La premiera batalha de Kosova ò batalha dau Camp dei Mèrles se debanèt lo 15 de junh de 1389. Opausèt lei fòrças otomanas a una coalicion d'estats balcanics crestians formada de Serbia, de Bòsnia e d'Albania renfòrçada d'autrei contingents venguts dei Balcans e d'Ongria. S'acabèt per una victòria saunosa otomana mai la mòrt dau sultan empachèt l'esplecha d'aqueu succès car una guèrra de succession acomencèt entre seis enfants. Pasmens, la batalha permetèt de renfòrçar la preséncia otomana dins la region e d'eliminar la menaça deis estats balcanicas car, au contrari deis Otomans, poguèron pas remplaçar rapidament sei pèrdas.

• Segonda batalha de Kosova.