Plaça de la Comèdia
La plaça de la Comèdia de Montpelhièr, escaissada "plaça de l'uòu", es la plaça centrala de la vila, lo centre medieval de la vila. La Comèdia s'espandís sur un ancian espaci de barris, coma los baloards entornejant lo centre.
Son nom ven del teatre municipal (Opèra Comèdia) que la faciada monumentala es al sud-oèst de la plaça.
Istoric
[modificar | Modificar lo còdi]
La primièra plaça data de 1755. Èra situada sur l'anciana empresa del barri de Montpelhièr a la nautor de la pòrta de Latas, prèp dels bastiments del governador de Lengadòc.
La font subremontada de l'escultura de las Tres Gràcias (Aglaèa, Eufrosina e Talia) foguèt installada a la fin dels ans 1790. Es d'Étienne d'Antoine, un escultor de Carpentràs. En 1794, èra sus la plaça de la Canorga ont alara èra l'ostal de vila. En 1989, l'original foguèt desplaçat al Musèu Fabre e daissèt plaça a una còpia. L'original es uèi a la dintrada l'Opèra Comèdia.
Al sègle XIX venguèt de mai en mai utilizada amb la creacion de la carrièra Foch e de la carrièra de la Lòtja e la dubertura de la gara de Montpelhièr Sant Ròc.
La plaça e los transpòrts
[modificar | Modificar lo còdi]La plaça es organizada per l'« uòu » ont tròna la copia de l'estatua-font de las Tres Gràcias. A l'origina, l'« uòu » èra l'espaci pedonièr de la plaça de la Comèdia entornejada per totas las rotas que traversavan encara lo centre de la vila (que la RN 113). De contunh, la circulacion automobila foguèt fòrabandida de la plaça.
Sus la plaça èra situada la gara de la linha del tren cap a Palavàs. I passava lo tram fins a 1949 e lo nòu tram la travèrsa.
Bibliografia
[modificar | Modificar lo còdi]- (fr)Autour de la Comédie, compilation de documents par Pierre Macaire, éd. Le Plein des sens, 2001, ISBN 87-90493-50-8.
Referéncias
[modificar | Modificar lo còdi]
Text is available under the CC BY-SA 4.0 license; additional terms may apply.
Images, videos and audio are available under their respective licenses.
