Акуловскай Алексей Владимирович
Акуловскай Алексей Владимирович - красноармеец, XX үйэ саҕаланыытыгар Саха сиригэр милиисийэ начаалынньыга буола сылдьыбыт киһи.
1919 сыл бүтүүтүгэр Дьокуускайга былаас уларыйбыт, уобаластааҕы управление, куорат дуумата, полиция управлениета, казаактар хамаандалара, Колчаак милиисийэтэ үрэллибиттэр. Уокуруктааҕы суут уонна борокуруор надзора эмиэ астаапкаҕа ыытыллыбыттар. Кыһыл Аармыйа Дьокуускайдааҕы быстах кэмҥэ Штаабын начаалынньыга Х.А.Гладунов ахсынньы 26 күннээҕи 11№ бирикээһинэн Саха уеһын уонна куорат милиисийэлэрин холбообута уонна начаалынньыгынан красноармеец А.В.Акуловскайы анаабыта.
Акуловскай Кыһыл Аармыйаҕа сулууспалаабыта, бассабыыктар баартыйаларын чилиэнэ этэ. Милиисийэ начаалынньыгынан ананарыгар 25 саастааҕа. Кэлин Акуловскай Дьокуускайга холуобунай розыска үлэлээбитэ[1].
Быһаарыылар
[уларыт | биики-тиэкиһи уларытыы]- ↑ Ярковой А. Боевая милицейская единица. Архыыптаммыт 2012, Муус устар 21 күнүгэр. Илин сурунаал, 1998, 1№
Text is available under the CC BY-SA 4.0 license; additional terms may apply.
Images, videos and audio are available under their respective licenses.