Tip Marugg
| Pais di nashonalidat | Antias Hulandes  |
|---|---|
| Fam | Marugg |
| Fecha di nasementu | 16 desèmber 1923 |
| Lugá di nasementu | Willemstad |
| Fecha di fayesimentu | 22 aprel 2006 |
| Lugá di fayesimentu | Willemstad |
| Dominio di idioma | Hulandes |
| Okupashon | eskritor |
| Distinshon | Premio Cola Debrot |
Silvio Alberto (Tip) Marugg (☆ 16 di desèmber 1923 na Willemstad – † 22 di aprel 2006 na Willemstad) tabata un eskritor i poeta antiano.
E la nase komo e di sinku di shète yiu. Su mayornan tur dos tabata katóliko pero Marugg a wòrdu kriá katòliko komo protestant. E la haal su diploma di mulo na aña 1942 e mester a drenta 5 aña di servisio militar. Despues e la traha basta aña na Shell. Ora e tabata traha na e pagina di personal di Shell yamá 'Passaat', e la deskubri su talentonan pa skirbi. E la debutá na 1958 ku su buki di novela Weekendpelgrimage. Na 1967 e la sigui ku In de straten van Tepalka. Pero te na 1988 e la saka su di très novela, De morgen loeit weer aan ku a haña nominashon pa e premio di literatura di AKO. Marugg tabata kasi 20 aña ku penshun na e momentu ei i a tuma retiro for di skirbimentu. Su bukinan a wòrdu tradusí den entre otro ingles i ruso.
Meskos ku Boeli van Leeuwen, kende tabata su amigu, e bida riba e isla di Kòrsou tabata hunga parti sentral den su storianan. E la buska un manera pa demostrá e paradohanan entre e eksistensia individual i e bida den komunidat. Su estilo si ta otro. Kaminda Van Leeuwen ta lusi su mes ekstravagante i ku hopi atenshon pa grupo, Marugg tabata mas moderá, melankóliko i mas di fokus riba e ser individual.
E delaster añanan di su bida e tabata keha di un bistá ku tabata sigui bai atras, kual a kousa ku e no tabata den un estado mas pa skirbi i lesa. Tambe e la pèrdè un pia un aña promé ku e la fayesé dor di un infekshon.
Aunke e tabata kriá kristian, Marugg no tabata tin kreensia. Su falta di religion tabata un gran motivashon pa skirbi, asina e tabata buska sentido den su bida.
Obra
[editá | editá fuente]- 1958 – Weekendpelgrimage
- 1967 – In de straten van Tepalka
- 1976 – Afschuw van licht; gedichten 1946-1951
- 1988 – De morgen loeit weer aan (novela)
- 2009 – De hemel is van korte duur (kolekshon di obra, kompilá pa Aart Broek i Wim Rutgers)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
