Lo StuG III es un canon automotor alemand de la Segonda Guèrra Mondiala.

Desvolopat a partir de 1936, intrèt en produccion en 1940 e lo demorèt fins a 1945. Amb mai de 10 500 exemplaris, foguèt lo blindat alemand pus produch dau conflicte. Èra un veïcul bas amb un blindatge frontau important e equipat d'un canon de 75 mm. Foguèt regularament modificat per installar de canons de pus poderós (passatge progressiu dau StuK 37 au StuK 40) e per aumentar lo blindatge. A l'origina, èra destinat au sostèn de l'infantariá e equipat d'un canon cort. Pasmens, sa talha bassa e la necessitat de trobar un blindat capable de luchar còntra lei T-34 sovietics entraïnèt sa transformacion en caçaire de carris. Acabada amb la version G en 1942 (aperaquí 7 800 exemplaris), aquela conversion donèt naissença a un veïcul bas capable d'engatjar totei lei carris mejans aliats ò sovietics.

Après 1945, l'URSS donèt una partida dei StuG III subrevivents a seis aliats. En particular, Siria l'utilizèt fins a la Guèrra dei Sièis Jorns en 1967. Certanei exemplaris, aguent perdut sa mobilitat, foguèron tanben utilizats coma fortificacion en 1973.

• Caçaire de carris.