Чеськословеньско
Чеськословеньско, або Чехословакія (чеськ. Československo, словен. Česko-Slovensko) — быв штат, котрый екзістовав в середній Европі в роках 1918-1939 і потім в роках 1945-1992. Головне і найвекше місто Чеськословеньска была Прага.
Назвы
[едітовати | едітовати жрідло]- 1918—1920: Републіка Чеськословеньско (РЧС)/Чесько-словеньскый штат[1], або Чесько-словеньско (словеньска верзія) або Чеськословеньско (чеська верзія)
- 1920—1938: Чеськословеньска републіка (скорочіня ЧСР), або Чеськословеньско
- 1938—1939: Чесько-словеньска републіка, або Чесько-Словеньско
- 1945—1960: Чеськословеньска републіка (скорочіня ЧСР), або Чеськословеньско;
- 1960—1990: Чеськословеньска соціалістічна републіка (ЧССР), або Чехословеньско
- 1990: Чеськословеньска федератівна републіка (чеська верзія), або Чесько-словеньска федератівна републіка (словеньска верзія)
Історія
[едітовати | едітовати жрідло]1918-1939
[едітовати | едітовати жрідло]Чеськословеньско взникло 28. октобра 1918[2] выголосінём Народного выбору на основі Версайскых міровых договорів. Од 14. марцу 1939 до маю 1945, коли ся скінчіла война, штат неекзістовав. Адміністратівнї было Чеськословеньско од року 1920 ділене на штірі провінції — Чехы, Мораву а Слезьско, Словеньско і Підкарпатьску Русь.
1945-1993
[едітовати | едітовати жрідло]У року 1945 Чеськословеньско взникло де юре у передвойновых гранїцёх, але од 29. юна 1945 уж без Підкарпатьской Руси, котру Чеськословеньско мусіло передати Совітскому Союзу. Дотепер дефінітівный конец штату Чеськословеньско значів датум 1. януара 1993, коли ся Чеськословеньско мірно розпало.
Обывательство
[едітовати | едітовати жрідло]Чеськословеньско в роках 1918-1939 мало 140.446 км² і 15 мілїонів жытелїв. У роках 1945-1993 мало 127.876 км² і 15 мілїонів жытелїв.
Ґеоґрафічна полога
[едітовати | едітовати жрідло]Теріторія Чеськословеньска засяговала на землі сучасных штатів Чесько, Словеньско, Україна і Польско.
Екстерны одказы
[едітовати | едітовати жрідло]- Історія Чеськословеньска - Encyclopædia Britannica (англ.)
- Les Guides Bleus Europe Centrale - Hachette
Референції
[едітовати | едітовати жрідло]- ↑ Votruba, Martin. Czecho-Slovakia or Czechoslovakia. Slovak Studies Program. University of Pittsburgh. Archived from the original on 15. 10. 2013. https://web.archive.org/web/20131015043127/http://www.pitt.edu/~votruba/qsonhist/spellczechoslovakia.html. [перевірено 29. 3. 2009].
- ↑ Preclík, Vratislav. Masaryk a legie (Masaryk and legions), váz. kniha, 219 pages, first issue vydalo nakladatelství Paris Karviná, Žižkova 2379 (734 01 Karvina, Czech Republic) ve spolupráci s Masarykovým demokratickým hnutím (Masaryk Democratic Movement, Prague), 2019, ISBN 978-80-87173-47-3
Text is available under the CC BY-SA 4.0 license; additional terms may apply.
Images, videos and audio are available under their respective licenses.
