Морскый пристав в Польщи Щецин Szczecin пол. Застава Герб Держава ПольщаПольща Воеводство Западна ПомеранияЗападна Померания Президент Piotr Krzystek Координаты 53.433333, 14.53333353°26′00″ с. ш. 14°32′00″ в. д. / 53.433333° с. ш. 14.533333° в. д. (G) (O) (Я) Розлога 300,55 км² Надморска вышка 0–131 м Обывательство 400 990[1] особ (2020) Часова зона UTC+1, влѣтѣ UTC+2 Телефонный код (+48) 91 Поштовый индекс 70-001 ... 71-899 SIMC 0977976 Официалный сайт [1] вецеязычный Щецин Щецин на Викискладѣ

Ще́цин, пол. Szczecin, нѣм. Stettin — город на сѣверозападѣ Польщи, з обывательством 400 990 особ (юн 2020) семый найвекшый в державѣ,^[1] административный центер Западнопоморского воеводства.

Лежить в устю Одры, около 70 км од отвореной акватории Балтицкого моря и 16 км од нѣмецкой границѣ. Узел автодорожный и желѣзничный, морскый пристав, меджинародне летиско Щецин-Голенюв.^[2]

Суть свѣдчѣня, же ту жиючы люде уже перед 2500 роками плавали по морю.^[3] Славянска осада ту на Замковой горѣ взникла не позднѣйше як в другой половцѣ VIII. стороча.^[2] В X. сторочу закладатель польского штату Мешко I. прилучив Щецин ку Польщи.^[3] В року1181 Щецин войшов до Священной римской империи.^[2]

В року1243 достав статус города з магдебургскым правом и зоставав центром герцогства Западной Померании. Просперовав, прилучивши ся ку Ганзейской лизѣ в року 1360. В 1637 году он перейшов Бранденбургскому маркгрофу, который го контроловав до року 1648, коли быв добытый Шведами. В року 1720 году забраный Пруссиев и зостав под контролов Германии, покля по Другой свѣтовой войнѣ не зостав одданый Польщи.^[3]

Основу газдовства в зачатку XXI. стороча чинять приставовы службы: около третины морскых комерчных перевезень Польщи (угля — главный експорт); товары, везены по Одрѣ из Чехии, Мадярщины и Германии. Иншы конарѣ, окрем лодярства, включають потравиновый промысел, металообробку, продукцию штучных гноив и машинарство. Електроенергию про газдовство города и сѣверозапада Польщи продукуе угляна електрарня Долна Одра (Нове Чарново, 1350 МВт; 2020).^[3][2]

• Szczecin. Encyclopædia Britannica. August 30, 2018. https://www.britannica.com/place/Szczecin. [перевірено 06.12.2020].  англ.
• Савлов М. Е.; Миско Н. К.  (2017). ЩЕЦИН. //Большая российская энциклопедия. Электронная версия (2020). https://old.bigenc.ru/geography/text/5766289. [перевірено 06.12.2020].  русс.