Aldeheem
En Aldeheem (im sieddaitsche Schbroochraum aa Aldersheem) iss ä Wohnoirischdung fer die Bedraiung unn Pleech vun alde Mensche. Wail daß haitzudaach aa jingere pleechebedirfdiche Mensche vun Aldeheeme uffgenumme werre, iss de Begriff Aldeheem glaischbedaidend mid Pleecheheem. Mensche, die nimmi allai wohne kenne odda wolle, werre vum Aldeheem uffgenumme. Fer Mensche, welle korzzaidisch odda dauahafd plegebedirfdich sinn werre die hauswärdschafdlische unn plegerische Hilf meglichsd im Wohnraum odda in de Plegeabdailung vum Aldeheem zur Verfiechung geschdelld. Nochm daitsche Heemgsedz gebbds ä draischdufische Versorchung: Aldewohnheem (AW), Aldeheem (AH), Aldepleecheheem (PH odda "Schdadsionäri Aldehilf"). Die Plechekoschde werre als Daagespleegesadz bezaischned unn muss de Heembewohna selbschd bezahle, was awwa maischd die Pleechevasischerung iwwernimmd. Insgesamd leewe 717.000 Mensche in uugfähr 10.000 Oirischdunge.
Aldeheeme befinne sisch endweda in schdaadlischa, kirschlischa odda privada Trägaschafd. Do de Odail vun de verschiedene Trägagrubbe:
| Staatliche Träger | etwa 10 % |
| fraigemeinnidziche Organisadsione | etwa 30 % - 60 % |
| Schdifdunge, welle Gewinnschdreewe unnersachd iss | etwa 1 % – 5 % |
| Privade Betraiwer (Klääbetriewe) | edwa 15 % |
| Privade Betraiwer (Keddebetriewe) | unner 15 % |
De Begriff "Aldeheem" werd ofd mid Abschiewung in Verbindung gebråchd, deswege benudze viele Aldèheem de Begriff "Senjorè.residenz". Wie owwe schun gsaad werre aa jingere Laid ins Aldeheem uffgenumme. Deswege konn mer de Begriff aa als bedengklisch õõséjè.
Aldepleech iss ä Frauedomän, nur 10-20% vun de Aldepleecha sinn Männa.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
