بنو ہاشم
بنو ہاشم مکہ عرب چ اسلام مت ٹرن ویلے مکہ دے اک وڈے قبیلے قریش دی اک ٹعنی سی۔ قریش چ قصی بن کلاب پہلا شخص سی جس نے 5ویں صدی عیسوی چ بعض عرب قبیلیاں نوں منظم کرکے اپنی قوت ودھائی تے حجاز دے علاقے تے قابض ہو کے خانہ کعبہ دا متولی بن گئیا ۔ 480ء چ قصی دا انتقال ہوئیا تے عبدمناف دی بجائے اسدا بھائی عبدالدار برسراقتدار آئیا ۔ عبدالدار دی وفات دے بعد عبد مناف دے بہنوئی تے بنی عبد الدار دے وچکار مکہ دی حکومت لئی لڑائی ہوئی پر ذی اثر لوکاں دی مداخلت دی وجہ توں معاملہ سلجھ گئیا تے اوہناں نے خدمات آپس چ ونڈ لئیاں تے عبد مناف دا پتر عبدالشمس برسراقتدار آ گئیا پر کجھ ای دناں بعد اس نے اپنے اختیارات اپنے بھائی ہاشم دے سپرد کردتے ۔ ہاشم دولت تے اقتدار دی وجہ توں قریش چ بہت معزز سمجھے جاندے سن ۔ اوہناں دی اولاد بنی ہاشم کہلانی اے ۔ حضرت محمد صلی اللہ علیہ و آلہ وسلم حضرت ھاشم دے پڑپوتے سن ۔ ایسے طرح حضرت علی کرم اللہ وجہہ تے آپ دی اولاد یعنی سادات تے بنو عباس وی بنی ہاشم نیں ۔
اج کل چ بنو ھاشم
[سودھو]جنگ عظیم اول تک بنی ہاشم دا اک فرد شریف حسین (شریف مکہ) مکہ تے سلطنت عثمانیہ ولوں راج کر ریا سی پیلی جنگ عظیم سلطنت عثمانیہ جت رئی سی پر شریف حسین مکہ نے خلافت تے مسلماناں نال غداری کردیاں بغاوت کردتی انگریزاں تے لارنس آف عریبیا (ٹی ای لارنس) نال رل کے مکہ چ ترکاں نال لڑائی 10 جون 1916 نوں چیڑی۔ بسدے نتارے چ سلطنت عثمانیہ نوں ہار ہوئی۔1926 چ]] ابن سعود نے مکے تے قبضہ کرلئیا تے حسین شریف مکہ نوں باہر کڈ دتا ، پر انگریزاں نے اسدے پتر امیر فیصل نوں عراق تے امیر عبداللہ نوں اردن دا بادشاہ بنا دتا ۔ 1958ء دے انقلاب چ عراق چ عبدالکریم قاسم نے اس خاندان دے شاہ فیصل نوں قتل کردتا ۔ ہن صرف اردن چ اس خاندان دا فرد شاہ عبداللہ حکمران اے ۔
Text is available under the CC BY-SA 4.0 license; additional terms may apply.
Images, videos and audio are available under their respective licenses.
