Pura Besakih ischde bdaidnschde hinduischdische Tembl un Hailischdum uff Bali. S'ischde „Muddatembl“ vun alle balinesische Tembl. De hailigschde vunde drai grosse Temblbeziag ischde Pura Panataran Agung Besakih inde Midd, wude Godd Sanghyang Widhi Wasa nochde indisch Nomensgewbung als Trimurti - des isch die Hindu-Geddadraihaid Brahma - Shiva - Vishnu - vaehrd werd.

Emol im Joa gibbds do baim Vollmond ä großes Feschd, wu vunde balinesische Glaiwische besuchd werd. Donn kummen die Rajas vun Bali un obfann fa ihre Voafahre. Alle hunnad Joa werd nochm balinesische Mondkalenda s Eka Dasa Rudra gfaijad midda große Obfazermonie, wuss Uniwersum simbolisch groinischd werd.

Weschede viele Turischde, wudes seje wollen, isch die Olaach haid awwa a'n Basa wu die Oihaimische schun a uffdringlisch vasuchen alle meschlische Grimsgroms zu vakaafe. Newem Oidridd, wuma bzahle muss, muss a nochn Fiera nemme, um iwwahaubd die Tembl bsuche zu kenne.

Ma vamuud, dassa im achde Joahunnad g'grind worre isch. Er lischd uff 950 Meda Heeh om Siedweschdhong vun Gunung Agung, em imma noch agdive Wulkon. Die gsomd Olaach hodd iwwa 200 Gbaide, drunna oinische mehaschdufischi Tembltirm (meru), Schroin (pelinggih), offene Pawilljongs (bale) un onare Gbaide. Firschdegschleschda hawwenen aischene Beziag. Dorfgmoinschafde hawwen aischene Temblberaisch odda Schroin, wu vunna Mauwa umgewe sinn.

Om 18. Februa 1963 ischde Gunung Agung wehrend'm ledsche Eka Dasa Rudra ausgebroche un hodd viel vawieschded. Iwwa 1100 Laid sinn gschdorwe un 86.000 Laid sinn obdachlos worre. Eschdlisch vunde Temblolaach ischn heeßa Schuddschdrom (Lahar) runna kumme un. Om 18. Mai im glaische Joa sinn donn die maischde Gbaide dursche Eadbewe zaschdead worre, awwa dvoa sinn schunn Lapilli uff die Olaach runna gonge.^[1]

Seidm 19. Ogdowa 1995 ischde Pura Besakih ä UNESCO-Welderwe.

• Oidrigg vum Muddatembl uff Bali
• 
• 
• 
• 
• 
• 
• 
• 

 Commons: Pura Besakih – Sammlung vun Bilder, Video un Audiodataie

• Pura Penataran Agung Besakih.

1. ↑ M. T. Zen, Djajadi Hadikusumo: Preliminary report on the 1963 eruption of Mt.Agung in Bali (Indonesia). In: Bulletin Volcanologique, 27 (1964) S. 269–299, hier S. 275, 283.

-8.3716115.4512950Koordinaten: 8° 22′ 18″ S, 115° 27′ 4″ O