ابراہیم اسماعیل چندریگر (15 اپریل 1898 - 26 ستمبر 1960 ) پاکستان دا وزیراعظم تے پنجاب دا گورنر سی۔

ابراہیم اسماعیل چندریگر 15 اپریل 1898 نوں احمدآباد ہندستان وج جمیا تے بمبئی یونیورسٹی تو پزھیا۔

محمد علی جناح دے آکھن تے بمبئی آے تے 1937 وچ بمبئی صوبائی مسلم لیگ دے صدر چنے گۓ تے 1946 تک چنے جاندے رۓ۔ برطانوی راج دے مکن توں پہلے جیہڑی سرکار بنی اوہدے وچ چندریگر کامرس دے وزیر سن۔ 1947 وچ پاکستان بنن مگروں پاکستان دی پہلی کابینہ وچ اوہ کامرس تے کاروبار دا وزیر بنایا گیا۔ ایس مگروں اوہ افغانستان وچ سفیر، صوبہ سرحد دا گورنر، صوبہ پنجاب دا گورنر تے قنون دا وزیر ریا۔ اکتوبر 1957 وچ اوہنوں پاکستان دا وزیراعظم بنایا گیا پر اسکندر مرزا نے دو مہینیاں مگروں ای لادتا۔

26 ستمبر 1960 نون لندن وچ اوہدی موت اوئی۔

• گورنر پاکستانی پنجاب