Корнилова Матрена Матвеевна
Корнилова Матрена Матвеевна (11.04.1915—04.09.1991) — Социалистыы Үлэ Дьоруойа, оҕуруот аһын үүннэрээччи, РСФСР уонна САССР үтүөлээх агронома[1].
Олоҕун олуктара
[уларыт | биики-тиэкиһи уларытыы]- 1915 сыллаахха муус устар 11 күнүгэр Өлүөхүмэ оройуонун Кыыллаах нэһилиэгэр төрөөбүт.
- 1936 сыллаахха Өлүөхүмэ тыа хаһаайыстыбатын техникумун бүтэрбит. 1936—1946 сс. МТС уонна оруйуон сир салаатын агрономунан үлэлээбит, оскуолаҕа учууталлаабыт.
1951 с. Москватааҕы Тимирязев аатынан тыа хаһаайыстыбатын академиятын бүтэрбит.
1951 сыллаахтан Саха АССР тыатын хаһаайыстыбатын суортуур управлениетын начаалынньыгынан үлэлээбит, онтон Мэҥэ-Хаҥалас МТС уонна оруйуоннааҕы тыа хайаайыстыбатын инспекциятыгар сүрүн агронмунан үлэлээбит. 1961 сыллаахтан — Покровскайдааҕы ОПХ страшай агронм-овощевода. Бу үлэтигэр өрөспүүбүлүкэтээҕи оҕуруот аһын уонна хортуопуйу үүннэрээччилэргэ уопут атастаһар оскуола тэрийбит.
Бурдук уонна оҕуруот аһын сиэмэлэрин тарҕатыынан дьарыктаммыт; Саха сиригэр оҕуруот аһын үүннэриини билимҥэ тирэҕирдибит[2].
1967—1971 сс. Саха АССР Үрдүкү Сэбиэтин VII ыҥырыытын дьокутаата.
ССРС Үрдүкү Сүбэтин Президиумун 1966 сыл муус устар 30 күнүнээҕи Ыйааҕынан Корнилова Матрена Матвеевнаҕа Социалистическай Үлэ Геройун аата иҥэриллибит, Ленин уордьана уонна «Сиэрпэ уонна Балта» кыһыл сулус туттарыллыбыт.
Наҕараадалара уонна ытык ааттара
[уларыт | биики-тиэкиһи уларытыы]- Социалистыы Үлэ Дьоруойа[3] (1966)
- РСФСР үтүөлээх агронома
- Саха АССР үтүөлээх агронома
Өссө маны көр
[уларыт | биики-тиэкиһи уларытыы]Социалистическай Үлэ Геройдарын тиһигэ (Саха Сирэ)
Быһаарыылар
[уларыт | биики-тиэкиһи уларытыы]Сигэлэр
[уларыт | биики-тиэкиһи уларытыы]- Герои страны
- Корнилова Матрена Матвеевна(нууч.). Энциклопедия ЯСИА. Якутское-Саха информационное агентство. Тургутулунна 3 Тохсунньу 2017.
- Владимир Пестерев. История Якутии в лицах. — Якутск: «Бичик», 2001.
- Герои Социалистического Труда Якутской АССР: Биобиблиогр. справ. — Якутск, 1987. — С. 81—83
Text is available under the CC BY-SA 4.0 license; additional terms may apply.
Images, videos and audio are available under their respective licenses.