Андросов Владимир Петрович
Владимир Петрович Андросов — тустуук, хапсаҕайдьыт, ССРС, САССР спордун маастара.
Таатта уола Владимир Андросов 1965-1968 сс. Үөрэммит, эрчиллибит Чурапчытын спортивнай чиэһин көмүскээбитэ. Кини бу Спартакиадаҕа 72 кг ыйааһыннаахтарга Үөһээ Бүлүү бөҕөһө Егор Прокопьев кэнниттэн иккис миэстэни ылбыта. Онтон абсолютнай чемпион үрдүк аатын былдьаһыыга Уус-Алдантан Иван Заровняев, Дьокуускайтан Игорь Харлампьев, Үөһээ Бүлүүттэн Валерий Бырдакаров, Бүлүүттэн Семен Алексеев, Ленинскэйтэн Владимир Николаев, Амматтан Михаил Гермогенов уонна Чурапчыттан Сидор Попов, Виктор Михайлов, Владимир Андросов – барыта 9 бөҕһс тустубута. Түмүк хапсыһыыга Виктор Михайлов уонна Владимир Андросов тахсаннар, бойобуой тэҥнэһии кэнниттэн чэпчэки ыйааһыннах Владимир Андросов абсолютнай чемпион үрдүк аатын ылбыта.
Владимир 1947 сыл бэс ыйын 17 күнүгэр Алексеевскай оройуон (билигин Таатта улууһа) Ытык Күөл сэлиэнньэтигэр төрөөбүтэ. Ийэтэ Анна семеновная Добронникова-Андросова тыыл-үлэ ветерана, аҕата Петр Константинович Арылахов Аҕа дойдуну көмүскүүр Улуу сэрии кыттыылааҕа, “Хорсунун иһин» үс мэтээл кавалера. Түөрт бииргэ төрөөбүттэтэн кыралара. Эдьийдэрэ Мария тоҕус, анна түөрт, убайа Петр үс оҕоломмуттара. ССРС, РСФСР, САССР үтүөлээх тренерэ Дмитрий Петрович Коркиҥҥа эрчиллибит Владимир Андросов Саха сирин күүстээх бөҕөһө буолбута. 1966, 1967 сс. «Урожай» ДСО Саха Уобаластааҕы Сэбиэтин чемпиона. 1966 с. Октябрь революциятын 50 сылыгар анаммыт САССР норуоттарын V Спартакиадатыгар 63 кг ыйааһыннаахтарга ССРС спордун маастара Анатолий Габышев кэнниттэн иккис мимиэстэлээх. 1967 с. Куба-РСФСР-САССР сүүмэрдэммит хамаандаларын матчэвай турнирын боруонса призера. 1968 с. «Урожай» ДСО РСФСР Сэбиэтин чемпиона, Ыччаттар Бүтүн россиятааҕы Оонньууларын кыайыылааҕа. Ленинградка Иван Поддубнай Ккбогын хаһаайына. Бу сл ССРС спордун маастара буолбутун туоһулуур дастабырыанньаны уонна түөскэ кэтиллэр үрүҥ көмүс призера, Сибиир уонна Дальнай Восток зонатын чемпиона. «Урожай» ДСО РСФСР уонаа Киин Сэбиэттэрин чемпиона. Лугайскайга Советскай Союз чемпионатын 68 кг ыйааһыныгар VI миэстэ. Болгария Раднево куоратыгар социалистическай дойдулар тыаларын сирин спортсменнарын норуоттар икки ардыларынааҕы турнирдаарын чемпиона. 1971 с. Урал, Сибиир уонна дальнай Восток зонатын чемпиона, Чита куорат аһаҕас түһүлгэтин чемпиона, «Урожай» ДСО Киин Сэбиэтин чемпиона. 1972 с. Сибиир уонна Дальнай Восток зонатын чемпиона. Советскай Союз геройа Базар Ринчинов Бүтүн Союзтааҕы турнирын чемпиона, Чита уобалаһын чемпиона. 1973 с. Чита уобалаһын Даурия станциятыгар сулууспалыы, онтон СКА-19 эрчиллэ сылдьан, Забайкальскай Байыаннай уокурук классическай уонна көҥүл тустууларга чемпиона. «Урожай» ДСО РСФСР Сэбиэтигэр боруонса призер. Онтон «Урожай» ДСО Киин Сэбиэтигэр маҥнайгы буолар. Улуу Кыайыы 30 сылыгар анаммыт 1974 с. САССР норуоттарын VII Спартакиадатын чемпиона, «Урожай» ДСО Саха Уобаластаа5ы Сэбиэтин чемпиона.
ССРС, САССР спордун маастара Владимир Петрович Андросов 1975 с. эдэр саа7ыгар олохтон хомолтолоохтук барбыта. 1991 сылтан Таатта5а Владимир Андросов бирии7игэр республика турнира бастаан көҥүл тустууга, онтон СР спордун маастара нуормалаах хапсаҕайга турнир сылын аайы ыытыллар. Бу турнирга эдьиийэ Анна Петровна бииргэ төрөөбүттэрин, аймахтарын-урууларын ааттарыттан дьиэ кэргэн анал бирииһин туттарара үтүө үгэскэ кубулуйда. Ийэлэрин дойдута Игидэйгэ 1999 с. спортивнай саала тутуллубута. Саҥа саалаҕа В.П. Андросов аата иҥэриллибитэ.
Источник: «Манчаары Хапсаҕайа» Александр Васильев- КӨРДҮГЭН Дьокуускай 2013
Text is available under the CC BY-SA 4.0 license; additional terms may apply.
Images, videos and audio are available under their respective licenses.