Ribes nigrum
Cassís
| Règne | Plantae |
|---|---|
| Sosrègne | Tracheobionta |
| Division | Magnoliophyta |
| Classa | Magnoliopsida |
| Sosclassa | Rosidae |
| Òrdre | Rosales |
| Familha | Grossulariaceae |
| Genre | Ribes |
| Òrdre | Saxifragales |
|---|---|
| Familha | Grossulariaceae |
Lo cassís (Ribes nigrum) es una planta del genre Ribes de la familha Grossulariaceae originària de l'Euròpa del nòrd e central e tanben del nòrd d'Asia ont se considèran a vegada de la varietat sibiricum o tanben l'espècia Ribes cyathiforme. Es un arbust que pòt aténher 2 mètres de naut. Las fuèlhas an una disposicion altèrna e fan de 4 a 9 cm de long e amb 5 lòbes (las fuèlhas fan una fòrta odor desagradabla). Las flors fòrça pichonas se dispausan en rasim de 5 a 10 cm de long. Lo fruch, es una baia (amb mai d'una granas) de 1 cm de diàmetre de color porpra fòrça escur, practicament negra.
Cultura e usatges
[modificar | Modificar lo còdi]
Se cultiva en climas temperats o temperas fregs (s'adaptan pas plan al clima mediterranèu a causa de la secada e calor de l'estiu). S'espandís al nòrd fins al centre de Finlàndia e Siberia. Se reprodusson aisidament en porreta de troces lenhos a la davalada.
Las baias son comestiblas, mai apreciadas en produchs derivats coma de chucs e melmeladas. L'infusion de las fuèlhas es fòrça apreciada (malgrat que las fuèlhas frescas an una odor desagradabla, coma l'urina del cat). Elaboracion de licors: crèma de cassís o Ribena al Reialme Unit e EUA. S'utiliza tanben per aromatitzar la vòdka.[1]
Lo chuc de la riba negra conten aperaquí 4 còps mai vitamina C que lo chuc d'iranja. Las baias son una rica font de antocianinas qu'aumentan la resisténcia dels capillars, an de proprietats vasoprotectors, antiedematòsis, antioxidants e favorisson la regeneracion retiana. Es un aliment antifatiga e antiinfecciós.[2] L'apòrt en calci (60 mg per 100 g) contribuís a la santat dels òsses. Favorisa l'eliminacion de l'acid uric. Es doncas util per combatre los reumatismes, la gota, l'artròsi. A un efièch en estimulant de las glandulas suprarenalas. Existisson d'estudis que verifican son activitat antigripala. Coma diürètic estimula la foncion epatica e la foncion renala. Es util per combatre l'obesitat. Se considèra benefic pels problèmas circulatòris e de tension nauta. A de proprietats per combatre la disenteriá e la diarrèa. En aplicacion extèrna s'utiliza per aleugir los efièches de la fissadas d'insèctas. Se pren tanben coma cicatritzant.
Referéncias
[modificar | Modificar lo còdi]Ligams extèrnes
[modificar | Modificar lo còdi]- «The Blackcurrant Foundation». Fondacion britanica per la promocion del riber negre
- «Ribes nigrum». .
Text is available under the CC BY-SA 4.0 license; additional terms may apply.
Images, videos and audio are available under their respective licenses.
