Mari Meditirràniu
Lu Mari Miditirràniu è lu mari ca spartisci l'Africa di l'Europa. Lu mari è chiusu p'occidenti di lu strittu di Gibbilterra, e p'urienti di lu strittu dî Dardanelli ca lu sparti di lu Mari Nìuru.
Storia
[cancia | cancia la surgenti]Storicamenti appi na mpurtanza granni pî cummerci tra urienti e occidenti. Li rumani lu chiamàvanu mare nostrum picchì lu tirritoriu di lu mperu era tuttu tornu tornu a lu Mari Meditirràniu.
Giografìa
[cancia | cancia la surgenti]Nta lu mari ci sunnu ìsuli cchiù o menu granni comu la Sicilia ca è la cchiù granni ìsula di lu Meditirràniu, la Sardigna, la Corsica, Crita, l'ìsula di Rodi, l'Ìsuli Baliari, e certuni comu l'ìsula di Cipru e l'arcipèlucu maltisi fòrmanu stati nazziunali.
Oggi lu mari havi na mpurtanza cummirciali, turìstica, e stratèggica.
Lista dî paisi ca s'affàccianu nta lu Mari Meditirraniu
[cancia | cancia la surgenti]Arbanìa, Algerìa, Cipru, Croazzia, Eggittu, Francia, Gibbilterra, Grecia, Israeli, Italia, Libbia, Malta, Maroccu, Montenegru, Siria, Slovenia, Spagna, Tirritori palistinisi, Tunisìa, Turchìa.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
