Disambiguazzione – Ce ste cirche otre segnefecate, 'ndruche Shanghai (disambigue).

Shanghai
上海市

Abbreviazione: 沪 o 申 (pinyin: Hù o Shēn)
Origine del nome	上 shàng - sopra 海 hǎi - mare "Sul mare"
Livello amministrativo	Municepaletate
Segretario del comitato del PCC	Chen Liangyu
Sindaco	Han Zheng
Superficie	6.340,5 km²
Popolazione (2007)  - Area metropolitana  - Densità	18.580.000 17.811.000 2930/km²
PIL (2003)  - pro capite	¥ 625,1 miliardi (ca. € 66,8) ¥ 36.500 (ca. € 3.904) (Quotazioni medie 2009 - 2010)
Gruppi etnici (2000)	Han - 99% Hui - 0,4%
Contee	19
Comuni (31 dicembre, 2004)	220
ISO 3166-2	CN-31
Sito ufficiale: www.shanghai.gov.cn (Cenise) www.shanghai.gov.cn ('Nglese)

Shanghai 上海^?, pinyin Shànghǎi (jndr'ô tarandíne pure Sciangai), acchijate sus a 'u jume Huangpu 'nzeccate a 'u delte d'u Chang Jiang, jè 'a cchiù populose cetata d'a Cine e une de le cetate cchiù populose d'u munne, oltre ca 'a seconne municepaletate autonome d'u paìse nnande Chongqing, p'u fatte ca 'a cchiù granna vanne d'a popolazzione d'a municepaletate de Chongqing - cchiù de 30 miglione de crestiáne - jàvite fôre d'a cetata propriamènde ditte. Shanghai jè 'ndrucate cumme capitale economeche d'a Cine. Grazzie ad 'ô sveluppe de le passate decenne, Shanghai jè 'nu cendre economeche, finanziarije, commerciale e de le comunecazziúne de primarije 'mbortanze d'a Repubbleche Populare Cenise. 'U puèrte suve, 'u prime d'u paìse, jè une de le cchiù traffecate ad 'u munne cu Singapore e Rotterdam. Jndr'ô 2010 hé superate Singapore cumme grannèzze de traffeche.^[1]

Shanghai jè une de le quàtte municepaletate d'a Repubbleche Populare Cenise ca jndr'ô stesse timbe tène pure 'ô status de provinge.

Jndr'ô cenise, Shanghai jè abbreviate jndre Hù 沪^?/滬^? e Shēn 申^?; 'u dittonghe Shang - Hai segnefeche letteralmènde "sus a 'u mare" o pure "verse 'u mare". Le 'nderpretazione jè c'a cetata origgenariamède jève acchijate sus a 'u mare oppure, seconne le crestiáne d'u luèche, jève 'u punde cchiù ìrte jndre cui arrevave 'u mare.

Famuse sonde alcune soprannome d'a cetata 'mbrà le quale: "'A Parigge d'oriende", "'A reggine d'oriende", "Perle d'oriende" (a reconferme de quiste, 'na 'mbortande indaggene sckaffe Shanghai 'mbrà lle metropule cchiù ad 'a moda d'Asie, 'a quattordecesime jndre totte 'u munne)^[2] e pure "'A buglie d'oriende" ('nu referimènde ad 'a corruzione, ad 'u traffeche de droghe e ad 'a prostituzione de lle anne vinde e trende d'u sechèle passate).

Shanghai jè vagnate da 'u Mar Cenise Oriendale (p'a vanne de l'Oceane Pacifeche) e jè attraversate da 'u jume Huangpu. 'U muderne destritte finanziarie de Pudong se iacchije sus 'a rive oriendale d'u jume Huangpu, ad 'u condrarie de Puxi, jè acchijate sus a ll'otre rive.

'U clime de Shanghai jè de tipe temberate calle (medie annuale +12,7 °C), cu doje staggione assaje scucchiáte 'mbrà lòre e assaje longhe ('mbìerne ed estate) e doje piccele staggione ca se iacchijene mmienze (primavère e autunne) ca se pòtene arrecanoscere da 'nu clime asciutte, assaje vièndilate e cu temberature generalmènde mite.

Le 'mbìerne a Shanghai jè comblessivamènde fridde, me non g'ète gelide cumme jndr'â lle vanne costiere cchiù settendrionale d'a Cine ('a temberature medie sciurnaliere de scennàre pare 'nfatte jèssere de +3,3 °C), le gelate, pure ce frequende, sonde picche vôte 'ndense e le valore mineme staggionale scènnene assaje raramènde d'abbasce a le -8 °C. L'estate jè contraddistinde da temberature ssaje ìerte e afe 'ndense (medie de luglie +27,3 °C) nonché da chiogge ca se fàcene sembe cchiù frequende, accumenzanne d'a metate de sciùgne e spiccianne ad 'a fine de luglie; le masseme staggionale de le mise estive pòtene 'nvece arrevà a le 38-40 °C specialmènde jndr'â lle fase de stabbiletate atmosfereche, ca non ge 'nderrombene picche vôte longhe periode de precipitazzione.

L'estate pòte cu jèssere assaje umide e iparlanne 'n'genere resulte chiovose (specie accumenzanne d'a fine de sciùgne), le 'mbìerne 'nvece jè relativamènde picche chiovose pure ce no assaje spesse se pòtene avè precipitazzione (quacche vôte nevose) a cause de le ciclogenese 'mbìernale ca se ccrèjene sus a 'u Mar Cenise oriendale e sus a 'u Mar d'u Giappone, p'a conseguenze de avvezione de arije friddeca avène da Nord-Ovest. Le periode ca sonde clematicamènde la mègghie, pe' visetà 'a cetata, sonde accussì 'a primavère e l'autunne.

'A municepaletata jè scucchiáte jndre 19 suddivisione cu status de condèe: 18 destritte e 1 condèe.

Nôve destritte amministrane le quartiere e le sobborghe de Puxi, 'a cetata storeche sus 'a rive occidendale d'u jume Huangpu:

• Destritte de Huangpu
• Destritte de Luwan
• Destritte de Xuhui
• Destritte de Changning
• Destritte de Jing'an
• Destritte de Putuo
• Destritte de Zhabei
• Destritte de Hongkou
• Destritte de Yangpu

Pudong, 'a nuève vanne d'a cetata, acchijate sus 'a vanne oriendale d'u jume Huangpu, jè guvernate da 'nu uneche destritte:

• Destritte de Pudong

Uètte destritte amministrane sobborghe, cetata satellite e vanne rurale d'a municepaletata:

• Destritte de Baoshan
• Destritte de Minhang
• Destritte de Jiading
• Destritte de Jinshan
• Destritte de Songjiang
• Destritte de Qingpu
• Destritte de Nanhui
• Destritte de Fengxian

L'isole de Chongming e le doje isole minore de nnanze a Pudong, ad 'a foce d'u jume Yangtze, sonde guvernate d'a:

• Condèe de Chongming

Jndr'â lle vicenanze d'a cetata se iacchije 'u Shanghai International Circuit, 'mbiande avveniristeche quagghiate jndr'ô 2003 pe' ospità 'u Gran Premie de Cine de Formula 1 e 'a gare d'u motomondiale.

Shanghai jè gemellate cu le seguende cetate:^[3]

• James Graham Ballard, screttore
• Federico Ghisi, combositore
• Ying Huang, soprane
• Jacques Mayol, cambione apnee subacquee
• Yao Ming, ex sciucatore de basket

1. ↑ Simone Ricci, Shanghai supere Singapore jndr'ô traffeche commerciale d'u 2010, su finanzalive.com, Finanza Live. URL conzultate il 4 febbrare 2011.
2. ↑ Cetate ad 'a mode, Rome supere Parigge, su corriere.it, Corriere della Sera, 18 luglie 2007. URL conzultate il 4 febbrare 2011.
3. ↑ (EN) Shangai Foreign Affairs, su shfao.gov.cn, Foreign Affairs Office of Shanghai Municipality. URL conzultate il 4 febbrare 2011.
4. ↑ (EN) Central Denmark Region, su shfao.gov.cn, Foreign Affairs Office of Shanghai Municipality. URL conzultate il 5 febbrare 2011.
5. ↑ (EN) Jeollabuk-do, su shfao.gov.cn, Foreign Affairs Office of Shanghai Municipality. URL conzultate il 5 febbrare 2011.
6. ↑ (EN) Jeollanam-do, su shfao.gov.cn, Foreign Affairs Office of Shanghai Municipality. URL conzultate il 5 febbrare 2011.
7. ↑ (EN) Neyagawa City, su shfao.gov.cn, Foreign Affairs Office of Shanghai Municipality. URL conzultate il 5 febbrare 2011.
8. ↑ (EN) Rhone-Alpes Region, su shfao.gov.cn, Foreign Affairs Office of Shanghai Municipality. URL conzultate il 5 febbrare 2011.
9. ↑ (EN) Yao City, su shfao.gov.cn, Foreign Affairs Office of Shanghai Municipality. URL conzultate il 5 febbrare 2011.
10. ↑ (EN) Yuzumisano, su shfao.gov.cn, Foreign Affairs Office of Shanghai Municipality. URL conzultate il 5 febbrare 2011.

• Shanghai Stock Exchange
• Liste de cetate pe' numere de grattacièle
• Xintiandi

• Uicchimedie Commons tène files multimediale sus Shanghai

• Site ufficiale Istitute Tagliáne de Culture de Shanghai
• (ZH) Site ufficiale d'a municepaletate de Shanghai
• (ZH) Statistiche sus a Shanghai
• (EN) S. Diglio, Urban Development and Historic Heritage Protection in Shanghai, jndre "Web Journal on Cultural Patrimony" (a cure de Fabio Maniscalco), 1, 2006
• (EN) Shanghai Cendrre Finanziarije Mondiale
• (EN) Gallerije fotografeche sus a Shanghai de Enrico Martino
• (EN) Destritte de Shanghai

V · 'N · C Provinge amministrate d'a Repubbleche populare cenise
Provinge	Anhui · Fujian · Gansu · Guangdong · Guizhou · Hainan · Hebei · Heilongjiang · Henan · Hubei · Hunan · Jiangsu · Jiangxi · Jilin · Liaoning · Qinghai · Shaanxi · Shandong · Shanxi · Sichuan · Yunnan · Zhejiang
Reggione autonome	Guangxi · Mongolie 'Nderne · Ningxia · Tibet · Xinjiang
Municipalità	Pechino · Chongqing · Shanghai · Tientsin
Reggione amministrative speciale	Hong Kong · Macao
Vide pure: Status polìteche de Taiwan

V · 'N · C Capitale de le suddivisiune amministrative d'a Cine
Municipalità	Pechino • Chongqing • Shanghai • Tientsin
Cetate subprovingiale	Changchun • Chengdu • Dalian • Canton • Hangzhou • Harbin • Jinan • Nanchino • Ningbo • Qingdao • Shenyang • Shenzhen • Wuhan • Xi'an • Xiamen
Capitale de provinge	Changsha • Fuzhou • Guiyang • Haikou • Hefei • Hohhot • Kunming • Lanzhou • Lhasa • Nanchang • Nanning • Shijiazhuang • Taiyuan • Ürümqi • Xining • Yinchuan • Zhengzhou
Reggione amministrative speciale	Hong Kong • Macao