Jean-Paul Sartre
_-_Jean_Paul_Sartre_and_Simone_De_Beauvoir_welcomed_by_Avraham_Shlonsky_and_Leah_Goldberg_(cropped).jpg)
Jean-Paul Charles Aymard Sartre (franses: [saʁtʁ]; ☆ 21 di yüni 1905 na Paris - † 15 di aprel 1980 na Paris) tabata un filósofo, dramaturgo, novelista, senarista, aktivista polítiko, biógrafo i kritiko literario franses, konsiderá komo un figura prominente di filosofia i marksismo franses di siglo 20. Sartre tabata un di e figuranan klave den filosofia di eksistensialismo (i fenomenologia). Su trabou a influensiá sosiologia, teoria krítiko, teoria poskolonial i estudio literario, i e ta sigui hasié. El a risibí e Premio Nobel di Literatura na 1964 apesar di a purba di rechas'é, bisando ku semper el a nenga honornan ofisial i ku "un eskritor no mester permití su mes pa bira un institushon."
Sartre a mantené un relashon habrí ku e prominente filósofo feminista i eksistensialista Simone de Beauvoir. Huntu Sartre i de Beauvoir a desafiá e suposishon i ekspektativanan kultural i sosial di nan edukashon, ku nan tabata konsiderá burges, tantu den estilo di bida komo den pensamentu. E konflikto entre konformismo opresivo i spiritualmente destruktivo (mauvaise foi, literalmente, mala fe) i un forma auténtiko di ser a bira e tema dominante di e promé obranan di Sartre, un tema inkorporá den su obra filosófiko prinsipal "Ser i nada" (L'Être et le Néant, 1943).[1] E introdukshon di Sartre na su filosofia ta su obra "Eksistensialismo ta un humanismo" (L'existentialisme est un humanisme, 1946), presentá originalmente komo un konferensia.
Referensia
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
