Priorat de Graville
Lo priorat de Graville, tanben aperat abadia de Santa Onorina, qu'estó fondat au sègle XIau. Que's tròba au Havre, dens lo departament de Sèina Maritima e la region de l'Auta Normandia. Que vadó «monument istoric» en 1875.
Istòria
[modificar | Modificar lo còdi]La glèisa qu'ei dedicada a Santa Onorina, de qui non sabem pas quasi arren. Lo son còs sacrat que l'aurén transferit de la soa purmèra sepultura dens la diocèsi de Bayeux au sit de Graville. Ua istòria deu sègle XIIau que relata la translacion de las soas relíquias de Graville a Conflans, dens la region parisenca, per un grop de refugiats huegent la miaça deus vikings.[1],[2],[3] Los bastiments conventuaus qu'eston construsits enter la fin deu sègle XIIau e la debuta deu sègle XIIIau, mantun traç deus quaus e subsisteish dens la sala capitulara.
Referéncias
[modificar | Modificar lo còdi]- ↑ Istòria literària de França: obratge començat per uns religiós benedictins de la Congregacion de Sant Maur, e contunhat per uns membres de l'Institut (Acadèmia de las Inscripcions e Bèras Letras) (fr)
- ↑ La translacion de las relíquias de Santa Onorina, Conflans-Sainte-Honorine (fr)
- ↑ Santa Onorina, enter Bayeux, Graville e Conflans (fr)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
