بارک اوباما

بارک اوباما

امریکا دا 44 واں صدر
جیون :	4 اگست 1961 ہونولولو، ہوائی
کم :	صدر
گن :	امریکا دا پہلا کالا صدر
دستخط :
ویب سائٹ :	[۱]

بارک اوباما امریکی سینٹ دے رکن تے ڈیموکریٹک پارٹی ولوں 2008 تے 2012 وچ ہون والیاں چوناں وج جت کے امریکی صدر بݨے ۔ اوہ پہلے کالے امریکی صدر سن ۔ اوباما دے والد دا تعلق کینیا افریقا نال سی ۔

جیون

بارک اوباما 4 اگست 1961 نوں ہونولولو ہوائی امریکا وچ جمے ۔ اوہناں دے والد کینیا دے کالے پڑھیار سی ۔ اودی ماں دا ناں این ڈنہم سی جیدا جوڑ کنساس توں سی تے جیدے پرکھ انگلینڈ توں آئے سن۔ اوناں دا ویاہ 1960 چ ہویا سی تے 1964 چ طلاق لے کے وکھرے ہوگۓ۔ بارک اوبامہ دا پیو 1982 چ ٹریفک ایکسیڈنٹ چ مر گیا تے مرن توں پہلاں اپنے پتر بارک اوبامہ نال صرف اک واری مل سکیا۔ اودی ماں نے اک انڈونیشیا دے بندے نال ویاہ کر لیا تے تاں اوہ انڈونیشیا چلے گۓ تے بارک اوبامہ جکارتہ چ پڑھدا رہیا۔ 1971 چ اوبہاما آپنے نانا نانی کول ہونولولو آگیا تے 1979 تک اوتھے ای پڑھدا رہیا۔

اودی ماں 1995 چ کینسر دی روگی ہو کے مر گئی۔ 2 سال لاس اینجلس کیلیفورنیا دے اوکسیڈنٹل کالج پڑن مگروں اوہ کولمبیا یونیورسٹی نیو یارک پڑن آگیا۔ 1988 وچ ہارورڈ لا سکول توں قنون نوں پڑیا تے اس توں مگروں وکالت کرن لگ گیا۔