Кычкин Яков Прокопьевич
Яков Прокопьевич Кычкин — дыраама тыйаатырын артыыһа.
Олоҕун олуктара
[уларыт | биики-тиэкиһи уларытыы]Саха АССР үтүөлээх артыыһа Кычкин Яков Прокопьевич 1918 с. ахсынньы 8 күнүгэр Мэҥэ-Хаҥалас улууһун Мөҥүрүөн нэһилиэгэр төрөөбүтэ. 1937 с. Төҥүлү ситэтэ суох орто оскуолатын бутэрбитэ. 1940 с. П.А.Ойуунускай аатынан Саха драматическай театргыгар артыыс быһыытынан киирбитэ. Актерскай биографиятын Суорун Омоллоон “Айаал” трагедиятыгар кинээс уобараһыттан саҕалаабыта. Ол кэмтэн олоҕун саха театральнай искусствотын кытта ситимнээбитэ. Я.П.Кычкин 1981 с. олунньу 6 күнүгэр ыарахан ыарыыттан олохтон туораабыта. Билигин кини үтүө аата дойдутугар, Матта кулуубугар иҥэриллэн турар.
Айар үлэтэ
[уларыт | биики-тиэкиһи уларытыы]Сэрии сылларыгар Ньурба театрыгар үлэлээн баран, Яков Покопьевич 1948-1949 cc. кэргэнинээн Мария Петровна Бубякиналыын Маттаҕа кыстаан олорон оскуолаҕа үлэлээбиттэрэ. Манна драматическай куруһуок тэрийэн кэнсиэрдэри, испиктээкиллэри туруораллара. “Ньургун Боотур” олоҥхоттон быһа тардыыны оонньоон туруоран нэһилиэнньэ биһирэбилин ылаллара эбитэ үһү. Ону таһынан, Яков Прокопьевич сценкаттан быһа тардан бэйэтэ оонньуура, “Лоокуут уонна Ньургуһун” испиктээкилтэн Күһэҥэй оруолун, Алексей Елисеевич Кулаковскай “Итирик бурсуй” хоһоонунан сценка уо.д.а. Кэлин Яков Кычкин Саха драматическай-музыкальнай театрын артыыһынан пенсияҕа тахсыар диэри үлэлээбитэ.
Яков Прокопьевич М.Горькай 100 сааһыгар анаммыт “Түгэххэ” испэктээкилгэ бүтүн Россиятааҕы драма уонна оҕо театрдарын фестивалыгар Бубнов оруолун толоруутун иһин 1 степеннээх дипломунан, Саха АССР Үрдүкү Сэбиэтин Бочуотунай грамоталарынан наҕараадаламмыта.
Наҕараадалара
[уларыт | биики-тиэкиһи уларытыы]1968 с. Саха АССР үтүөлээх артыыһын Бочуоттаах аата иҥэриллибитэ.
Сигэлэр
[уларыт | биики-тиэкиһи уларытыы]1. Саха АССР үтүөлээх артыыһа Яков Прокопьевич Кычкин. Сивцев С.Н. Дьокуускай. 2018
Text is available under the CC BY-SA 4.0 license; additional terms may apply.
Images, videos and audio are available under their respective licenses.