Hansgetrauwe (Ribes) (zum Wort), aach: Kanzdrauwe odda Kanzdraawe (uff schriftdaitsch: Johannisbeeren) , sin meischtens heckefermisch wachsende un oft in Gärde se finnende Obschtplanze. Die meischde Sorte kammer esse, aber net alle schmecke gut. Die Bliete vun der schwarze Sorte werren ach genumm fer Parfüm herzustelle. Die Truuschele sin a e Art vun de Hansgetrauwe, un e Mischling vun denne un ennere annere Art nennt mer Jostabeer, was sich aus de schriftdaitsche Werter fer die zwo Planze sammesetze dut. In de Wisseschaft werren nur Kreizunge aus schwatzer Hansgetraub un Truuschel als Jostabeer bezeichnet.

Es gebbt um die hunnertfuchzich Arde un viele Serte un Zuchtforme, schwarze, rote, aach weiße. De Bliedestand is meischtens Trauwefermisch un enthällt viel Bliede. Die Planze sin entweder zwittrich, das heyscht, das ey Blied zwo Gschlechter hot, orre zwoheisich, das heyscht dass ey ganzi Planz nur Bliede vun eym Geschlecht hot. In de Beerscher gebts zwansich bis hunnert klenne Keere.

Hansgetrauwe gebts vorwieschend uff de Nordhalbkuchel, e paar Arde gebts awwer a in de Ande in Südamerika. Die kuldivierte Hansgetrauwearde un Sorde kummen allegar vun Schwede, bis uf die Truuschele, die wahrscheinlich ausem Himalaya kimmt.

• Die Familie bei APG II. (engl.)
• Die Familie bei DELTA. (engl.)
• Die Familie bei GRIN. (engl.)
• http://www.floraweb.de
• http://www.plantnames.unimelb.edu.au/Sorting/Ribes.html