Little League World Series

Fecha di fundashon òf kreashon	1947
Deporte	beisbòl
Pais	Estadonan Uni di Merka
Koordinato geográfiko	41°13′48″N 76°58′48″W
Operado	Little League Baseball
Wèpsait ofisial	https://www.littleleague.org

Little League World Series (LLWS) ta un torneo di beisbòl anual pa mucha entre di 11 pa 13 aña di edat. Orginalmente e torneo tabata wòrdu yamá e National Little League Tournament i atraves di tempu a kambia a e nòmber pa por hasié un World Series, un torneo mundial enbes di nashonal. E promé torneo a tuma lugá na aña 1947 i e ta tuma lugá tur aña den ougùstùs na South Williamsport, Pennsylvania na Merka.

Den komienso timnan di Merka so tabata kompetí kontra di otro den e 'World Series', pero ku tempu a hasié un torneo kaminda ku timnan di rònt mundu por kompetí. E torneo ta bastante famá, espesialmente den Estadonan Uní di Merka, kaminda ku e kanal ESPN ta transmití esaki tur aña di nobo. Na aña 2006 a adaptá e regla di edat. Hungadónan mag kumpli 13 aña despues di promé di mei i no despues di promé di ougùstùs manera tabata kustumber. Komo ku e torneo ta tuma lugá den luna di ougùstùs, mayoria hungadó ta kumpli 13 aña promé ku e torneo tuma lugá. Entrante di aña 2018, solamente hungadónan ku ta bai kumpli 11 i 12 aña mag partisipá na e torneo. E regla akí ta hasiendo su entrada kuminsando ku hungadónan ku a nase riba i despues di promé di yanüari 2006.

Aunke ku den boka di pueblo sa yama e Little League Baseball World Series na e nòmber Little League World Series, e ta solamente unu di ocho torneo ku ta keda organisá pa e organisashon Little League International. Kada unu ta trese sea timnan di beisbòl of sòftbòl di rònt mundu huntu den un di e kuater kategoria di edat. E struktura deskribí akí ta esun ku ta kedá usá pa e Little League Baseball World Series. Esun ta keda usá pa e otro World Series ta similar, pero ku diferente region.

E kampeonato di LLWS tin un divishon nashonal i un divishon internashonal i tur wega ta segun un sistema di dòbel eliminashon. Na su turno, kada divishon ta dividí den gruponan regional. Pa motibu di e pandemia di corona no tabatin kampeonato na 2020 i na 2021 a tuma lugá unikamente e torneo di divishon nashonal 'All American'.^[1] Den LLWS Kòrsou a titulá kampeon mundial na aña 2004 i supkampeon na aña 2005 i 2022.

Posishon	Tim	Título	Aña
1	Taiwan	17	1969, 1971, 1972, 1973 1974, 1977, 1978, 1979, 1980, 1981, 1986, 1987, 1988, 1990, 1991, 1995, 1996
2	Hapon	11	1967, 1968, 1976, 1999, 2001, 2003, 2010, 2012, 2013, 2015, 2017
3	California	8	1961, 1962, 1963, 1992, 1993, 2009, 2011, 2023
4	Pennsylvania	4	1947, 1948, 1955, 1960
	Connecticut		1951, 1952, 1965, 1989
	New Jersey		1949, 1970, 1975, 1998
	Hawaii		2005, 2008, 2018, 2022
7	Mexico	3	1957, 1958, 1997
	Georgia		1983, 2006, 2007
	Sur Korea		1984, 1985, 2014
	New York		1954, 1964, 2016
12	Teksas	2	1950, 1966
	Venezuela		1994, 2000
	Michigan		1959, 2021
15	Alabama	1	1953
	New Mexico		1956
	Washington		1982
	Kentucky		2002
	Kòrsou		2004
	Louisiana		2019

• Little League World Series (Region Karibe)