افتخار حسین ممدوٹ
افتخار حسین ممدوٹ (1906 - 1969) اک پاکستانی سیاستدان سی ۔ اوہ پاکستانی پنجاب دا پہلا وزیر اعلا سی ۔ ایس توں علاوہ سندھ دا گورنر وی رہیا ۔ افتخار حسین 1906 وچ لہور وچ جمیا۔ اوہدا پیو سر شاہنواز خان ممدوٹ چڑھدے پنجاب دا اک وڈا زمیندار سی۔ گورنمنٹ کالج لہور توں پڑھیا تے فیر ریاست جیدرآباد وچ پلس دی نوکری کرلی۔ پر ایہ نوکری مزاج نوں ناں پھبی تے چھڈ دتی۔ اپنے پیو دے پچھے ٹردیاں ہویاں اوہ سیاست وچ آیا تے 1942 وچ پنجاب مسلم لیگ دا آگو بن گیا۔ فروری 1946 دیاں چوناں وچ مسلم لیگ پنجاب وچ 79 سیٹاں جتدی اے۔ اوہ 15 اگست 1947 توں لے کے 6 نومبر 1948 تک تے فیر 15 نومبر 1948 توں 25 جنوری 1949 تک پنجاب دا وزیراعلا رہیا۔ اوہ پاکستان دی قنون ساز اسمبلی دا ممبر تے 1954 توں 1955 تک صوبا سندھ دا گورنر وی رہیا ۔ 1956 وچ اوہ ریپبلکن پارٹی وچ چلا گیا۔ ایوب خان دے مارشل لا وچ اوہدی سیاست تے روک لادتی گئی ۔ اوہ 16 اکتوبر 1969 نوں مرگیا ۔
| ||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
