Un pariatge o pareatge èra una pacha de drech feudal per la quala dos senhors s'asseguravan una sobeiranetat partejada subre un meteis territòri. Aquesta pacha èra economica o comerciala dins la tòca d'administrar e d'esplechar los bens. D'un punt de vista politic, lo pariatge podiá ligar doas autoritats desparièras, de còps que i a una laïca e l'autra eclesiastica. En Occitània nombroses pariatges foguèron signats al moment de la creacion de las bastidas als sègles XIII e XIV.

Lo primièr pariatge foguèt benlèu signat en 1278 entre l'avesque d'Urgèl, e lo comte de Fois, que fixava sos dreches e poders respectius subre lo territòri d'Andòrra.