papa dâ Cresia.

Sergiu nasciu a Palermu no VI seculu, di patri e matri origginari ra siria. Lu Papa Adeodatu II lu fici trasiri na Cresia Rumana, unni fici parti da “Scola di Cantura“, addivinendu spertu di cantu liturgicu, suprintendenti di cimiteri e ci fu affidata a Cresia di Santa Susanna. Fu apprizzatu assai pa so modestia e virtuti.

Quannu fu ura di eliggiri lu Papa, c’eranu du gruppa; unu guidatu du Viscuvu di Ravenna e l’avutru du cleru rumanu; i primi vulevanu l’arcidiacunu Pasquali, l’autri l’arcipreti Teodoru. Ma no 687 fu elettu Sergiu e fu l’ottantacinquesimu Papa. Lu ‘Mpiraturi Giustinianu II vuleva ca lu Papa accittassi li dicisioni du Cunciliu Trullanu specialmenti pu Dirittu Canonicu orientali e fari accussì du Papa unu cuntrullatu di Bisanziu. Sergiu nun accunsintiu. Lu 'Mpiraturi mannau lu protuspatariu Zaccaria di Ravenna pi arristallu, ma lu populu Rumanu ‘nsurgiu e addifinniu o Papa. Lu so puntificatu durau 14 anni (du 687 o 701) e na stu periudu arricchiu i Cresi di Roma, fici fari un munumentu a San Liuni Magnu quannu fici trasportari lu corpu du sagratu da Cresia dintra a Basilica di San Petru; appi a cummattiri l’eresia da simunia, vali a diri accattari i cosi sacri chi picciuli. Purtau a paci no Patriarcatu di Aquileia unni foru cuntrarii o Papa pi 140 anni. No 688 arrivau a Roma u re du Wessex Ceadwalla, ca addumannau o Papa di addivintari cristianu; lu Papa lu vattiò na Basilica du Latranu e ci misi nomu Petru. Vosi ca na Santa Missa si cantassi pi tri voti “ Agnus Dei “, vali a diri Agneddu di Diu e istituiu 4 Prucissioni a Roma pi festi da Madonna. Muriu l’8 Settemmiri du 701 e fu sippillutu a San Petru.

È cilibratu u 9 di settemmiri na Citati di Palermu, comu Patronu sicunnariu.

Pridicissuri:	Papa dâ chiesa di Roma	Succissuri:	[[Mmàggini:(({Mmàggini))}|30px]]
Cununi	687 - 701	Giuvanni VI	I
			II
			III
			IV
			V
			VI
			VII
			VIII
			IX
			X
	con
con	con	con
Cununi	(({data))}	Giuvanni VI

separatore