Лех Качыньски
![](https://upload.wikimedia.org/wikipedia/commons/thumb/0/00/Lech_Kaczy%C5%84ski.jpg/200px-Lech_Kaczy%C5%84ski.jpg)
Лех Александер Качыньски (пол. Lech Aleksander Kaczyński; 1949 бэс ыйын 18 — 2010 муус устар 10), 2005-2010 сыллардаахха Польша Республикатын президенэ, Быраап уонна кырдьык партия политига. Президент буолуон иннинэ Варшава баhылыга этэ (2002-2005). Ярослав Качыньски диэн игирэлии ини-биилээх, кини Польша урукку премьер-миниистирэ, Быраап уонна кырдьык партия билиҥҥи салайааччыта.
2010 сыл муус устар 10 күнүгэр Качыньски көтөн испит көтөр аала (Польша салгын күүстэрин Ту-154) Арассыыйа Смоленскай куоратын чугаhыгар сууллубут. Качыньски, кини ойоҕо Мария Качыньска уонна бортка баар атын 95 киhи (87 пассажир, 8 экипаж) бары өлбүттэр. Качыньски уонна кинилиин өлбүт Польша үрдүк сололоох делегацията Катынь кыргыытын 70 сылын бэлиэтээhинигэр кыттыыны ылыахтаах этилэр.
Сигэлэр
[уларыт | биики-тиэкиһи уларытыы]Польша президенын саайта Архыыптаммыт 2018, От ыйын 17 күнүгэр.
Text is available under the CC BY-SA 4.0 license; additional terms may apply.
Images, videos and audio are available under their respective licenses.