ᱥᱤᱧᱚᱛᱤᱭᱟᱹ ᱥᱮᱥᱮᱨᱢᱟ ᱠᱷᱚᱸᱫᱽᱨᱚᱱ ᱜᱚᱱᱚᱴᱷᱚᱱ

Bhāratīya Antrikṣ Anusandhān Saṅgaṭhan
ᱚᱯᱷᱤᱥᱤᱭᱟᱞ ᱞᱳᱜᱳ
ᱠᱷᱟᱴᱚ ᱛᱮ ᱜᱚᱱᱚᱴᱷᱚᱱ ᱵᱟᱵᱚᱛ
ᱠᱷᱟᱴᱚ ᱛᱮ	ᱤᱥᱨᱳ
ᱵᱮᱱᱟᱣ	15 ᱚᱜᱚᱥᱴ 1969; 55 years ago (1969-᱐᱘-15)
ᱢᱟᱨᱮ ᱜᱚᱱᱚᱴᱷᱚᱱ	INCOSPAR
ᱞᱮᱠᱟᱱ	Space agency
ᱟᱹᱢᱟᱹᱞ	ᱥᱮᱥᱮᱨᱢᱟ ᱵᱤᱵᱷᱟᱜᱽ
ᱢᱩᱬ ᱚᱯᱷᱤᱥ	ᱵᱮᱝᱜᱟᱞᱳᱨ, ᱠᱚᱨᱱᱟᱴᱚᱠ 13°02′6.6″N 77°34′16″E / 13.035167°N 77.57111°E / 13.035167; 77.57111Coordinates: 13°02′6.6″N 77°34′16″E / 13.035167°N 77.57111°E / 13.035167; 77.57111
ᱪᱟᱭᱨᱮᱛ ᱟᱹᱭᱩᱨᱤᱡ	ᱥᱨᱤᱫᱷᱚᱨᱚ ᱥᱚᱢᱱᱟᱛᱷ
ᱢᱩᱬᱩᱛ ᱥᱮᱥᱮᱨᱢᱟ ᱵᱚᱱᱫᱚᱨs	ᱮᱥ.ᱰᱤ.ᱮᱥ.ᱥᱤ TERLS
ᱢᱟᱹᱞᱤᱠ	ᱥᱤᱧᱚᱛ ᱥᱚᱨᱠᱟᱨ
ᱠᱟᱹᱢᱤᱭᱟᱹ	16,786 (2022)[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]
ᱣᱮᱵᱽᱥᱟᱭᱤᱴ	www.isro.gov.in

ᱥᱤᱧᱚᱛᱤᱭᱟᱹ ᱥᱮᱥᱮᱨᱢᱟ ᱠᱷᱚᱸᱫᱽᱨᱚᱱ ᱜᱚᱱᱚᱴᱷᱚᱱ, ᱡᱟᱦᱟᱸ ᱫᱚ ᱤᱥᱨᱳ (^{[lower-alpha ᱑]} ( /ˈɪsroʊ/) ᱧᱩᱛᱩᱢ ᱛᱮ ᱵᱟᱰᱟᱭᱚᱜᱼᱟ, ᱫᱚ ᱥᱤᱧᱚᱛ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱥᱯᱮᱥ ᱮᱡᱮᱱᱥᱤ ᱠᱟᱱᱟ᱾ ᱱᱚᱶᱟ ᱫᱚ ᱥᱤᱧᱚᱛ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱦᱚᱛᱮᱛᱮ ᱪᱟᱪᱞᱟᱣ ᱟᱠᱟᱱ ᱰᱤᱯᱟᱨᱴᱢᱮᱱᱴ ᱚᱯᱷ ᱥᱯᱮᱥ (ᱰᱤ.ᱳ.ᱮᱥ) ᱨᱮᱱᱟᱜ ᱢᱩᱬᱩᱛ ᱠᱷᱚᱸᱫᱽᱨᱚᱱ ᱟᱨ ᱩᱛᱱᱟᱹᱣ ᱵᱷᱟᱜᱽ ᱞᱮᱠᱟᱛᱮ ᱠᱟᱹᱢᱤ ᱠᱟᱱᱟ᱾ ᱤᱥᱨᱳ ᱨᱤᱱᱤᱡ ᱯᱟᱨᱥᱮᱛ ᱫᱚ ᱰᱤ.ᱳ.ᱮᱥ. ᱨᱤᱱᱤᱡ ᱮᱠᱡᱤᱠᱩᱴᱤᱵ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱠᱟᱱᱟ᱾

ᱤᱥᱨᱳ ᱫᱚ ᱢᱩᱬᱩᱛ ᱞᱮᱠᱟᱛᱮ ᱥᱮᱥᱮᱨᱢᱟᱠᱤᱭᱟᱹ ᱠᱟᱹᱢᱤᱦᱚᱨᱟ, ᱥᱮᱥᱮᱨᱢᱟᱠᱤᱭᱟᱹ ᱥᱮᱸᱫᱽᱨᱟ, ᱡᱮᱡᱟᱹᱛᱤᱭᱟᱹᱨᱤ ᱥᱮᱥᱮᱨᱢᱟᱠᱤᱭᱟᱹ ᱜᱚᱯᱚᱲᱚ ᱟᱨ ᱚᱱᱟ ᱥᱟᱶ ᱡᱚᱯᱲᱟᱣ ᱴᱮᱠᱱᱚᱞᱚᱡᱤ ᱠᱚ ᱨᱮᱱᱟᱜ ᱩᱛᱱᱟᱹᱣ ᱞᱟᱹᱜᱤᱫ ᱛᱮ ᱠᱟᱹᱢᱤ ᱨᱮᱭᱟᱜ ᱫᱟᱹᱭᱵᱷᱟᱨ ᱢᱮᱱᱟᱜᱼᱟ᱾^[᱑] ᱱᱚᱶᱟ ᱫᱚ ᱡᱮᱜᱮᱛ ᱨᱮᱱᱟᱜ ᱖ ᱜᱚᱴᱟᱝ ᱥᱚᱨᱠᱟᱨᱤ ᱥᱯᱮᱥ ᱮᱡᱮᱱᱥᱤ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ, ᱡᱟᱦᱟᱸ ᱫᱚ ᱥᱮᱥᱮᱨᱢᱟ ᱨᱮ ᱯᱷᱮᱫᱽ ᱨᱟᱠᱟᱵᱚᱜ, ᱠᱨᱤᱭᱳᱡᱮᱱᱤᱠ ᱤᱱᱡᱤᱱ ᱛᱷᱟᱯᱚᱱ ᱫᱟᱲᱮ, ᱵᱟᱦᱨᱮ ᱫᱷᱟᱹᱨᱛᱤ ᱨᱮᱱᱟᱜ ᱢᱤᱥᱚᱱ ᱠᱚ ᱞᱚᱧᱪ ᱟᱨ ᱟᱭᱢᱟ ᱞᱮᱠᱟᱱ ᱟᱡ ᱟᱡ ᱛᱮ ᱪᱟᱞᱟᱜ ᱥᱟᱭᱴᱮᱞᱟᱭᱤᱴ ᱠᱚ ᱠᱚ ᱪᱟᱪᱞᱟᱣ ᱫᱟᱲᱮᱭᱟᱜᱼᱟ᱾^{[᱒][᱓][lower-alpha ᱒]}

ᱤᱥᱨᱳ ᱴᱷᱮᱱ ᱫᱷᱟᱹᱨᱛᱤ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱨᱤᱢᱳᱴ-ᱥᱮᱱᱥᱤᱝ ᱥᱮᱴᱮᱞᱟᱭᱤᱴ ᱢᱮᱱᱟᱜᱼᱟ ᱟᱨ ᱜᱟᱜᱟᱱ ᱟᱨ ᱟᱭᱹᱟᱨᱹᱮᱱᱹᱮᱥᱹᱮᱥ (ᱱᱟᱵᱷᱤᱠ) ᱥᱮᱴᱮᱞᱟᱭᱤᱴ ᱱᱮᱵᱷᱤᱜᱮᱥᱚᱱ ᱥᱤᱥᱴᱮᱢ ᱠᱟᱹᱢᱤ ᱠᱟᱱᱟ᱾ ᱱᱚᱶᱟ ᱫᱚ ᱪᱟᱸᱫᱚ ᱨᱮ ᱯᱮᱭᱟ ᱢᱤᱥᱚᱱ ᱟᱨ ᱵᱚᱸᱜᱟ ᱮᱸᱜᱮᱞ (ᱢᱟᱨᱥ) ᱨᱮ ᱢᱤᱫᱴᱟᱹᱝ ᱢᱤᱥᱚᱱ ᱮ ᱠᱩᱞ ᱟᱠᱟᱫᱟ᱾ ᱤᱥᱨᱚᱣᱟᱜ ᱯᱨᱚᱜᱨᱟᱢ ᱫᱚ ᱥᱤᱧᱚᱛ ᱨᱮᱱᱟᱜ ᱥᱟᱶᱛᱟ-ᱟᱹᱨᱤ ᱵᱷᱟᱹᱞᱟᱹᱭ ᱨᱮ ᱟᱹᱰᱤ ᱢᱟᱨᱟᱝ ᱮᱱᱮᱢ ᱮ ᱮᱢ ᱟᱠᱟᱫᱟ ᱟᱨ ᱟᱹᱰᱤ ᱞᱮᱠᱟᱱ ᱦᱟᱹᱴᱤᱧ ᱨᱮ ᱱᱮᱼᱦᱚᱲ ᱟᱨ ᱢᱤᱞᱤᱴᱟᱨᱤ ᱵᱟᱱᱟᱨ ᱦᱟᱹᱴᱤᱧ ᱨᱮ ᱜᱚᱲᱚ ᱥᱚᱦᱚᱫ ᱮ ᱮᱢ ᱟᱠᱟᱫᱟ, ᱡᱮᱞᱮᱠᱟ ᱰᱤᱡᱟᱥᱴᱟᱨ ᱥᱟᱢᱵᱽᱲᱟᱣ, ᱴᱮᱞᱤ ᱢᱮᱰᱤᱥᱤᱱ ᱟᱨ ᱱᱟᱵᱷᱤᱜᱮᱥᱚᱱ ᱟᱨ ᱨᱤᱠᱚᱱᱮᱥᱚᱱᱥ ᱢᱤᱥᱚᱱ᱾ ᱤᱥᱨᱳ-ᱟᱜ ᱥᱯᱤᱱ-ᱚᱯᱷ ᱴᱮᱠᱱᱚᱞᱚᱡᱤ ᱦᱚᱸ ᱥᱤᱧᱚᱛ ᱨᱮᱱᱟᱜ ᱤᱱᱡᱤᱱᱤᱭᱟᱨᱤᱝ ᱟᱨ ᱢᱮᱰᱤᱠᱟᱞ ᱤᱱᱰᱟᱥᱴᱨᱤ ᱞᱟᱹᱜᱤᱫ ᱟᱹᱰᱤ ᱜᱟᱱ ᱟᱹᱰᱤ ᱞᱟᱹᱠᱛᱤᱭᱟᱱ ᱥᱤᱨᱡᱟᱹᱣ ᱨᱮᱭᱟᱜ ᱛᱷᱟᱹᱱᱤᱛ ᱮ ᱫᱚᱦᱚ ᱟᱠᱟᱫᱟ᱾^[᱔]

ᱥᱤᱧᱚᱛ ᱨᱮ ᱱᱟᱦᱟᱜ ᱚᱠᱛᱚ ᱨᱮ ᱥᱮᱥᱮᱨᱢᱟ ᱥᱟᱬᱮᱥ ᱫᱚ ᱑᱙᱒᱐ ᱥᱮᱨᱢᱟ ᱨᱮ ᱮᱦᱚᱵ ᱞᱮᱱᱟ, ᱡᱚᱠᱷᱚᱱ ᱥᱟᱬᱮᱥᱤᱭᱟᱹ ᱮᱥ. ᱠᱮ. ᱢᱤᱛᱨᱚ ᱫᱚ ᱠᱚᱞᱠᱟᱛᱟ ᱨᱮ ᱜᱨᱟᱭᱩᱰ ᱵᱮᱥᱴ ᱨᱮᱰᱤᱭᱳ ᱦᱚᱛᱮᱛᱮ ᱟᱭᱳᱱᱳᱥᱯᱷᱤᱭᱟᱨ ᱨᱮ ᱥᱟᱸᱰᱮ ᱨᱮᱱᱟᱜ ᱟᱭᱢᱟ ᱵᱤᱰᱟᱹᱣ ᱠᱚᱭ ᱠᱚᱨᱟᱣ ᱞᱮᱫᱟ᱾ ᱛᱟᱭᱚᱢ ᱛᱮ ᱥᱤᱧᱚᱛᱤᱭᱟᱹ ᱥᱟᱬᱮᱥᱤᱭᱟᱹ ᱥᱤ.ᱵᱷᱤ. ᱨᱟᱢᱟᱱ ᱟᱨ ᱢᱮᱜᱷᱱᱟᱫᱽ ᱥᱟᱦᱟ ᱫᱚ ᱥᱮᱥᱮᱨᱢᱟ ᱥᱟᱬᱮᱥ ᱨᱮ ᱞᱟᱹᱠᱛᱤᱭᱟᱱ ᱥᱟᱬᱮᱥ ᱨᱮᱱᱟᱜ ᱵᱤᱰᱟᱹᱣ ᱠᱚᱨᱮ ᱠᱤᱱ ᱠᱟᱹᱢᱤ ᱞᱮᱫᱼᱟ᱾ ᱑᱙᱔᱕ ᱥᱮᱨᱢᱟ ᱛᱟᱭᱚᱢ ᱵᱟᱨᱭᱟ ᱥᱟᱬᱮᱥᱤᱭᱟᱹ ᱵᱤᱠᱨᱚᱢ ᱥᱟᱨᱟᱵᱷᱟᱭᱤ, ᱚᱦᱢᱚᱫᱟᱵᱟᱫᱽ ᱨᱮ ᱯᱷᱤᱡᱤᱠᱟᱞ ᱨᱤᱥᱚᱨᱪ ᱞᱮᱵᱚᱨᱮᱴᱚᱨᱤ ᱟᱨ ᱦᱳᱢᱤ ᱡᱟᱱᱟᱝᱜᱤᱨ ᱵᱷᱟᱵᱟ, ᱴᱟᱴᱟ ᱤᱱᱥᱴᱤᱴᱤᱭᱩᱴ ᱚᱯᱷ ᱯᱷᱟᱱᱰᱟᱢᱮᱱᱴᱟᱞ ᱨᱤᱥᱚᱨᱪ (en:Tata Institute of Fundamental Research) ᱑᱙᱔᱕ ᱥᱮᱨᱢᱟ ᱨᱮ ᱵᱮᱱᱟᱣ ᱞᱮᱫ ᱛᱟᱭᱚᱢ ᱥᱤᱧᱚᱛ ᱨᱮ ᱥᱮᱥᱮᱨᱢᱟ ᱥᱟᱬᱮᱥ ᱨᱮᱭᱟᱜ ᱞᱟᱦᱟᱱᱛᱤ ᱮᱦᱚᱵ ᱞᱮᱱᱟ᱾᱾

᱑᱙᱖᱐ ᱟᱨ ᱑᱙᱗᱐ ᱥᱮᱨᱢᱟ ᱨᱮ, ᱡᱤᱭᱳᱯᱚᱞᱤᱴᱤᱠ ᱟᱨ ᱤᱠᱚᱱᱚᱢᱤ ᱞᱟᱦᱟᱱᱛᱤ ᱠᱚ ᱠᱷᱟᱹᱛᱤᱨ ᱥᱤᱧᱚᱛ ᱫᱚ ᱱᱤᱡᱮᱨᱟᱜ ᱯᱷᱮᱫᱽ ᱨᱟᱠᱟᱵ ᱜᱟ.ᱰᱤ ᱠᱚ ᱮᱛᱚᱦᱚᱵ ᱠᱮᱫᱟ᱾ ᱑᱙᱖᱐-᱑᱙᱗᱐ ᱥᱮᱨᱢᱟ ᱨᱮ, ᱫᱤᱥᱚᱢ ᱨᱮ ᱢᱤᱫ ᱥᱟᱰᱮ ᱨᱚᱠᱮᱴ ᱵᱮᱱᱟᱣ ᱞᱮᱱᱟ, ᱟᱨ ᱑᱙᱘᱐ ᱥᱮᱨᱢᱟ ᱦᱟᱹᱵᱤᱡ, ᱥᱟᱬᱮᱥ ᱫᱚ ᱥᱮᱭᱴᱮᱞᱟ.ᱭᱤᱴ ᱯᱷᱮᱫᱽ ᱨᱟᱠᱟᱵ ᱜᱟ.ᱰᱤ ᱓ ᱟᱨ ᱚᱜᱽᱢᱮᱱᱴᱮᱰ ᱥᱟᱭᱴᱮᱞᱟᱭᱤᱴ ᱞᱟᱱᱪᱟᱨ ᱵᱷᱤᱠᱮᱞ (ASLV) ᱮ ᱧᱟᱢ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱠᱟᱹᱢᱤ ᱜᱚᱲᱚ ᱤᱱᱯᱷᱨᱟᱥᱴᱨᱚᱠᱪᱚᱨ ᱥᱟᱶ ᱛᱮ ᱯᱩᱨᱟᱹᱣ ᱞᱮᱱᱟ ᱾

ᱛᱩᱢᱟᱹᱞ ᱦᱩᱲᱟᱹᱜ:<ref> tags exist for a group named "lower-alpha", but no corresponding <references group="lower-alpha"/> tag was found

1. ↑ "Indian Space Research Organisation". www.isro.gov.in. Retrieved 2023-08-22.
2. ↑ Pulakkat, Hari (2014-01-09). "How ISRO developed the indigenous cryogenic engine". The Economic Times. ISSN 0013-0389. Retrieved 2023-08-22.
3. ↑ Harvey, Smid & Pirard 2011, pp. 144–.
4. ↑ "ISRO forms new commercial arm to exploit technology, launch satellites". BusinessLine (in ᱟᱝᱜᱽᱨᱮᱡᱤ). 2019-06-28. Retrieved 2023-08-23.