Cело Словакии, регион Земплин Гливища Hlivištia (слов.) Таблиця з гербом на нижном концю села Давны назвы Hliviscse до 1910, Hegygombás (мад.) 1910–1919, 1939–1944 Штат СловакияСловакия Край КошицкыйКошицкый Окрес Собранцѣ Сельскый уряд Гливища Координаты 48.805, 22.21805648°48′18″ с. ш. 22°13′05″ в. д. / 48.805° с. ш. 22.218056° в. д. (G) (O) (Я) Розлога 20,21 км² Надморска вышка 262 м Обывательство 385 особ (2011) Часова зона UTC+1, влѣтѣ UTC+2 Телефонный код +421-56 Поштовый индекс 89675 ŠÚJ 522457 Официалный сайт [1] (слов.) Гливища

Гливища (по словен. Hlivištia) суть селом в окресѣ Собранцѣ в Кошицком краю в обводѣ Михаловцѣ на юговыходї Словеньска. Село оддалене 7 км на сѣвер од окресного центра.

Село заложене року 1418 як осада (новоселиця) при селѣ Ясенов. Року 1449 Гливища споминають ся первый раз як самостатне село з назвов Hlevischa.

Року 1851 познатый мадярскый землеписець Елек Феньеш (Fényes Elek) писав: "Гливища, руське село в жупѣ Унг, од Собранцьох на сѣвер, 1 1/2 годины ходу, обывательство: 5 римокатоликох, 304 грекокатоликы, 13 юдеи, готарь грункастый, худый, файный лѣс, пила на водный погон, грекокатолицка парохия з храмом. Землепан гроф Алберт Старай (Sztáray Albert)".^[1]

Року 1910 в селѣ жили 444 особы русинской и мадярской народности.^[2]

В сучасности обывателе села ся голосять такой цѣлком ку словацкой народности, лем их имена^[3] и грекокатолицка вѣра нагадують о их походжѣню. Село мать водовод, канализацию, асфалтку и автобусну линию до окресного центра. В селѣ ся находить грекокатолицкый храм Св. Юрия, выставленый року 1898. В октобрѣ 2001 при нагодѣ 180-роча упокоѣня Иоанникия Базиловича в селѣ святочно отворили памятну таблу.

Адрес сельского уряда:

• пошта: Hlivištia 73, 07301 Hlivištia
• e-mail: hlivistia@lekosonline.sk

• Иоанникий Базилович (1742–1821), первый карпаторуськый историк.

• Fényes Elek: Magyarország geographiai szótára, mellyben minden város, falu és puszta, betürendben körülményesen leiratik. Pest, 1851.
• Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. IX. köt.
• Гливища на сайтѣ obce.info
• Официалный сайт села
• Имена обывательох села

1. ↑ Fényes.
2. ↑ Révai, с. 666.
3. ↑ Имена обывательох села

Населены пункты окресу Собранцї Міста Собранцї Села Башківцї · Бенятина · Бежівцї · Блатна Полянка · Блатны Реметы · Блатны Ревіща · Бунківцї · Великы Ревіща · Войнатїна · Вышня Рыбниця · Вышнє Нїмецьке · Глівіща · Горня · Гусак · Вышнї Реметы · Загор · Иновець · Йенківцї · Колібабівцї · Конюш · Коромля · Кырчава · Крісты · Лїкаровцї · Нижня Рыбніця · Нижнє Нїмецьке · Орїхова · Остров · Петровцї · Пінковцї · Підгородь · Поростів · Порубка · Прикопа · Реметьскы Гамры · Руська Быстра · Руськовцї · Руськый Грабовець · Сейків · Сватуш · Ташуля · Тібава · Убреж · Фекішівцї · Хоньківцї · Ясенів