• 1980 сыллаахха ахсынньы 22 күнүгэр Дьокуускай куоракка күн сирин көрбүтэ.
• 2002 сыллаахха М.С.Щепкин аатынан театральнай училищены бүтэрбитэ уонна Саха тыйаатырыгар артыыһынан үлэтин саҕалаабыта.
• 2006 сыллаахха Арктикатааҕы судаарыстыбаннай култуура уонна искусство үнүстүүтүн бүтэрбитэ, режиссер идэтин ылбыта. Ити сылтан Саха тыйаатырыгар режиссер быһыытынан үлэтин саҕалаабыта.
• 2010 сылтан Саха тыйаатырын сүрүн режиссера.

Тыйаатырга оонньуур сүрүн оруоллара:

• Наарыһынай – Амма Аччыгыйа «Сааскы кэм»,
• Ромео – У.Шекспир «Биирдэ куоракка»,
• Тайчаар – Н.Лугинов «Чыҥыс Хаан ыйааҕынан»,
• Уот Уһутаакы – П.Ойуунускай «Туналҕаннаах ньуурдаах Туйаарыма Куо» олоҥхо,
• Павел – В.Харысхал, «Көмүөл»,
• Афанасьев учуутал – В.Харысхал «Бастыҥ хатыыта»,
• Глумов – А.Островскай «Сатабыллаах саһыл саҕалаах»,
• Гаврил – И.Гоголев «Хара кыталык»,
• Благоев – В.Харысхал «Кэт Марсден. Үтүө санаа аанньала»,
• режиссер - В.Харысхал «Тэпсиллибэт үтүө аат»,
• Троцкай - Н.Лугинов «Максим» уо.д.а.

Туруорбут испэктээктэрэ: И.Гоголев «Кэрэ көмүскэлигэр», В.Харысхал «Бастыҥ хатыыта»,  К.Хиггинс «Ол сырдык саҕахха көрсүөхпүт», В.Короленко «Макаар түүлэ», А.Кулаковскай «Ойуун түүлэ», И.Избеков «Сыгый Кырынаастыыр», В.Харысхал «Учуутал», Д.Наумов «Бүгүн эбэтэр хаһан да…», П.Ламутскай «Сир иччитэ», В.Никифоров «Манчаары», Н.Якутскай «Төлкө», Д.Таас «Кыһыл көмүс хоруоп», П.Ойуунускай «Кээрэкээн», У.Шекспир «Фальстаф», А.Кулаковскай «Өй, сүрэх мөккүөрэ», Д.Наумов «Сандаарар сарыал саллааттара» уо.д.а.

Олоҥхо тыйаатырыгар туруоруулара: А.Кулаковскай «Өрүс бэлэхтэрэ», П.Охлопков «Бэрт киһи Бэриэт Бэргэн».

Саха киинэтигэр оруоллара: Павел – «Лыах», режиссер В.Семенов («Окно в Европу» бирииһэ, «Бастыҥ эр киһи» бириэмийэтэ), Эрхан – «Кытыл», режиссер Р.Тараховскай.

Устубут киинэлэрэ: «Кытыл», «Саллаат сүрэҕэ», Г.Башарин туһунан «Завещание», Кэт Марсден туһунан «Сестра милосердия».

Өрөспүүбүлүкэ таһымнаах киэҥ хабааннаах театральнай туруоруулара: «Азия оҕолоро» Бүтүн аан дойдутааҕы спортивнай оонньуулар, 2016 с. Үөһээ Дьааҥыга - Олоҥхо ыһыаҕа, 2017 с. Манчаары оонньуулара, 2018 с. «Триумф Ойунского» Өрөспүүбүлүкэ Былатыан Ойуунускай төрөөбүтэ 125 сылын өрөгөйдөөх бэлиэтээһинэ, Алдаҥҥа – Олоҥхо ыһыаҕа, 2019 с. «Свет над Арктикой» Өрөспүүбүлүкэтээҕи бырааһыннык, «Пою мою республику, Якутию мою» Өрөспүүбүлүкэ күнүгэр аналлаах тэрээһин.