Христофорова Мария Николаевна
Мария Николаевна Христофорова — Саха сиригэр норуот депутата, «Ил Түмэн» издательскай дьиэ дириэктэрэ, Национальнай СМИ ассоциациятын салайааччыта.
Олоҕун олуктара
[уларыт | биики-тиэкиһи уларытыы]1966 с. сэтинньи 22 күнүгэр Дьокуускай куоракка Александра Андреевна Васильева уонна Николай Евтропьевич Михайлов дьиэ кэргэнигэр сэттис оҕонон төрөөбүтэ. Аҕата, Николай Евтропьевич Михайлов биллиилээх адвокат этэ. Хотугу оройуоннар дьыалаларын адвокат быһыытынан быһаарсар специалист этэ.
Бастаан 20 нүөмэрдээх оскуолаҕа үөрэнэн баран, 14 нүөмэрдээх оскуолаҕа көспутэ. Үрдүкү кылаастары СГУ (билиҥҥи ХИФУ) иһинээҕи Республиканскай физико-математическай оскуоланы бүтэрбитэ. Оскуолаҕа сылдьан элбэхтик общественнай үлэнэн дьарыктанара - пионерскай дружина советын чилиэнэ этэ, онтон комсомолга эмиэ көхтөөхтүк үлэлээбитэ.
Оскуоланы бүтэрэн, бастаан СГУ медицинскэй факультетыгар үөрэнэ киирбитэ. Ол гынан баран 10 кылааска үөрэнэ сырыттаҕына, аҕата Николай Евтропьевич өлбүтэ. Ийэтэ оҕолору иитэригэр ыарырҕатар буолан, Мария Николаевна үөрэҕин эрдэ соҕус бүтэрэр санааламмыта. Ол иһин тыа хаьаайыстыбатын факультетыгар көспүтэ. 4 кууруска үөрэнэ сылдьан, Экономика уонна лабораннар комплекснай сайдыыларын институтугар үлэлээн, үлэтигэн бэйэтин хааччыйара. Сайын полевой командировкаҕа айанныыра, оттон дипломнай үлэтин таба иитэр совхоһугар өр практикаланан суруйбута.
НВК Саха «Геван» биэриитигэр Анатолий Петрович Гоголев салайыытынан ыытааччытынан үлэтин саҕалаабыта. Хотугу аҕыйах ахсааннаах норуоттар представительлэрын кытта улахан интервью тэрийэрэ.
Госдума депутатыгар Егор Жирковка көмөлөһөөччүнэн үлэлээбитэ. Парламент уонна парламентарий үлэтин кытта билсибитэ.
1998-2003 с. Тыа хаһаайыстыбатын ГУП «Агроинформ» дириэктэрэ; ГУ «Информационно-консультационнай сулууспа «АПК» дириэктэрэ.
Үөрэҕинэн тыа хаһаастыбатыгар үлэлээбитэ. Ити билиилэрэ барыта «Кыым» хаһыаты сайыннарарга көмөлөспүттэрэ.
2003-2009 с. Советник, ОАО «АЛРОСА» Инвестиционнай группа» пресс-секретаря
2004 с. «Ситим» медиагруппа салайааччыта, «Аврора» медицинскэй клиника тэрийээччитэ.
2019 с. АУ «Ил Түмэн» Издательскай Дьиэ» кылаабынай дириэктэрэ, «Ил Түмэн» депутата
Text is available under the CC BY-SA 4.0 license; additional terms may apply.
Images, videos and audio are available under their respective licenses.