فرانسس موڈی
سر رابرٹ فرانسس موڈی (اگست 24, 1890 – ستمبر 15, 1976) اک انگریز سرکاری افسر تے انڈین سول سروس دا سنگی سی۔اوہ سند تے پاکستانی پنجاب دا گورنر ریا۔
جم پل
[سودھو]فرانسس موڈی 24 اگست 1890 نون سکاٹ لینڈ وچ جمی۔ ایڈنبرا تے کنگز کالج، کیمبرج توں پڑھائی کیتی۔ کج چر اوہنے سکول ماسٹری کیتی پر چھیتی اوہنوں سمج لک گئی جے ایہ اودے وس دا کم نئیں۔ 1914 وچ انڈین سول سروس دا امتحان پاس کرکے 1915 وج ہندستان آیا۔
ہندستان وچ
[سودھو]پہلی وڈی لڑائی ہورئی سی جدوں اوہ ہہندستان آیا لڑائی دے انت تک اوہ فوجی سکھلائی لئی فوجیاں نال ای ریا۔ لڑائی مکن تے اوہنے یوپی دے صوبے وچ لادتا گیا۔
- جھانسی - اسسٹنٹ مجسٹریٹ
- بنارس - جوائنٹ میجسٹریٹ
- ڈیرہ دون - انکم ٹیکس آفیسر
- آگرہ - ڈسٹرکٹ اسسٹنٹ مجسٹریٹ
- سلطانپور - ڈپٹی کمشنر
- پرتاپ گڑھ - سیٹلمنٹ آفیسر
- فرخ آباد - کلکٹر
- آگرہ - سیٹلمنٹ آفیسر 1926–1929
- 1930-31 وچ موڈی چھٹی تے لندن وچ سی تے اوہنوں 1930-31 لندن گول میز کانفرنس دے سکرٹریاں وچ جنیا گیا۔
- الہ آباد - کلکٹر (کانفرنس مگروں)
- کانپور - کلکٹر 1932-36
- یو پی سرکار - ریونیو سیکرٹری
- صوبہ بہار - گورنر 1943-1944
- صوبہ سند - گورنر 15 جنوری 1946 توں 13 اگست 1947
- پاکستان بنن تے موڈی نوں جناح نے پاکستانی پنجاب دا گورنر بنادتا تے اوہ 15 اگست 1947 توں 2 اگست 1949 تک گورنر ریا[۱]۔
اگلے کم
[سودھو]پاکستانی پنجاب دی گورنری توں 1949 وچ لین مگروں موڈی انگلینڈ چلا گیاجتھے اوہنے سرکاری ول نال کئی کم کیتے۔
ویاہ تے مرنا
[سودھو]فرانسس موڈی نے دو ویاہ کیتے 1919 وچ میری سپنسر جس توں اوہدی اک تی ہوئی اوہ 1960 وچ مرگئی تے اوسے ورے اوہنے میری الزبتھ ایبرکرومبی نال ویاہ کرلیا 15 ستمبر 1976 نوں اوہ 87 وریاں دی سی اوہدی سکاٹلینڈ وچ موت ہوئی۔
اتہ پتہ
[سودھو]- ↑ "Governors". Sindh Governor House. Retrieved 2010-04-12.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
