Giuseppi Scandurra
Giuseppi Scandurra (Catania, 1877 - 1966) è nu scritturi sicilianu chi scrivìu pi sicilianu.[1]
A l'etati di trìdici si nni jìu a travagghiari la terra, nu pirìudu duranti cui si canusci na carusa chiamata «Rusidda» o «Rosa». Idda addiventa la sò musa, e iddu veni canusciutu comu lu pueta cuntadinu.
Nu libbru dî soi puisìi chiamatu Natura e sintimentu vinni pubbricatu ntô 1951. Cunteni sta puisìa chi ammùntua sta Rosa.
Asempiu
[cancia | cancia la surgenti]Mi Veni A Menti[2]
- Mi veni a menti, quannu di matina,
- ccu lu suli affacciatu di livanti,
- c'ancora si videva l'acquazzina
- riddutta comu sbrizzi di brillanti.
- Ju caminava, e camina camina
- passannu di lu ciumi ranti ranti,
- l'ummira mia 'ntra l'acqua cristallina
- m'era cumpagna e mi tirava avanti.
- Quannu tra canni e salici arrivai,
- l'ummira mia si spersi frunni frunni
- e senza cumpagnia sulu ristai.
- Dicennu: Rosa venimi e mi trovi
- macari ca ti parru e non rispunni
- macari ca pri l'ummira ti movi.
Rifirimenti
[cancia | cancia la surgenti]- ↑ Dieli, Art, Sicilian Poetry, Sicily Page, nfurmazzioni supra Giuseppi Scandurra, taliatu lu 9 di giugnu, 2008
- ↑ Dieli, Art, Sicilian Poetry, Sicily Page, nfurmazzioni supra Giuseppi Scandurra, taliatu lu 9 di giugnu, 2008
Text is available under the CC BY-SA 4.0 license; additional terms may apply.
Images, videos and audio are available under their respective licenses.
Cover photo is available under {{::mainImage.info.license.name || 'Unknown'}} license.
Cover photo is available under {{::mainImage.info.license.name || 'Unknown'}} license.
Credit:
(see original file).
