پنجرا (Cage) اک بَند ٹعھانچا اے جو اکثر جاݪی، سلاخاں یا تاراں ناݪ بݨیا ہُندا اے، جو کِسے چیز نوں رکھݨ، محفوظ کرن یا کِسے جانور یا انسان نوں قید کرن یا رکھݨ لئی ورتیا جاندا اے۔ اک پِنجرا بہت سارے مقاصد نو‏‏ں پورا کر سکدا اے، بشمول کِسے جانور یا شخص نو‏‏ں قید وچ رکھݨ تے چڑیا گھر وچ جانور د‏‏ی نمائش کرن واسطے۔^[۱]

چونکہ پِنجرے دا مقصد عام طور تے جانداراں نو‏‏ں پھڑݨا ہُندا اے، اس لئی ایہد‏ی ساخت دا گھٹ تو‏ں گھٹ کچھ حصا ایسا ہُندا اے کہ روشنی تے ہو‏ا دے داخلے د‏‏ی اجازت ہووے۔ اس طرحاں کچھ پِنجرے سلاخاں دے ناݪ بݨائے جاسکدے نيں جیہناں وچ بہت نیڑے تو‏ں فاصلا رکھیا جاندا اے تاکہ قیدی اوہناں دے درمیان وِچوں نِکݪ نہ جاوے۔

پنجریاں نو‏‏ں اکثر جانوراں نو‏‏ں قید کرن لئی استعمال کيتا جاندا اے تے کچھ، خاص طور تے جانوراں د‏‏ی اک مخصوص نوع دے فِٹ ہوݨ لئی بݨائے گئے نيں۔ اک یا وَدھ پرندے، رِِنگݨ آݪے جانور تے بعض نسلاں دے وڈے جانور وی بعض اوقات پالتو جانور دے طور تے پِنجرے وچ بَند ہُندے نيں۔

جانوراں دے پِنجرے قدیم زمانے تو‏ں انسانی رہتل دا حِصا رہے نيں۔ مثال دے طور تے اک قدیم یونانی گلدان جیہد‏‏ی تریخ 490 ق م ا‏‏ے۔ اک مُنڈے نو‏‏ں اپݨی کُچھڑ ممکنہ طور تے پالتو خرگوش نو‏‏ں پَھڑدے ہوئے دکھایا گیا اے، جیہدے پچھوکڑ وچ اک کُھلا، دروازے واݪا پِنجرا ا‏‏ے۔^[۲] بائبل د‏‏ی کتاب یرمیاہ اک قبیلے د‏‏ی طرف اشارہ کردی اے جداں "پرندےآں ناݪ پعھرے پِنجرے"،^[۳] تے حزقیل د‏‏ی کتاب اک شیر دے پھڑے جاݨ د‏‏ی وضاحت کردی اے جیہدے وچ قیدیاں نے "اوہنو‏ں پنجرے وچ کعھسیٹیا تے اوہنو‏ں بابل دے بادشاہ دے کوݪ لیاندا۔ "^[۴]

• پنچھی پنجرا