Лаамы-Эбээн национальнай уокурук
Лаамы-Эбээн национальнай уокурук, эбээн омугун уокуруга. РСФСР Уһук Илин кыраайга 1930 - 1934 сыллардаахха үөскүү сылдьыбыт.
Эбээннэр олорор сирдэригэр тэриллибитэ. 5 оройуоннаах этэ: Айаан-Маайа, Уола, Охотскай, Хотугу-Эбээн уонна Тугур-Чумикаан.
Иэнэ 700 тыһ. км², нэһилиэнньэтин ахсаана 14 тыһ. киһи. Уокурук киинэ Нагаево бөһүөлэккэ баар этэ. Нагаево Магадан куорат буолбутун кэннэ уокурук киинэ Охотскайга көһөрүллүбүтэ.
1931 сыллахха Уола уонна Хотугу-Эбээн оройуоннары "Дальстрой" салайар буолбута.
1934 сыллаахха уокурук суох буолбутун кэннэ территория Алын Амыр уобалаһа састаабар киирбитэ.
Билигин уокурук аата Охотскайга бэчээттэнэр «Охотско-Эвенская Правда» хаһыакка хаалбыт.
Text is available under the CC BY-SA 4.0 license; additional terms may apply.
Images, videos and audio are available under their respective licenses.