ਫ਼ਵਾਦ ਅਫ਼ਜ਼ਲ ਖ਼ਾਨ
ਖਾਨ, ਅਗਸਤ 2014 ਵਿੱਚ ਕੈਪਟਨ ਤਿਆਓ ਦੇ ਸੈੱਟ ਤੇ 'ਖੂਬਸੂਰਤ' ਨੂੰ ਉਤਸ਼ਾਹਿਤ ਕਰਦਿਆਂ
ਜਨਮ	(1981-11-29) 29 ਨਵੰਬਰ 1981 (ਉਮਰ 42) ਕਰਾਚੀ,[1][2] ਪਾਕਿਸਤਾਨ
ਰਾਸ਼ਟਰੀਅਤਾ	ਪਾਕਿਸਤਾਨ
ਸਿੱਖਿਆ	ਲਾਹੌਰ ਗਰੈਮਰ ਸਕੂਲ
ਅਲਮਾ ਮਾਤਰ	ਨੈਸ਼ਨਲ ਯੂਨੀਵਰਸਿਟੀ ਆਫ਼ ਕੰਪਿਊਟਰ ਐਂਡ ਇਮਰਜਿੰਗ
ਪੇਸ਼ਾ	ਅਦਾਕਾਰ, ਮਾਡਲ, ਗਾਇਕ
ਲਈ ਪ੍ਰਸਿੱਧ	Entity Paradigm, ਦਾਸਤਾਨ, ਹਮਸਫ਼ਰ, ਜ਼ਿੰਦਗੀ ਗੁਲਜ਼ਾਰ ਹੈ and ਖੂਬਸੂਰਤ
ਜ਼ਿਕਰਯੋਗ ਕੰਮ	ਇਰਤਿਕਾ
ਜੀਵਨ ਸਾਥੀ	ਸਦਫ਼ ਖ਼ਾਨ
ਬੱਚੇ	1 ਪੁੱਤਰ

ਫ਼ਵਾਦ ਅਫ਼ਜ਼ਲ ਖ਼ਾਨ (Urdu: فواد افضال خان, ਹਿੰਦੀ: फ़वाद अफज़ल ख़ान; ਜਨਮ November, 1981) ਇੱਕ ਪਾਕਿਸਤਾਨੀ ਅਭਿਨੇਤਾ, ਮਾਡਲ ਅਤੇ ਗਾਇਕ ਹਨ। ਫਿਲਮ ਖ਼ੁਦਾ ਕੇ ਲੀਏ ਅਤੇ ਟੀਵੀ ਡਰਾਮੇ ਹਮਸਫ਼ਰ ਨਾਲ ਉਹਨਾਂ ਦਾ ਨਾਂ ਖੂਬ ਚਰਚਾ ਵਿੱਚ ਰਿਹਾ। 2014 ਵਿੱਚ ਉਹਨਾਂ ਇੱਕ ਭਾਰਤੀ ਹਿੰਦੀ ਫਿਲਮ ਖ਼ੂਬਸੂਰਤ ਕੀਤੀ ਜਿਸਲਈ ਉਹਨਾਂ ਨੂੰ ਸਾਲ ੨੦15 ਦਾ ਫਿਲਮਫੇਅਰ ਸਨਮਾਨ ਵੀ ਮਿਲਿਆ^[3]

ਫ਼ਵਾਦ ਖ਼ਾਨ ਦਾ ਜਨਮ ਲਾਹੌਰ ’ਚ ਹੋਇਆ। ਉਸਦੇ ਪਿਤਾ ਇੱਕ ਫਰਮਾਸਿਊਟੀਕਲ ਕੰਪਨੀ ਦੇ ਸੇਲਜ਼ ਡਿਪਾਰਟਮੈਂਟ ’ਚ ਕੰਮ ਕਰਦੇ ਸਨ। ਉਸਦੇ ਪਿਤਾ ਨੂੰ ਆਪਣੇ ਕੰਮ ਕਾਰਨ ਬਹੁਤ ਥਾਈਂ ਆਉਣਾ-ਜਾਣਾ ਪੈਂਦਾ ਸੀ, ਜਿਵੇਂ- ਏਥਨਜ਼, ਦੁਬਈ, ਸਾਊਦੀ ਅਰਬ, ਰਿਆਦ ਆਦਿ। ਜਦੋਂ ਉਸਦੇ ਪਿਤਾ ਨੇ ਰਿਟਾਇਰਮੈਂਟ ਲੈ ਕੇ ਆਪਣਾ ਕੰਮ ਸ਼ੁਰੂ ਕੀਤਾ, ਉਦੋਂ ਉਹ 13 ਸਾਲ ਦਾ ਸੀ। ਉਹ ਐਨੀਮੇਸ਼ਨ ਦੇ ਖੇਤਰ ’ਚ ਕੰਮ ਕਰਨਾ ਚਾਹੁੰਦਾ ਸੀ, ਪਰ ਕਿਸੇ ਕਾਰਣ ਕਰਕੇ ਉਸਨੂੰ ਕੰਪਿਊਟਰ ਸਾਇੰਸ ਦੀ ਪੜ੍ਹਾਈ ਕਰਨੀ ਪਈ ਜਿਸ ਵਿੱਚ ਮੇਰੀ ਦਿਲਚਸਪੀ ਨਹੀਂ ਸੀ। ਕਾਲਜ ਦੇ ਦਿਨਾਂ ’ਚ ਉਹ ਮਿਊਜ਼ਿਕ ਬੈਂਡ ਬਣਾ ਕੇ ਸੰਗੀਤਕ ਸਟੇਜ ਸ਼ੋਅ ਕਰਨ ਲੱਗ ਪਿਆ ਸੀ। ਉਸਨੇ ਕਰੀਬ 250 ਸਟੇਜ ਸ਼ੋਅ ਕੀਤੇ। ਫਿਰ ਉਸਨੂੰ ਟੀ.ਵੀ. ਡਰਾਮਿਆਂ ਵਿੱਚ ਕੰਮ ਕਰਨ ਦਾ ਮੌਕਾ ਮਿਲਿਆ। ਫਿਰ ਉਹ ‘ਹਮਸਫ਼ਰ’ ਅਤੇ ‘ਜ਼ਿੰਦਗੀ ਗੁਲਜ਼ਾਰ ਹੈ’ ਜਿਹੇ ਡਰਾਮਿਆਂ ’ਚ ਕੰਮ ਕਰਦਾ-ਕਰਦਾ ਪਾਕਿਸਤਾਨ ਟੈਲੀਵਿਜ਼ਨ ਦਾ ਇੱਕ ਚਰਚਿਤ ਚਿਹਰਾ ਬਣ ਗਿਆ। ਇਸ ਤੋਂ ਬਾਅਦ ਸ਼ੋਇਬ ਮਨਸੂਰ ਨੇ ਉਸਨੂੰ ਫ਼ਿਲਮ ‘ਖ਼ੁਦਾ ਕੇ ਲੀਏ’ ਵਿੱਚ ਕੰਮ ਕਰਨ ਦਾ ਮੌਕਾ ਦਿੱਤਾ ਤਾਂ ਉਹ ਫ਼ਿਲਮਾਂ ਨਾਲ ਜੁੜ ਗਿਆ। ਉਸਦੇ ਕਈ ਟੈਲੀਵਿਜ਼ਨ ਡਰਾਮਿਆਂ ਤੇ ਫ਼ਿਲਮਾਂ ਨੂੰ ਪਾਕਿਸਤਾਨ ਤੋਂ ਬਾਹਰ ਵੀ ਪਸੰਦ ਕੀਤਾ ਗਿਆ। ਇਸ ਤੋਂ ਬਾਅਦ ਉਸਨੇ ਬਾਲੀਵੁੱਡ ਫ਼ਿਲਮ ‘ਖ਼ੂਬਸੂਰਤ’ ਕੀਤੀ, ਜਿਸ ਲਈ ਉਸਨੂੰ ਫਿਲਮਫੇਅਰ ਐਵਾਰਡ ਵੀ ਮਿਲਿਆ। ਉਸਦੀ ਦੂਜੀ ਫ਼ਿਲਮ ‘ਕਪੂਰ ਐਂਡ ਸਨਸ’ ਰਿਲੀਜ਼ ਹੋਈ ਹੈ। ਇਸ ਵਿੱਚ ਉਸ ਨਾਲ ਆਲੀਆ ਭੱਟ, ਸਿਧਾਰਥ ਮਲਹੋਤਰਾ ਤੇ ਰਿਸ਼ੀ ਕਪੂਰ ਨੇ ਕੰਮ ਕੀਤਾ ਹੈ।