«Аан дойду музейдарыгар Саха сирин норуоттарын материальнай уонна духуобунай култуурата: XVII - XX үйэ саҕаланыыта»
Өрөспүүбүлүкэҕэ «Аан дойду музейдарыгар Саха сирин норуоттарын материальнай уонна духуобунай култуурата: XVII - XX үйэ саҕаланыыта» диэн бырайыак баар. Бу бырайыак түмүгүнэн аан дойду араас түмэллэригэр дойдубутун көрдөрөр экспонаттар систиэмэлэммит каталогтарын оҥоруу буолуоҕа. Ол Саха сирин материальнай уонна духуобунай култууратын объектарын бүттүүн хомуурунньугар киириэҕэ.
Өлүөнэ кыраайын экспедициялар үөрэтиилэрэ саҕаланыаҕыттан (XVIII үйэттэн) дьиэҕэ-уокка, олоххо-дьаһахха туттуллар үгүс мал-сал, булт, сэрии сэбэ-сэбиргэлэ уонна араас иһит-хомуос таска таһаарыллыбыта. Бүгүҥҥү күҥҥэ Нью-Йорктааҕы айылҕа устуоруйатын түмэлигэр, Лондоҥҥа Британия национальнай түмэлэ, Лейпцигкэ этнография түмэлигэр, ону тэҥэ Парижка, Венаҕа, Берлиҥҥэ, Гамбург, Франкфурт-на-Майне, Копенгаген куораттарга бөдөҥ коллекциялар харалла сыталлар.
Саха сирин норуоттарын материальнай уонна духуобунай култуураларын балачча улахан коллекцията (4000 кэриҥэ экз.) Арассыыйа этнографиятын түмэлигэр, ону тэҥэ РНА антропологияҕа уонна этнографияҕа судаарыстыбаннай музейыгар (Кунсткамера), Эрмитажка (Санкт-Петербург), уо.д.а. куораттар түмэллэригэр баар.
Чинчийээччилэр өссө сэбиэскэй кэмҥэ омук сирдэригэр баар музейдарга хараллыбыт экспонаттар ураты сыаналаахтарын бэлиэтии көрбүттэрэ.
Бу туһунан Дьокуускайга 2009 с. от ыйын 29 күнүгэр ЮНЕСКО чэрчитинэн «Циркумполярная цивилизация в музеях мира: вчера, сегодня, завтра» диэн норуоттар икки ардыларынааҕы научнай кэмпириэнсийэҕэ этиллибитэ.
Ылыллыбыт сирэ
[уларыт | биики-тиэкиһи уларытыы]Аан дойдутааҕы экспонаттар каталогтарын туһунан "Ил Түмэн" хаһыат, 2009 с. от ыйын 31 к. нүөмэрэ.
Text is available under the CC BY-SA 4.0 license; additional terms may apply.
Images, videos and audio are available under their respective licenses.