جھیل اسیک کول
انتظامی تقسیم
ملک	کرغیزستان   [۱]
وقوع تھاں	اسیک کول صوبہ
طاس دیس	کرغیزستان
طاس رقبہ	21900 مربع کلومیٹر
پانی کھلوݨ ویلہ	305 ورھا [۲]
تقسیم اعلیٰ	اسیک کول صوبہ
جغرافیائی خصوصیات
متناسقات	42°25′00″N 77°15′00″E / 42.416666666667°N 77.25°E / 42.416666666667; 77.25   [۳]
رقبہ	6236 مربع کلومیٹر
لمبا‏ئی	182 کلومیٹر
چوڑآئی	60 کلومیٹر
گہرائی	668 میٹر
احاطہ	688 کلومیٹر
پانی حجم	1738 cubic kilometre
بلندی	1606 میٹر
جیو رمز	1527005[۴]
[مکمل اسکرین پر]
ترمیم

اسیک کول ، چڑھدے کرغیزستان میں اتلے کوہ تیان شان چ واقع اک جھیل اے ۔ حالانکہ ایہہ برف نال ڈھکے پہاڑاں دے وچکار واقع اے پر اس دے باوجود وی ایہہ کدے نئین جمدی ۔ اس لئی اس دا ناں کرغیز بولی چ اسیک کول اے جس دا مطلب گرم جھیل اے ۔ ایہ جھیل رامسر کنونشن دے تحت حیاتیاتی تنوع دے حساب نال عالمی پدھر تے اک اہم تھاں شمار ہندی اے ۔

اس جھیل دی لمبائی 182 کلومیٹر تے چوڑائی 60 کلومیٹر تک اے ۔ جھیل 6236 مربع کلومیٹر دے رقبے تے پھیلی ہوئی اے ،اینج ایہہ جھیل ٹیٹیکاکا دے بعد جگ دی دوجی سب توں وڈی پہاڑی جھیل اے ۔ ایہہ جھیل 1606 میٹر دی بلندی تے واقع اے ۔ اس دی ودھ توں ودھ گہرائی 668 میٹر اے تےاوسط گہرا‏ی 270 میٹر اے ۔ لاگے دے پہاڑاں دے کئی چشمے ، بشمول گرم چشمے تے پگھلی ہوئی برف توں اسنوں پانی ملدا اے ۔ دکھنی ساحلاں تے کوہ تیان شان دے خوبصورت پربت دھارے دیاں اچیاں نیویاں چوٹیاں اس جھیل نوں بوہت انوکھے تے سوہنے منظر دیندیاں نیں ۔ جھیل دا پانی تھوڑا جہا نمکیں اے ۔ اس جھیل دے پانی چ سالانہ 5 سینٹی میٹر دے حساب نال کمی واقع ہو رہی اے ۔

سویت یونین دے دور چ ایہہ اک مشہور سیاحتی تھاں سی تے اس دے اتلے ساحلاں تے کئی اقامت گاہاں واقع سن ۔ سویت اتحاد دے خاتمے مگروں ایتھے دیاں اقامت گاہاں دی صنعت تے برا وقت آیا پر ہن سیاحاں دی آمد پاروں ایہہ علاقہ اک وار فیر سیاحت دا مرکز بندا جا رہئیا اے ۔

قرہ قول دا شہر اسیک کول اوبلاست (یعنی صوبہ) دا انتظامی صدرمقام اے ۔ ایہہ جھیل دے چڑھدے کنارے واقع اے تے اس جھیل تے اس دے نال دے علاقےآں دی سیاحت دے خواہش مند لوکاں لئی اک مرکز دی حثیت رکھدا اے ۔ ایتھی لکڑی دی بنی ہوئی اک شاندار مسیت مقامی ایغور مسلماناں نے بغیر کیلاں (میخاں)دے اساری اے ۔