Мордьоноохоп
Алексей Петрович Васильев (Мордьоноохоп) (1906-1947 сс.) — сахаҕа биллибит күүстээх киһи, хапсаҕайга САССР спордун маастара.
Кини 1906 с. Үөһээ Бүлүү Мэйигэр (Далыр Күүлэтигэр) Чымырдаат диэн күөлгэ төрөөбүт.
Ортону үрдүнэн уҥуохтаах, толору эттээх-сииннээх, 130 киилэ ыйааһыннаах саха бухатыыра. Дьон ахтыыларыттан көрдөххө, сыгынньах көрүҥэ боруонсаттан кутуллубут курдуга, утарылаһааччыларыттан ордук көрүҥнээҕэ үһү. Оччотооҕуга, дьоҥҥо тэҥэ суох күүстээҕин, быһыйын туһунан сурах-кэпсээн хас да оройуоҥҥа тарҕаммыта. Ол саҕана нэһилиэктэр күүстээх да, быһый да киһилэринэн күрэхтэһэр кэмнэрэ этэ. Улууска аатырар киһи туһунан, ким төһө кэпсиир дьоҕурунан сэһэннэрэ тарҕанара. А. П. Васильев дьон кэпсээнигэр-сэһэнигэр киирбит, нэһилиэк (билигин Далыр нэһилиэгэ) киэн туттар киһитэ этэ.
Туһаныллыбыт сирдэр
[уларыт | биики-тиэкиһи уларытыы]Үөһээ Бүлүү өҥ буоруттан… / СР «Үөһээ Бүлүү» (оройуона) муниц. тэриллии дьаһалтата, Үөһээ Бүлүүтээҕи кыраайы үөрэтэр салаата [хомуйан оҥордулар : О. Д. Федорова, Г. А. Саввинова]. — Дьокуускай, 2012. — С. — 190—215
Text is available under the CC BY-SA 4.0 license; additional terms may apply.
Images, videos and audio are available under their respective licenses.