Lomsem
| Wappe | Daitschlandkard | |
|---|---|---|
|
| |
| Basisdate | ||
| Dialekt: | Rhoifrängisch | |
| Hääptvariant: | Pälzisch | |
| Rechionalvariant: | Vorderpälzisch | |
| Bunnesland: | Rhoilond-Palz | |
| Krääs: | Rhoi-Palz-Krääs | |
| Heche: | 97 m ü. NHN | |
| Fleche: | 12,8 km² | |
| Aiwohner: | 6308 (30. Seb 2007) | |
| Bevelkerungsdicht: | 495 Eiwohner je km² | |
| Boschtläätzahl: | 67245 | |
| Voawahl: | 06233 | |
| Kfz-Kennzääche: | RP (bis 31. Aug. 2005: LU) | |
| Gmäändschlüssel: | 07 3 38 016 | |
| Websait: | ||
| Birchamääscht: | Herbert Knoll (CDU) | |
| Laach vun de Ortsgemeinde Lomsem im Rhoi-Palz-Krääs | ||
 | ||
Lomsem (amtlisch Lambsheim) is ä vebondsfreihi Gemää im Rhoi-Palz-Krääs un leit ugfähr 10 Kilomeder vun Ludwichshafe. Ausserum leien (mid de Uhr) : Gerolsm, Hessem, Frongedahl, (Oggerschum un Ruchem), Maxdorf, Birgeheide un Weisrem om Sond.
Gschischt
[Schaffe | Om Gwelltegschd schaffe]Zum erschdemol urkundlisch äwähnt worre is Lomsem im Johr 768, un zwar im Lorscher Codex. Mer nimmt awwer oo, dasses schun ä paar Johr vorher exischtdiert hot. Sellemols hot Lomsem äm Kloschter Weisseburg g'härd, un des widderum hots als Lehe on die Grafe vun Loininge gewe. Abm 13. Jahhunnerd is Lomsem dursch Ridder verwalded worre, die wu a im Dorf selbscht gewohnt hän, un zwar dort wu mer heid noch es Lomsemer Schloss sehe konn (in de Junkergass 1). Im Johr 1323 hot Lomsem es Schdadrecht krieht, mid Schulthees un allem drum un droo. 1389 hän die Palzgrafe es Kommondo iwwernumme, 1410 waren donn die Herzegg vun Zwääbrigge neie Lehensherre.
Die hän Krach g'had mim Kurferschd Friedrich I., de Kurferschd hot sich durschgsetzt und deshalb war Lomsem donn vun 1471 bis 1797 kurpälzisch. Do denoch sinn donn die Fronzose kumme, mid ehre Revolution und dene gonze Kriege im Ooschluss. Ämol hän sich sogar die deitsch Reichsarmee un die fronzäsische Revolutionstrubbe uff Lomsemer Gebiet innerem Gfecht gegeiwwer g'stonne. Bei dere Aktion sinn ca. 250 Leid umkumme, gekämpft hänse sellemols in de Näh vun de alde Miehl. Wu die Fronzose-Zeit vebei war, is alles vun de Kurpalz was links vum Rhoi liegt äm Känischreisch Bayern zug'schlagge worre, somid war Lomsem donn bayrisch.
1821 hot mer donn uff die Stadtreschde vezischt. Die Gemää Lomsem war donn im Londkrääs Frongedal, bis es 1969 zum neigegrindede Krääs Ludwichshafe kumme is, äm heidische Rhoi-Palz-Krääs.
Relischione
[Schaffe | Om Gwelltegschd schaffe]Im Johr 2007 waren schtadistisch g'sehe 44,2 Prozent vun de Oiwohner proteschdandisch, 27,8 Prozent kaddolisch, des Rest glaabt entweder ebbes onneres oder garnix.
Bolidig
[Schaffe | Om Gwelltegschd schaffe]Gemoinderad
[Schaffe | Om Gwelltegschd schaffe]De Gemoinderad vun Lomsem beschteht aus 22 Leit wu des ehreomtlisch machen, zuletscht gewählt om 7. Juni 2009, unnerem haubtomtlische Boiermäschder. Momendon is des de Knolle Herbert vun de CDU. Den hänse im Mai 2010 gewählt und im Sebdember hotter soin Vorgänger, de Eisenbarths Erich, abgelääst.
De aktuelle Gemoinderat setzt sisch folgendermasse zomme:
| SPD | CDU | FDP | GRÜNE | FWG | Gesamt | |
| 2009 | 8 | 6 | 3 | 2 | 3 | 22 Sitze |
| 2004 | 6 | 8 | 2 | 2 | 4 | 22 Sitze |
Kultur und Sehenswürdigkeiten
[Schaffe | Om Gwelltegschd schaffe]Baudenkmäler
[Schaffe | Om Gwelltegschd schaffe]
- Kaddolisch Kärch St. Stephanus (Hauptstroos 4)
- Erbaut zwische 1785 un 1789, än klääne, efache Butzbau, aus dere Zeid wu de Rokoko/Schbpätbarock in de Klassizismus iwwergonge is. Des klääne Gloggetirmel hänse awer erscht von 1909 bis 1912 uffs Dach gebaut. Was inderesonnt is : de barocke Hochaldar (ca. um 1700) is älder wie die Kärch selwert, den hänse 1961 aus de Simuldonkärch vun Oberndorf noh Lomsem gebrocht.
- Prodestondisch Kärch (Hauptstroos 6)
- Neiromanischi Saalkärch aus Sandstääquader, zwische 1844 un 1847 erbaut. De Turm is ugfähr on de Midde vun de Südwond ausse vorgelagert, die drei Unnergschosse stommen noch vum alde Turm aussem 13 Johrhunnerd.
De Ausbau in die heidisch Form middem fers Lomsemer Dorfbild typische Schpitzhelm hänse von 1860 bis 1861 vorgenumme. Im Turm drin sinn Grabstää vun hiesische Adelsfamilie, die wu in de alde Kärch beerdischt ware. De Turm is mit 69 Meter Häh de vierthägschde in de Vorderpalz, nur die Gedächtniskärch (100m) un die Josephskärch (91m) vun Schbaya sowie die Schlosskärch in Derkem (70m) sinn häher.
Webverwais
[Schaffe | Om Gwelltegschd schaffe]
Wikisource: Lomsem in de Topographia Palatinatus Rheni (Matthäus Merian) – Qwelle un Volltegschde
|
Aldrib | Boinderschem | Birkenheide | Bobrem-Roxem | Beel-Igglem | Donnschdadt-Schaurem | Dudehoofe | Fußgennem | Großniddsem | Hahnhoofe | Haadhause | Hesse | Haischlem | Hochdorf-Assrem | Klääniddsem | Lomsem | Limburgerhof | Maxdorf | Muddaschdad | Naihowwe | Oddaschdadt | Redschem-Gronau | Reemabärsch | Schiwwerschdadd | Waldsee |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
