Кудряшов Николай Петрович
Николай Петрович Кудряшов | |||||||
Төрөөбүт күнэ |
7 муус устар 1922 | ||||||
---|---|---|---|---|---|---|---|
Төрөөбүт сирэ |
Черемхово[1] | ||||||
Өлбүт күнэ |
23 кулун тутар 1973 (50 сааһыгар) | ||||||
Өлбүт сирэ | |||||||
Сулууспалаабыт дойдута | |||||||
Сулууспалаабыт сыллара |
1940—1946 | ||||||
Солото |
Лейтенант ![]() | ||||||
Чааһа |
520-с СП, 167-с СД | ||||||
Кыргыһыылар/сэриилэр | |||||||
Наҕараадалара |
|
Кудряшов Николай Петрович (07.04.1922, Черемхово — 23.03.1973, Ньурба, Саха АССР) — лейтенант, Аҕа дойду Улуу сэриитин кыттыылааҕа, Сэбиэскэй Сойуус Геройа (1944). Буруйдааһыҥҥа түбэһэн, Герой аата уонна бары наҕараадалара быһыллыбыт (1953). 2013 сыллаахха бары бырааптара чөлүгэр түспүт.
Олоҕун олуктара
[уларыт | биики-тиэкиһи уларытыы]1922 сыллаахха муус устар 7 күнүгэр Черемхово[1] бөһүөлэккэ шахтёр дьиэ кэргэнигэр төрөөбүт. Кыра сааһыттан, төрөппүттэрэ өлөн, Тулуҥҥа (Иркутскай уобалас) оҕо дьиэтигэр иитиллибит, кэлин эдьиийигэр олорбут. 17 сааһыттан Черемховоҕа Киров аатынан шахтаҕа үлэлээбит.
Аҕа дойду Улуу сэриитигэр Арҕаа, Воронежскай, Брянскай, 1-кы, 2-с уонна 4-с Украинскай фроннарга сэриилэспит. Сэрии толоонугар түөртэ бааһыра сылдьыбыт. 1943 сыл сэтинньитигэр Киевы босхолооһун кыргыһыыларыгар старшай сержант Кудряшов хорсуннук сэриилэспитэ бэлиэтэммит. Кудряшов взвода Пуща-Водица аттынааҕы кыргыһыыга 150-ча, Киевка Крещатик, кинофабрика оройуоннарыгар буолбут кыргыһыыларга 80-ча өстөөх саллаатын кыдыйбыт.[2]
ССРС Үрдүкү Сүбэтин Президиумун 1944 сыл тохсунньу 10 күнүнээҕи Ыйааҕынан бойобуой сорудахтары уһулуччулаахтык толорорун, көрдөрбүт хорсун, геройдуу быһыытын иһин старшай сержант Кудряшов Николай Петровичка Сэбиэскэй Сойуус Геройун аата иҥэриллибит[3].
Сэрии кэнниттэн дойдутугар шахтаҕа үлэлээбит. 1952 сыл кулун тутарыгар, буруйданан, 6 сылга дьүүллэммит. ССРС Үрдүкү Сүбэтин Президиумун 1953 сыл тохсунньу 2 күнүнээҕи Ыйааҕынан Герой аата уонна бары наҕараадалара быһыллыбыт. 1954 сыл кулун тутарыгар болдьоҕун иннинэ босхолонон баран, шахтаҕа, онтон артыалга үлэлээбит.
1956 сыл күһүнүгэр Саха Сиригэр көспүт. Өлөөн улууһугар Амакинскай экспедицияҕа, 1964 сылтан Ньурбатааҕы авиаотрядка суоппарынан үлэлээбит.
Ньурбаҕа олорбут. 1973 сыллаахха кулун тутар 23 күнүгэр өлбүт, Ньурба кылабыыһатыгар көмүллүбүт.
Николай Петрович Кудряшовка Сэбиэскэй Сойуус Геройун аата, наҕараадалара 2013 сыллаахха төннөрүллүбүт[4].
Наҕараадалара
[уларыт | биики-тиэкиһи уларытыы]- «Кыһыл көмүс Сулус» мэтээл № 2446 (10.01.1944)[5][6]
- Ленин уордьана (10.01.1944)
- Албан аат III ст. уордьана (16.12.1943)[7]
- «Хорсунун иһин» мэтээл (20.01.1943)[8]
Үйэлээх аата
[уларыт | биики-тиэкиһи уларытыы]
Быһаарыылар
[уларыт | биики-тиэкиһи уларытыы]- ↑ 1,0 1,1 Билиҥҥинэн Черемхово куорат, Иркутскай уобалас.
- ↑
Кудряшов Николай Петрович. Cитим-сир «Герои Страны».
- ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 января (№ 3 (263)). — С. 1
- ↑ РФ Президенын 24.10.2013 800 №-дээх Ыйааҕа.
- ↑ Наградные документы в электронном банке документов «Подвиг Народа»
- ↑ Указ Президиума Верховного Совета в электронном банке документов «Подвиг Народа»
- ↑ Наградные документы в электронном банке документов «Подвиг Народа»
- ↑ Наградные документы в электронном банке документов «Подвиг Народа»
Сигэлэр
[уларыт | биики-тиэкиһи уларытыы] Кудряшов Николай Петрович. Cитим-сир «Герои Страны».
- Алексеев В. Нельзя вычеркнуть из истории Великой Отечественной // Забота-Арчы : хаһыат. — 21.01.2010. — С. 7.
- Михаил Васильев. Колька-Герой: Крутые повороты судьбы Героя Советского Союза // SakhaPress.ru. — 04.12.2013.
- Юрий Гаврилов. Звезда N 2446 // Российская Газета. — 24.10.2013.
- Спиридонов Георгий. Остался Героем // Якутия. — 22.11.2013.
Text is available under the CC BY-SA 4.0 license; additional terms may apply.
Images, videos and audio are available under their respective licenses.