Ратгерсова универзита
Ратгерсоваа универзита | |
---|---|
Rutgers University | |
![]() | |
лат. Universitas Rutgersensis The State University of New Jersey | |
Гесло | Sol iustitiae et occidentem illustra (Сонце справедливости свѣтить и на Запад) |
Первоназва | Queen's College (1766–1945) |
Заложена | 1766 |
Тип | приватна (1766–1945) публична (1945–) |
Факулты | 29[1] |
Штуденты | 70 876[1] |
Веб-сайт | https://www.rutgers.edu |
![]() | |
Ратгерсоваа универзита на Викискладѣ |
Ратгерсова универзита; англ. Rutgers University, The State University of New Jersey, — державна изгледовна универзита США, найвекша высока школа штата Ню Джерзи.
История
[едітовати | едітовати жрідло]Основана в року 1766 Голандсков Реформованов Церквов яко приватный Кральовнин Коледж, англ. Queens College. Коледж пережив тяжкы часы в роках Америцкой револуции и зачатком 1800х рокох даколько разы быв закрытый. Быв захраненый вдякы филантропови полковнику Генри Ратгерсу и в року 1825 прияв его имя. В року 1862 быв по силѣ Акта Морилла обдарованый земльов державного фонда и в року 1864 прияв статус поземкового коледжа штата Ню Джерзи, што му уклало повинность школовати фахманох про земледѣлство, промысел и войско, але иншак все зостав коледжом слободных умѣнь. В року 1924 прияв статус универзиты, а в року 1945 универзита была знароднена и одтогды несе назву Штатна универзита Ню Джерзи, англ. The State University of New Jersey.[2]
Штруктура
[едітовати | едітовати жрідло]Ратгерсова универзита роздѣлена на три локации в штатѣ Ню Джерзи: Ню Брунсвик (~50 000 штуденты, в той локации быв даколишный Кральовнин Коледж), Нюарк (~12 000 штуденты) и Камден (~8 000 штуденты). Педагогична часть складать ся з 29 окремых коледжи и школ, а изгледовна часть зоз ~300 центрох и инштитуций.[1][2]
Интересны факты
[едітовати | едітовати жрідло]- Ратгерсова универзита приносить до буджета штата Ню Джерзи веце изгледовных федералных инвестиций, неж вшиткы иншы высокы школы штата довъедна.[1]
Жерела и одказы
[едітовати | едітовати жрідло]- Facts & Figures 2017–2018 (по англицкы). Rutgers University. https://www.rutgers.edu/about/facts-figures. [перевірено 2020-01-29].
- Rutgers, The State University of New Jersey (по англицкы). Encyclopaedia Britannica. https://www.britannica.com/topic/Rutgers-The-State-University-of-New-Jersey. [перевірено 2020-01-29].
Референции
[едітовати | едітовати жрідло]Text is available under the CC BY-SA 4.0 license; additional terms may apply.
Images, videos and audio are available under their respective licenses.